1
Paulo, wakuchemeriwa na Khilistu kuti akhale wakutumikira mwakufuna kwa Mulungu, na Sositeni m'bale wache,
2
ku tchalitchi ya Mulungu ya ku Akorinto, iwi ndiwo adachenesiwa kuna Yesu Khilistu na kuchemelewa kuti akhale wakuchena, pabodzi na wense omwe ali pa mbuto ikulu omwe ambachemera pa dzina la Mbuya wathu Yesu Khilistu, omwe ni Mbuya wawo na ifepano.
3
Chisomo na mtendere bzikhale na imwe bzakuchoka kuna Mulungu Baba wathu na Mbuya Yesu Khilistu
4
Nthawe zense nimbatenda kuna Mulungu wangu thangwe la chisomo cha Mulungu chomwe Khilistu Yesu adapereka kuna imwe.
5
Iye adakuchitisani imwepo mukhale anyakudala mu njira ninga imweyi. Mu mafala yense na nzeru zense,
6
ninga umboni bwa Khilistu budatsimiziriwda ninga chadidi kuna imwe.
7
Thangwe lache musaikiralini mphatso ya mzimu pomwe mukudikhilira m`zimbulo wa Mbuya wathu Yesu Khilistu.
8
Iye omwe adzakukhazikani imwepo mpakana kumamaliziro, kuti mudzakhale anyakusaya kuphonya pa nsiku ya Mbuya wathu Yesu Khilistu.
9
Mulungu ngwakukhulupirika, omwe adakuchemerani imwepo ku chibverano cha Mwana wache, Yesu Khilistu Mbuya wathu.
10
Tsapano nimkudandaulirani , imwe adzinza, kuna dzina la Mbuya wathu Yesu Khilistu, kuti mwense mubverane, ndipo pasakhale kumwazana pakati panu. Ine nimkundaulirani imwe kuti mukhale wakugumana pabodzi na bzakukukmbuka bzibodzi na bzakufuna bzakulingana.
11
Nakuti ine ndidauziwa bzaimwepo, adzinza wangu, na wanthu wa ku Kloe kuti pa pana makani pakati pa imwepo.
12
Ine ndikulewa ichi, kuti penu winango wa imwe anilewa, ''kuti ine ndili pabodzi na paulo,'' Ine ndili pabodzi na apolo, ''Pinango kuti ine ndili pabodzi na Khilistu."
13
Kodi khilistu adagawanika? Kodi Paulo adamanikiwa pa muti thangwe la imwe? Kodi imwepo mudabatiziwa na dzina la Paulo?
14
Ndikutenda Mulungu tangwe ndilibe kubatiza winango wa imwepo, kupambula Krispo na Gayo.
15
Ibzi bzili telepoyo kuti palibe m`bodzi omwe angalewe kuti adabatiziwa na dzina langu.
16
( Ine ndidabatiza pomwe banja la Sitifano. Kupitilira popo, ndikudziwalini penu ndidabatiza pomwe wanthu winango.)
17
Pakuti Khilistu alibe kundituma ine kuti ndidzabatize soma kuti ndilalikire mafala yabwino__neye na mafala ya nzeru, kuchitira kuti mtanda wa Khilistu usakayeziwe ninga ulibe chinthu mu mphamvu yache.
18
Nakuti mafala ya mtanda yadapusa kuna iwo wakutayika. Soma kuna iwo ndiwo adapulumusiwa, ni mphamvu ya Mulungu.
19
Nakuti bziodanembiwa, ''Nidzadzonga nzeru za anyanzeru. Nidzasokoneza kubvesesesa kwa wakuchenjera.''
20
Alikuponi munthu wa nzeru? Alikuponi nyakunemba? Alikuponi wakugazana na dziko lino lapansi? Kodi Mulungu alibe kusintha nzeru za dziko zichikhala za kupusa?
21
Kuchokera nthawe ndiyo dziko lapansi na nzeru zache likhadziwalini Mulungu, Mulungu adakomedwa kupulumusa iwo ndiwo ambakhulupilira chakupusa cha kulalika.
22
Nakuti Ayuda ambabvunza bzizindikiro bzakudabwisa ndipo Ahelene ambabvunza nzeru.
23
Soma ife timbalalika kuti Khilistu adamanikiwa, kuna Ayuda nchakupsomesa ndipo kuna wanthu wakunja nchakupusa.
24
Soma kuna iwo ndiwo Mulungu adawachemera, wense Ayuda na Ahelene, timbalalikira bzakhilistu ninga mphamvu na nzeru za Mulungu.
25
Thangwe lakuti chakupusa cha Mulungu chimbaposa wanthu, na chitofu cha Mulungu china mphamvu kuposa wanthu.
26
Nyang`anani machemeredwe yanu, adzinza. Niwazinjilini wa imwe omwe akhana nzeru tikatengera ku thupi. Niwazinjilini wa imwe ndiwo akhana mphamvu. Niwazinjilini wa imwe ndiwo nimfulu.
27
Soma Mulungu adasankhula bzinthu bzakupusa bza dziko la pansi kuti achitise manyazi anyanzeru. Mulungu adasankhula adasankula chinthu chakusaya mphamvu cha dziko la pansi kuti achitise manyazi chomwe china mphamvu.
28
Mulungu adasankhula bzinthu bzakusaya basa nabzakunyozeka bza dziko la pansi. Iye adasankula bzinthu bzomwe bzimbakhala ninga kulibe, kuti abwerese bzinthu bzakusaya basa ninga bzabwino.
29
Iye adachita bzobzi kuti thupi lilirense lisakhale na thangwe lakubzitamandira pamaso pa iye.
30
Thangwe la bzomwe adachita Mulungu, tsapano muli mwa Khilistu Yesu, omwe adakhala nzeru kuna ife yakuchokera kuna Mulungu.Iye adakhala chadidi chathu, kuchena kwathu, na chipulumuso chathu;
31
Ninga kutawiriza, ninga bzidanembidwira, ''Lekani munthu ndiye akubzitamanda, abzitamande mwa Mbuya."