¹ Lwe agalusile ku kaperinehamu lye gajenzite amasiku mansi, zihivwiha ukuti ali pahaya. ² Vavungine avantu avinji nkani kwekula nukuti patali nuvuzilonavumo, napepe pamulyango vulo, pe uYesuahayanga izwi kuvavo ³ Pe avantu vahinza kuli wuyo vevamunyatuye umuntu we ayumiliye, anyatulilwe na vantu. ⁴ Lwe vapositwe ukupalamila pali wuyo mulandu wampuga ya vantu, vahapangula umusonje pamwanya pe uYes amile, lwe vigula vahisya ishitala she umuntu uwakumilila agoneye papo. ⁵ Lwe ayenyizye ulwitiho lwavo, uYesu ahati ku muntu wula uwakumilila, ''mwana, imbivi zyaho zyasilwa. ⁶ ''Ishi vamo ava Simbi vihaye pepala, vahanda ukusivilila mumwoyo gavo, ⁷ ''Umuntu uno angayanga vuli uvunye? Akunsamula! wunanu we angaswila imbivi wu Mulungu weka?'' ^{8 9} Umwaluvilo uYesu ahazyagania mumupepo wakwe zye vahasivaga mulivavo. ahati kuvavo, ''shoni she mukusiva izi mumoyo ginyu? Shoni she shipepusile, ukuyanga ku muntu uwa kumilila, 'Imbivi zyaho zyaswilwa, ' pamo ukuyanga ukuti, 'nyamuha, senda ishitala shaho, jendaga? ¹⁰ Nkandi izi mwamile muzimanye ukuti umwana uwa muntu ali namaha munsi iya pansi agakutetela imbivi, ''ahayanga kwa we ayumiliye, ¹¹ ''nkuyanga kuliwe, nyamuha, senda ishitala shaho, jendaga kunyumba. ¹² ''Ahayamuha mwaluvilo ahasdenda ishitala, nukufuma pantanzi pavonti, pe ponti vahasukumila nukumupa uvupiti uMulungu, vahati, ''tutalitela twenye zimo inza vwevulo.'' ¹³ Ahajenda havili muluvazu mwa sumbi, pe impuga yonti yihinza kukwakwe, pe ahanda ukuvamanyisya. ¹⁴ Lwe akushilingania ahamwenya u Levi umwana wa Alufeyo atendime pi tenti lya vasonkola musonko, pe ahamuvuzya, ''ndandata. ''ahanyamuha nukumulandata wuyo. ¹⁵ UYesu lwe akulya ishakulya munyumba ya Levi pe avasonkola musonko navatalamalandu vahalwanga poka nava sundikwa vakwe, she abinji vamulandite wuyo. ¹⁶ Avene avasimbi vevali va falisayi lwe vamuvonyi ukuti akulya nava musonkola musonko navatalamalandu, vahati kuvasundikwa vakwe, ''shoni she ukulya navasonkola musonko na vatalamalandu?'' ¹⁷ Lye uYesu ayivuye zinizi ahavavuzya, ''avantu vetevavinu vatakumwanzaga umuganga, nkandi avantu avavinu. ntahinza ukuvita avantu avavagolosu, nkandi avatalamalandu.'' ¹⁸ Ishi lelo avasundikwa va Yohani na vafalisasyi vahafungaga, pe avantu vahinzaga nu kuyanga kuwuyo, ''shoni she avasundikwa va Yohani navasundikwa vava falisayi vakufunga, loli avasundikwa vaho vatakufunga?'' ¹⁹ UYesu ahavamula, ve visitwe kuvu kwati vangafunga lwe umuhola mukwati ali navo? Monti mwezingavela nanti umuhola vukwati ali navo, vatangafunga. ²⁰ Loli amasiku gakwinza ge umuhola vukwati alisendwa ukufuma kuli vavo, pe amasiku ago, valifunga. ²¹ Nawumo we akusonaga ahenda ahapya pa mwenda umukali. Ishigamba ishipya shikuzepula umwenda umukali, pe ukuzepuha kukuva kupiti. ²² Nawumo we akuvihaga ipele ipya mumafuku agama kwela amakali. Nanti shingava uvo ipele lingapunsya amakwela pe vonti ipele na makwela vingasovela. pe loli, ipele ipya ukusengania mumafuku agamakwela amapya.'' ²³ Pisiku lya sabata uYesu ahadumunsania mumagunda gangano, pe avasundikwa vakwe vahanda uukudumula amatwe ga ngano. ²⁴ Pe ava Falisayi vahayanga vahati kuwuyo, ''yenya,shoni she vakuvomba zye zitakwitishiziwa pisiku lya sabata?'' ²⁵ Uwene ahati kuvavo, ''mutahatela muvelenje zye u Dedveti avonvile lwe asovelilwe havili lwali ninzala-navantu ve ali navo- ²⁶ mwe avaliye munyumba ya Mulungu lwde u Abiyatha ali washiputo umupiti, nu kulya umukate uwa pashifinjilo, she shali mwiho ku wonti wula ukulya veka ava shiputo, havili ahavapa vamo ve vali nawo?'' ²⁷ UYesu ahati, ''Isabata lihagombwa ku muntu, te muntu kwa sabata. ²⁸ Pe lelo, Umwana wamuntu wu Mwene , havili wu Sabata.''