¹ Paulonu nu Timoti,baombi ba Kilisitu Yesu, ku bandu bosi abasayiwa bo bali Filipu, pamupene nabaketi poka nababombi . ² Sa ichisa chise kukwinu sona nubufwase kufuma kwa Chala umupapi witu poka nu Yesu kilisiti. ³ Ngumupalisya u Chala wangu akabalilo kosi ngubakumbuka numwe, ⁴ akabalilo kosi munyiputo syangu syosikupangisya ulughano ⁵ pachifukwa chakukolelana kwa nyiputo ukwanda pa bwandilo umupaka umusughu. ⁶ Indi nulusubilo pa chindu ichi, kuyuyo akanda imbombo inyisa mwa umwe ukuti apitilisye pakumalisya umupaka pisiku lya Yesu kilisitu. ⁷ Chili nune pakubakumbuka umwe musila iyi chifukwa muli mumoyo wangu. Mmwebosi mwebapalamani bangu tukwendela pamupene pa ndamyo napabulwe sona napakufumila ku chisa chichichi. ⁸ U Chala wekaboni wangu ukuyana nubutuli nukukolelana mwa Yesu Kilisitu akabalilo kosi. ⁹ Ulu lolwiputo lwangu ukuti ulughano lwinu lo lube lwakukulila sona namahala mingi sona nukupulikisya kosi ¹⁰ ukuti mumanye chochisa nacho chibibi umupaka pisiku Kilisiti, ¹¹ ukwisula nifipasi fyabugholou fyofikwisa ukwendele mwa Yesu Kilisitu ukuba belu sona nukusayiwa mwa Chala. ¹² Ulu ngulonda umwe mumaye , bakamu bane, fyo fikachitika kwa une ukuyti une imbombe imbombo inyisa. ¹³ Ubumalilo bwake bwakukolana mwa Kilisitu bwisa nubwelu munyumba syosi isyabapinyiwa sona nakumundu wesi. ¹⁴ Abanyitu abingi bali nulusubalilo ulukulu mwa Malafyale chifukwa cha bupinyiwa bwangu,sona bali nubukifu ubwambula ukoghopa ukuyana nisyu. ¹⁵ Bamu naloli bakumuyugha u Kiliisitu ububibi sona mumwabo muli ifibibi sona abangi bakumuyugha ubwisa. ¹⁶ Panyuma pawo babafumukisya mulughano, bakumanya ukuti babikiwe kuno ukulwa nisyu. ¹⁷ Loli ababwandilo bala bakumufumusya u Kilisitu ububibi nukwitufya ngani mumwabo mutakaba ubwanaloli. bakati pamu bangambisanya po ngaba mupinyiwa. ¹⁸ Ngapo choni? musila yene iyi-kali ukufuma kubumyasi kali mubwanaloli-Kilisiti akufumusiwa, sona mu ifi nguhoboka. Momumo, nguyuhoboka, ¹⁹ pakuti ngumanya ukuti ubumalilo bwangu tibukabe bupoki ukwendela munyiputo syinu ukwendela mu Muzimu wa Yesu Kilisiti. ²⁰ Isi syosyo sili mukati kane sona indi nulusubilo ti imbe newakwambula ukukosiwa isoni, sona nakubosi tiabenge wakughindikiwa apa na bwilebwile kali pali ubumi pamu ubufwe . ²¹ Kwa une pakwikala we Kilisitu napakufwa we kilisitu. ²² Loli linga pala ngwikala mubumi , cho chikung`anamula iseke inyisa kwa une.Ngapo ningasala ichoni? ndakumanya. <sup>23</sup> Ngutesya imbali syosi sibili. Inyinong`ono syane syakufumako nukumamatilana poka Kilisiti,cho chisapo, ²⁴ ingapo pakwikala mubundu chisapo ngani ku ummwe. ²⁵ Ukuba nulusubilo pa ichi ngumanya ukuti tisyalikile pakupilila nummwe poka, ukwendelela kwinu sona nulusekelo lwa lusubilo, ²⁶ ukwakuti une mbukilisye pakuwesya ifundo nukusikusya mmwa Kilisiti Yesu pala ngwisa sona kwa umwe. ²⁷ Loli amendelo ghinu ghayaneghe na masyu agha Kilisitu, ukuti pala ngwisa pakubatesya umwe napo ndalipo mbaghile imbifwe umwe, ukuti umwe mwimilile mwambepo, ninyinong`ono simussyene nukulwila poka mubwanaloli mumasyu. ²⁸ Manye mopesiwe na bandu bobalughu binu.Ichi chocho chimanyisyo kukwako ukutamiwa, loli pachisa chinu ichi chikufuma kwa Chala. ²⁹ Namannga mupeghiwe bubu chifukwa Kilisitu tepopakumusubila pene , loli napakutamiwa poka nawe, ³⁰ indamyo yoka yomwayitesisye mumwangu sona apa mukifwa mumwangu.