¹ Lyeni muye mweyakutolela kuli Leza, ngati mwe yana yakundwe. ² Nupya mupite mulukundo ndi vino nawekwene Kilisitu watukunzile sweswe nukuyitwala pamulandu naswe, ichakuyipa ichisuma nupya ichakuyipa kuli Leza. ³ Kwene kutaya nanthi ukupamula pakasi pali mwemwe pa vya wuchende pamwi umutundu wonsi uwakunhtazipa pamwi uwakuyitemwa, pano vii asi ivyololoke (sivisuma) kuyanthu ayatiswe yakwe Leza. ⁴ Mutaleka kuye umuvyango uwuyipe, nukuvwanga kwa wupuwa, ni nthongozi injipe-vyonsi vivyo asi ivilungamane. Nkhandi kwaya ukutayizya. ⁵ Pano mwasimichila kali chii, kuno kusi uwawuchende, mutalungamana, pamwi uwambunu-alikuti, nayakapepa ya vikolanyo-yasi nukupya muwumwene wakwe Kilisitu na Leza. ⁶ Mutaleka wumwi awayipa na mazwi ayasile, pakuti pamulandu nivinthu vino uwukali wakwe Leza wukwiza ku yana yakwe ya chinthuvwa. ⁷ Achino, mutasanzinkhana nawo. ⁸ Pano yimwi mwali mwenfinzi, kwene nomba mwe kuwala muli Mwene.Pitanji ngati mweyana yakuwala. ⁹ (pano ivikomwa vyakuwala vyaya nuwusuma wonsi, nuwuchumi), ¹⁰ nupya sambililini ichakusechelesya kuli Mwene. ¹¹ Mutasanzinkhana ni milimo iyawula ivikomwa iyamfinzi,nkhandi yiyikini apatiswe. ¹² Muno ichansonyi na pakutaka ivinthu vino yakawomba muku fisama. ¹³ Kwene ndi chino chaletwa apatiswe nukuwala, chikaloleka. ¹⁴ Pano ndi chino chaloleka ali kuwala.Lyene chikati, "Zyuka wekakasula, nupya katuka kuwufwe,nukuti Kilisitu alawala pali sweswe." ¹⁵ Lolechesya ningo muno ukupitila-kutaya ukwa kunthachenjela nkhandi ukwa kuchenjela. ¹⁶ Womvya ningo insita pakuti amanda ayayipe. ¹⁷ Achino mutaya mwe yapuwa, nkhandi wuvwichisyini ichakulonda cha Mwene. ¹⁸ Nupya mutakoleka uwengwa, muno chino chikatwala kumisango iyiyipe.Kwene, kwilini numupasi uwutiswe, ¹⁹ mwavwanzyana mumasalimo ni nyimbo ni nyimbo zya mupasi, yimbilanji nukwelewula inyimbo kuli Mwene winu numwenzo winu wonsi, ²⁰ insita yonsi tayizyanji kuli Leza Tatapa li vyonsi ,mwizina lyakwe Mwene witu Yesu Kilisitu, ²¹ konkhananji pa mulandu nu muchinzi winu kuli Kilisitu. ²² Mweyatwalwe, wuvwilini kuyalume yinu, ndivino kuli Mwene. ²³ Pano umonsi ali mutwe wa mwanachi ndivino Kilisitu nawe ali mutwe wa ng'anda yamapepo, na Kilisitu weliwe akatula wa mwili. ²⁴ Kweni ndivino ing'anda ya mapepo yili mu maka yakwe Kilisitu, avino chili ayanachi yayipela kuyalume muli vyonsi. ²⁵ Mweyatwale, kundini ayachi yinu, ndivino Kilisitu watemilwe ing'anda yamapepo nukuyitwala wenga kuli yoliyo. ²⁶ Kilisitu wayitwazile wenga kung'anda yamapepo ukuti amaka yamuswefye, waswefizwe na manzi aya mwizwi, ukuti afwile amulanjizye kuli weliwe ngati uwuchindami, ²⁷ ukuya ukwawula iviko pamwi inkhasi pamwi nanthi chimwi ichamusango wuu, kwene uwutiswe uwawula uluyembu. ²⁸ Munzila yiliyimwi ayatwale yafwile yakunde ayachi yawo ngati imyili yawo. Wiyo wino wakunda umuchi wakwe wayikunda wenga. ²⁹ Amuno pasi wino atala apata umwili wakwe, kweni ukuyisya nukuyisakamala nu wusaka, ndivino Kilisitu akalisya nukusakamala ing'anda yamapepo nuwusaka, ³⁰ pamulandu wuu sweviwumbwa vya mwli wakwe. ³¹ Pamulandu wuu umonsi alisya yisi na nyina nukupatichizwa nu muchi wakwe, nupya yayili yaliya umwili wonga.'' ³² Chii chikafisa uwumolimo uwukalamba-kweni nemo nkhuvwanga vyakwe Kilisitu ni ng'anda ya mamepo. ³³ Ichendi, ali wensi wakwe mwemwe afwile akunde umuchi wakwe ngati uweliwe, numwanachi afwile achindike umulume wakwe.