¹ Ro Paulus i, be be women be, Yesus Kristus snar awawar Allah iwun yabe Timotius min nu bero tar. ² Seref no nggaku- no nggaku be seken ma no nggaku no nonggaku be, bye seref Kristus ro Kolose ibye serefi ma dome be-bye be-ro Allah kama ketia (Nadirya Tu-be Re farari be byo Paulus) ³ Kuker bye nadifa au, nggono gakor bebyerya seref Allah, kama be-ro Masyeren ketiya Yesus Kristus, ⁴ Snare nggo monaf farari bebye be ro Yesus Kristus ro saswar moko barfa mokonarya fa kawasa be, kyar. ⁵ Babya kukere saswar bereyareyo risyure snare karekyare fyasos seref au reo reanek moko manaf kware wos be byereya rurya reforeya. ⁶ Refo reyo ra yare ro re rafa mokon ma dunia rya ma refo rine risywe bonma nasywe wer rimenis raki nomna bemenis ro bo, ropon mokon rofor ras mokon mokomanaf ri ma mokofer kwar bebye Allah fa be kaku reya. ⁷ Remokono mo kofae kor ryan rine ro Epafras, min subaran nggetene kuker saswar inari berareyan wosrine sono Kristus beno karekyare fa mokon. ⁸ Ti inari bebereo farea ri ri fa kon fararei sasware kye rya fararure reya. ⁹ Snar berfa reine ro ras komanaf ri rine kono asi komanau we nadi fa mokon ma kore saro Masyeren nya bye rifo mokon kuker swaruser bebye ma rotau fo be menisma robebwori pande ma swaruser bebye Mazmur ma do. ¹⁰ Kuker rera rirya mokoswaber moko bye kuken ryan ro boropon Allah kokeswarepen romna bebar ryan bebye bebe bon fa kon rastar fararure bebye ma risyure sap swaruser be Allah. ¹¹ Rerarirya mokonmu repok kuker ro be bwoe bebepapok bemenis kuker bebye kuasarya saro mokor mokoswaber nomni bemenis fa saro bwe syowi Marisen be bye. ¹² Bane syouri seref kama inari bebe ro bebyefa mokone nis bye ryanfa mukona rono warisan nonggaku-nonggaku beseren ro besasar. ¹³ I bekaperekon burepok befonuneb ma byarkonsener romau fama bebyerya. ¹⁴ Roti kon kona bebyer ya rirya ipyos sasar kenya. (Kristus I Bepon Robe Bworei Natar Ro Maw Masyeren) ¹⁵ Timu i bemenis gambar bero Allah kosayorba? Bepuk ro sebworitaufa bemenis naya. ¹⁶ Rerariya tukere i ro bwori muna bero ti kanek ma dunia taufa rosayor nayama kosayorba rireya fomanggor ranekrya kuasa pok beke bari pemerintah kuker romnapa nuasona, nabwor romna pa tau naya noroti ma fa ti. ¹⁷ Timu i syakwar boropur romnapo ma romno byefa be kun kukeri fati. ¹⁸ Timu i beberobufa karaf kenene rirya jemaat rya tiyo i bepon i bepwe fa nonggaku bemare saro bye jadi be bepon ro ro bebwor naya. ¹⁹ Snare Allah tuke swaben ryanfan ratar nekon fati. ²⁰ Fati romnapa bye damaina kuker karaf byenda kuker muna bero sor rinama ranek rya damai rya fa kuker rikriya riki ai aproprop. ²¹ Mokon rasnawara moko byeba moko mamun kuker Allah ro swaruser bwereyo mo bwe fararei ri kuker ryan ryan beware were. ²² Asonari mokon sedamai mokon kuker karaf sop jasmani Kristus fa mar rya fo bye persembahan mokon rari farsaser boseren isuab karaf byenya no nabye baba mo nonosya kafa torembabo reapon Allah. ²³ Ryarei mokonpa kabar be kyerya kokoh ma tegu ra syafa remerba ro yo kyar wos reeforyari mokoma maf risibereepafa ro tau ranek rya babri, rirya yomu ya Paulus yamenis wbe ro wbeje rya naya. (Paulus Fa Jemaat Fararuri) ²⁴ Asonari jamu yama risen rabar kawewer erya Snar mokor rerari rya re rabar kareafya yamu ifadwe romuna be be rir rarewe kawe were Kristus seref karaf byeriya ri reyo jemaat. ²⁵ Famu Yomenis i , bare jemaat farerei farerure ereya be, ro Allah ya kyapere ma ya reya seref mokon saro ya suaber yabaran wos bekaku Allah iyakuker kaku. ²⁶ Rinemu ryan Kefases fa kofo bere zaman be zaman ma generasi be generasi ba, re reyan asonari be syur yeref mokor ninggaku nonggaku beseren sya. ²⁷ Allah iswar fyafanana fa mokon kuker nana, be fo bure ba bye rine ro boropon kawasa-kawasa no beser snare Kristus isya ryo ryo mokon rirya harapan ro bebye rya. ²⁸ Nggo bebere farearei i kuker inggofyo wi ma nggo farkore kawasa kuker nabwo pande i sof nggo swabere nggobare nonggaku yosere yosyer be masare ra Kristus. ²⁹ Fa berya rya yaso i be susa kaku yayomfa rumenis kuker kwasa reya ri befurarur kuker pok bero papar erya.