¹ Snar, yabobo saro mokofir farari kawer erya, Romna ibe fa mokon kuker bero laodikia, kuker nonggaku bebwor yaswaber baimimsya. ² Yabere rinemu saro moko swaber Romna be bye Allah kama ketya manggundi. ³ Rotie, Nefo Robworiya rirya pande rya. ⁴ Yabere berya nane saro mokoswaropen nae bur nonggakuno serama serkon senanggar mokonri. ⁵ Snar, nonggaku karaf yane yasya so mokonba bape nari rur beseren rya refadur kon. ( Waso Pa Masyeren Yesus) ⁶ . Re, mokona kwar masyerem Yesus, mokobyepa rabar byeri. ⁷ . Bwe fires bo ubawen manggun meryau rari wos bebye rya re farkor au rya, ⁸ . Mwansaro bur nonggaku yos iyabek au kuker Romna bero ator nonggaku bero soprine. ⁹ . Snar ro ryorio rabar karaf rya ribye. ¹⁰ . Meke robufa rabar prental rya. ¹¹ . Sekaruk karaf mekena,rabar munna bebe sasar. ¹² . Mekobemasi sono byerya, mokomar, bape mokores kuker pok bero Allah. ¹³ . Fornawara mokomar kuker sasar mokobe naya, bape Allah ya bye mokon fa moko bye, bo kyokef sasar naya. ¹⁴ . Imar bo syaf ai apropya fa kyaruk robebwori ya. ¹⁵ . Bo bye kawasa bero rabar prental besayori syafa simwai. ( Bur Waso Asuser Nonggaku Ro) ¹⁶ Ras, Ras bebwa naya, mwan ryari nonggaku yos Tan-Timem bae bye sasar rya be auri. ¹⁷ Ape robwori mari berama berya naya Tarmu nero Masyeren ya. ¹⁸ . Nonggaku yos bur bye mararesi kuker swaruser byerya ro. ¹⁹ . Snar os, Bwerarya e waboro robu bepok, Fa ufarai karaf iwara Snar, Robwari bero karaf kenene Nas Na syur kopu ya sono byerya. ²⁰ . Mokomar, moko bye kuker Masyeren yae bur mokofanam fa robwori berari ²¹ . Mokofafnaro, makan naro, mokokin naro. ²² . Snar Robwori nonggaku koya kau naya nari nesun farbyeba rya. ²³ . Kosayor na nabye fadadur kwarubi bebye bape natar nekaku ba.