(Fararur Ndo Mbaran Paulus airia faro kawasa nia, ma, niaba ndo kawasa Yahudi syar) ¹ Ndo suaruser rine aya Paulus, bekondo mariaudia snar Yesus Kristus badar kawasa befiri basia. ² Kawasa ayasia mkom-mkomnaf farari fararur Manseren Allah Airia faro mkon ndo rosmon ayaria Paulus, ³ Snar nanefakiam ibre fasna na ndaria ri wos aire rko fafiaidiria. ⁴ Ndo wasia rine nkowasiari, insa befir farari kofafiai beroriria ndo rosnon Yesus. ⁵ Muna boro wasia ma kofafiai, ma women aisia syafa fararima ndo, pok rurbesrem ndo Yesus. ⁶ Ndo refonde maro Efesus rfaya farari kawasa bero fnu ber Dia sia seyoser mbo simbaran farari wos Mansren Yesus airia. ⁷ Syasia rine risamuser farari snoggu siakon, ndariari sei au wafararur, o namnis marisen Airia ina wasuaber berkat. ⁸ Mbape faro seibekon kukur wos koriaye ndo kawa bebuor ina Masren Yesus bie berkati. ⁹ Nanefakiam nfasna saswar Allah airia ndo sobde buori, ¹⁰ Ndo riria, babie Mansren Allah airianu rfasnari kuker rian nabuor. ¹¹ Wos Mansren aire rifasna farari babie airia faro Yesus romkun snan Allah airia faro sopde buori besiper, ¹² Mbape sei au wafra snari mbo kuou sanduan airia, ina biasdi faro au ma firau ndariari manfakuak arisau. ¹³ Ina bemnaf ndo wos are ribe, ndo raskiam kuon kukur suaroser nabuor ndo kanggon auria. mbape kiberkon mbo koman ndarias do Yesus romna bekuri ndo buon Golgota bedar kom. (Nadi Paulus Airia Faro Jemaat-Kawasa- Efesus) ¹⁴ Ndo ras benpon diwara bebe suaruser ma fakakako ndariria sei au wafra snari makuk wepurmna ndo borpon Allah ina bias sanduan airia faro au. ¹⁵ Maro rosmon Allah ndo sopde buorii isof buorias rosmon airia risya kuker kawasa aisia. ¹⁶ Ayat samfur wonemdia, rfaya mboribe seiau wafra snari kakiar auria ndo nadi, ina nanaro airia ndo rur besrendia 'rama rkonso au ma 'ruos au ndo ras kiam. ¹⁷ Ndoria Yesus manggundi konderiari kiondia ma saswar awria ribua faro kawasa airia ndo duniade nudi sof mundi. ¹⁸ Kiber kon mboye yoser yoser kior user saswar Yesus airia. ¹⁹ Refode rfaya wer mbo ribe wasuarepen saswar babie barbor Mansren Yesus airia insa ndia rurairia risia kukrau. ²⁰ Faro seiau ndo raskian befararur ndopok mundi Yesus manggundi fiar sron faru kawasa airia. ²¹ Ndo efesus 3:1-21 'Roi sia sen maribre basna babe yoser akondi ro Yesus Kristus faro, romkun rokpun aisia kian. (kaku) Amin.