(Re Yaser So Kristus) ¹ Ndo wepon ndura mkimar,warwer toma sasar aunia ndo for ria mkombram mkoso riam dunia rowa rwar fnuwrdia, ² mkoso user rian wewieba wesuor yayero,buo,rur mundi wefararur ndo for rine faro romkun munsi we so usrba. ³ Ndo skon sei,kan kiam ndo for riwara kokenem kuker armomen ndo kraf akondi repok faro ormomen kraf kuker suaruser akonia.kondo kro romkum-romkun wemnisba ndari snonggu besesia. ⁴ Ndariari,Mansren Allah wie kaya/rowa niara kuker wawie sasuar airia,snar sasua airia ribua kaku. iswarkon. ⁵ Oh isof komar kuker sasar warwer akonia,wiekon fa ko so Yesus. snar saswar airia mkoswai kenem wewie. ⁶ Mboye dou siaskon kukri mboye wie konfakokan komnis kukri nanggi Yesus Kristus. ⁷ Sandia ras werama,na fiasna nanaro kenem nia inari wewe kekr farari babie dia faro kon ndo Yesus Kristus. ⁸ Snar ndo kenem dia mkoswai kakiar,snar ndo rine rraria ri rro manggumdi auba ape babie ro Allah. ⁹ Sa seref ndo fararur au ria wa,insandia,ria snongguos dia iso wie babor aweri. ¹⁰ Konmu Allah i we wekondia kuker Yesus Kristus insa ndia ria imbran farari fararur wewie mundi Allah wie sedia kuar insa ndia ria kokenem ndo riori. ¹¹ Ndariria,weswarepen snarfor riwara mkonmu mkowe jadi snonggu kafir,wero fnuwrdia kowe snonggu wemnisba ndaria fararur kemnisba we fararur kraf akona ndo snonggu. ¹² Mko suarepen ndo for ria mkokenem so kuker Kristus ba,we fasisie kuker min akon sia Israel kuker snonggu rowa kawasa wero wondin faro babe yoser kukr Allah wa ndo dunia de. ¹³ Ndariria iyarimu ndo Yesus Kristus,mkon ni wepen dia wero wondin iyarimu rwa kon ma kafanam snar rik Kristus airia. ¹⁴ Snar,manggundi wewe jadi damai sa slamat akondia miaufa bagian dinuru nunine fa nuwe yoser. ¹⁵ Mboye wewe fa tembak babie dia,iwe faras par rowa we kokef rian wemnisba ro kraf dia,nda riari. far kakor wero refodia. we fas prenta-prenta kuker rpir isof ndo kenem airia wiefa rejadi snong babuo isof do rejadi damai. ¹⁶ Mbo ye re damai fandur sun kuker Allah kuker kraf. yoser ndo aprop,dia isof riam wewie baria. ¹⁷ Ria ma sandia fiaya babie slamat,roa kenem faro snonggu wero wingguam mboye babie slamat faro sesi sfanam. ¹⁸ Snar ndoi faroi,kon kuwe suru kuna rian wesun faro ama rur yoser. ¹⁹ Ndariari mkonmu snonggu-snonggu werowingguan rowa wero wondim werama,ape sikuker kawasa snonggu wesren Allah aisia. ²⁰ Wewanen ndo pok tuan kuker nabi,kuker Yesus Kristus manggundi wie jadi orwefaya. ²¹ Ndo Kristus,fararur nia kiam ne yoser mbo nakiam nasiur mbo ne rum wesren ndo Mansren. ²² Ndo I,mkon so mkowawen kiam fa rekokir wekon Allah ndo rur dia.