¹ Nɔvi Yudatɔwo lɔnlɔawo lé Kristo mé, mimoukpɔ gnè kéngbɔ bé né amé dé kou la, éséa moudjagblé oa? ² Mina mado adawoun dé né mi. Né wodé gnɔnou dé la, ésé la blaè dé ésrɔn n'ti zi aléké ésrɔn gnitchou la lé agbé .Yi né né ésrɔn gnitchou la kou la, ésrɔndédé ho ésé la mougbé bla gnɔnou la o. ³ Yi até woun dé n'tchou bou né élɔn.Gnɔnou la ada vo né gnitchou la lé agbé , vɔ énou kia tchɔ lé go sia go mé lé gnitchou la ho ékou ho n'gbodomé. ⁴ San la ,mia"srɔn gnitchou", ké gni miaho apétɔ layé gné Yudatɔwo ho ésé; ké magblɔ, magblɔ bé"miku" kudé Kristo le atchitchoga la woun, yi éké "miku" ta la,"miagbédé ésé la o"yi ésé la mougbébla mi o.Migbégbɔ agbé éké Kristotɔ fɔn tcho amékukuwo domé yi mitrɔzu amé yéyéwo.Fifi la, midé améké fɔn tcho amé kukuwo domé lékéa béna miaté woun tché ékou gnɔun kéwo gni édɔ édɔgnɔunwo wɔwɔ né Mawu. ⁵ Yi miaho nɔnɔmé hohoa nɔ mia mé la, djrodjro vɔndiwo nɔ dɔ wɔm lé mia mé, yi wona midjina bé yi wɔawɔ énou kéwo Mawu dji bé miagbéwɔo.Lékéayi mitchana énou vɔn ho ékoutchétché gbégbénwo. ⁶ Yi fifia la, mouhian bé miagbétchi édji dé Yudatɔwo ho éséawo kudé ékɔgnigniwo n'ti o ,elabéna "miku" lé ékémé wodo aboyo mi,yi fifia la, miatéwoun soubɔ Mawu gnatéhotɔè mougni lé émɔ hohoa nou to éséawo wɔwɔ dji mé étamémabumabutsé o,alo lé émɔ yéyéa nou, miasubɔ Mawu kudé miaho dji kpakpa koukou miaho sousou kpata. ⁷ Alo moulé gblɔ bé Mawu ho ésé kiawo gni ésé djrodjrowoa?gbédé! o, énou vɔn moulé ésé la nou o, vɔ ésé la tchɔ énou vɔn gné fiam. Né ésé la mougblɔ bé,"moulé bé djrodjro vɔndiwo nénɔ édjiwo mé o" la,agni né gnématé gna énou vɔn ké lé édjigné mé kudo djrodjro vɔndi kéwo wla de gamou o. ⁸ Yi énou vɔn wɔ ésé kiawo nou ho dɔ tcho tchité dé djrodjro vɔndiwo nou to n'koudodo wo dji nam bé djrodjro koumɔa tɔgbé gni énou vɔn yi wognɔna djrodjro kéwo nou wodo ésé do la lé émégné! né ésé dékpékpé moulé ké dji woada o la, iya ko kéngbɔ énou vɔn wɔwɔ dékpékpé tcha mana agni o. ⁹ Iya tayi édjigné djémé, aléké gnémousé énou ké ésé la bia toutoutou gɔmé o.Yi ékémé mouké dé gnatéhoa nou la, moudjési bé mouda lé éséa dji yi moutrɔzou énou vɔn wɔla ké wotcho ékouho afia nè. ¹⁰ Iya ta lé égné déka gomé la, lé aléké ésé gnɔun la fia agbého émɔ lan tého la,éna wotcho ékou ho éfia nam ho. ¹¹ Enou vɔn trɔn zou énou magnatɔ éké woto Mawu ho ésé gnɔunwo woun dɔwɔwɔ mé né moudjé bé woatcho ékoufia nam. ¹² Yi, sigbé léké mikpɔè nènè la , ésé la n'tɔ lé yitého pèpèpè yi wogna tchan! ¹³ Yi lémoyi énoukia até woun va imé?Mougni ésé layi kplɔm dé tchɔtchrɔ mé oa?fifia lémoyi até woun gni gnɔun?o, égni énougbégblén kudo énou vɔn.Enouké wɔ énou gnɔun yi wona wobu fɔm.Lékéayi miaté woun kpɔ énou vɔndi ké até woun tchɔ ékou va yi élébé wɔatchri énoudɔwɔwɔ, élabéna éwɔ mawu ho ésé gnɔunwo n'dɔ héna iya n'tɔ ho étamé dodo badawo. ¹⁴ Kola ésé la gnɔun, yi mouzou éklouvi na énou vɔn. ¹⁵ Gnémousé édokoégné gɔmé n'tɔ o élabéna moudina vévédé bé mawɔ énou ké gnɔ,ganké gnémouté wɔè o.Mouwɔ énou ké gnémoudjina bé mawɔ o.Moulé éfou nou dékpékpé. ¹⁶ Mougna gnɔundé béna énouké moulé wɔ la mougnɔwo;djidjigna bada gné la dé nè fia nam bé moulɔ dé ésé kéwo dji moulé dam la dji. ¹⁷ Vɔ wona dékpékpé moulé n'tigné o.Elabéna mougni égné yi gbélé yiwɔm o; Enou vɔn ké lé émégné la kpɔ n'sè dé édjigné yiya na mouwɔ énou vɔn kiawo. ¹⁸ Mougna bé mougni amé gblégblén lé égoawo kpata mé lé aléké djɔdjɔgné mé gni nouvɔn hoho la.agbagbadjédjé gné dékpékpé mouté na mouwɔ énou gnɔun o.Moudjina bé mawɔ énou gnɔun vɔ ganké gnémouté wɔnè o. ¹⁹ Né moudji bé mawɔ énou gnɔun la ,gnémoudja woun o.Né moudjagbagba né gnémougbé wɔ énou vɔn o la, mouwɔna énouvɔn kokoko. ²⁰ Fifi né moulé wɔ énouké gnémoudjina bé mawɔ o la , la imé kɔ pè béna mougni égné n'tɔyi lé éwɔm o, vɔ la nou vɔn ké gbékpɔ n'sé dé édjigné kokoko layi. ²¹ Ezé bé gnatéhɔ dé lé agbé gné mé nènè bé, né moudji bé mawɔ énou ké gnɔ la mouwɔna énouké mougnɔna kokoko. ²² Moudjina bé mawɔ Mawu ho lɔlɔnou lé djɔdjɔgné mé yéyéa nou. ²³ Moukpɔ ésé bu ké lé édɔ wɔm lé n'tilan gné mé,éwɔna ava kudé susu gné yi étrɔnam zou éklouvi na nou vɔn ho ésé la lé n'tinougnéwo mé ²⁴ O, mougni noublanuitɔ gan dé! Amékayi ahɔm lé n'tilan ké kplɔm yina ékoumé la gbɔ. ²⁵ Elé bé wɔada akpé né Mawu béna édém tcho Yésu Kristo miaho Apétɔ la dji.Iya ta fifia la mougni éklouvi né Mawu ho ésé la lé susugné mé, yi mougni éklouvi né énou vɔn ho ésé la lé n'tilan nou.