¹ Egnɔ,kola dé wolé bé mianɔ énou vɔn wɔwɔ dji yi bé Mawu nétéwoun nɔ énoublanuikpɔkpɔ kudo énou vɔn tchɔtchɔ ké djia? ² Gbédé! Eké mikou né énou vɔn la alé ké wɔ miagbénɔ agbé lé énou vɔn méa? ³ Alo dé migna béna mi amé kéwo kpata wodo mawutchi dé éta né lé Kristo Yésu mé la , wodé né mi dé yiho ékou mé oa? ⁴ Eké ékou la ,wodi miaho énou vɔn lɔnlɔ ho nɔnɔmé ho ho la koudoé to Mawu ho étchidéta mé.Eké Mawu fofo la ,fɔèn tchité yiho n'sè mé la, étchɔ agbé yéyé wɔnoukounou kia né mi. ⁵ Elabéna mitrɔzu iyama ho akpa édé iyata mikou koudoé éké woku.Fifi la ,mikpɔ gomé lé yiho agbé yéyéa mé yi miatchité sigbé iya nènè. ⁶ Wodé miho djrodjro vɔèndi hohoawo do atchitchoga n'ti koudoé.Wodé ékubi miaho nɔnɔmé ké lɔna énou vɔn ho n'sé té alo gbégni éklouvi né énou vɔn o. ⁷ Elabéna éké mitchri énou vɔn ko la, mivo tcho n'sé ké énou vɔn ho amé bléblé kpɔ dé miadji san la mé. ⁸ Yi éké miaho nɔnɔmé ké méyi énou vɔn lɔnlɔ yɔ la "kou" koudo Kristo la ,mougna bé mikpɔ égomé lé yiho agbé yéyéa mé. ⁹ Kristo fɔn tcho amé koukouwo domé yi magbékou kpɔ o.Ekou magbékpɔ n'sè dékpékpé dé idji o. ¹⁰ Ekou zédéka ko bé yiadé énou vɔn ho n'sén da, yi fifi la élé agbé lé éhadodo mavɔ mé kudo Mawu tégbétégbé. ¹¹ Iya ta mibu miaho nɔnɔmé hoho ké lɔn énou vɔn wɔwɔ la sigbé léké woku yi énou vɔn mougbékpɔ wounsé dékpékpé dé idji o nènè,vɔ la minɔ agbé né Mawu yi mianɔ n'djɔ nè to Yésu Kristo, miaho Apétɔ la mé. ¹² Mingbéna énou vɔn nékpɔ wounsé dé miaho n'tilan dji fifia o,yi mingbénɔ énou vɔn ho djrodjrowo nédou mia djio. ¹³ Mingbéna miaho n'tilan ho akpa déwo nétrɔzou édɔwɔnou né vɔndiwɔndi gnigni o, vɔ la mitchɔ miaho n'tilan ho akpa dékpékpé né Mawu lé égoawo kpata mé,elabéna mifɔn tcho ékou mé yi midi bé yiatrɔzu n'dɔwɔnou lé Mawu ho alɔmé, béna woawɔ mi n'dɔ né yiho édɔ gnɔun wɔwɔ. ¹⁴ Moulé bé énou vɔn négbégni miaho édjidoula o, élabéna fifia la, mingbénlé ésé kéwo kplɔ mi lé ékémé migna énou vɔn ho éklouviwo la té o, vɔ mivɔ fifia ékémé Mawu ho aménouvévé kudo énoublanuikpɔkpɔ té. ¹⁵ Ekia lé fiafiam bé fifi la ,miaté woun yi énou vɔn wɔwɔ dji yi miagbétchi édji lé énou oa?Gbédé! elabéna miaho dédékpɔkpɔ moukou dé ésédjiwɔwɔ nou o,vɔ la ékou de Mawu ho aménouvévé nou. ¹⁶ Alo midjé si béna miaté tcha Apétɔ na mi dékéwɔa? Mité tcha enou vɔn yi ékou akpé de yinti alo miaté tcha étododo yi tchɔtchɔké akpé dé inou wɔa dométɔ ké mitchɔ mia dékéwo na la,yiyai ahɔ mi yi agni miaho Apétɔ yi miawo miagni yiho éklouvio. ¹⁷ Mida akpé né Mawu béna togbɔ béna mitcha san béna miagni ékluviwo né énou vɔn la, fifia la, mitchɔ miaho édji kpata hɔ énoufiɔfiɔ ké Mawu tchɔ né mia. ¹⁸ Fifia la ,mivo tcho miaho apétɔ hohoa ké gni énou vɔn, ho alɔmé yi mitrɔzou ékluvi né miaho apétɔ yéyéa ké gni djɔdjɔègnigni. ¹⁹ Moulé énou hom lékéa yi moutchɔ éklouviwo kudo apétɔwo lé adéwoun dom élabéna wo gɔmésésé lé blèwu.sigbé léké migni éklouviwo tcha né énou vɔn vovovowo nènè la, nènèyi ké élé bé miatchɔ mia dékéwo wɔ klouviwo fifia né énou kéwo kpata gnɔ yi wolé kɔkɔé. ²⁰ Lé gakoumɔa mé éké.migni éklouviwo na énou vɔn la ,mitchi édji dé gnɔun wɔwɔ nou toutou o. ²¹ Nou kayi do tcho imé?Imé kɔ béna gnɔun dékpékpé moudo tcho imé o, elabéna n'kpén lé wɔ mi fifia lé énou kéwo miwɔna san la woun n'tɔ tcha nou,elabéna énou koumɔa kpata kplɔ mi yi tchɔtchrɔn mawɔ mé. ²² Yi fifia la,mivo tcho énou vɔn ho wounsén mé.Mitrɔzou éklouviwo né Mawu yi kɔkɔègnigni kudo agbé mavɔ lé vidé kéwo mikpɔ tcho Mawu gbɔ la domé. ²³ Elabéna énou vɔn ho éfétoué gni ékou, vɔ Mawu ho aménouvévé ho énounanayi gni agbé mavɔ to Yésu Kristo, miaho apétɔ la mé.