¹ Nya towo nyahi: Nè amèdé léjibé yéany haji kpɔla, ela tsɔdé edɔwɔwɔmè. ² Edo la nyé nyatohotɔ hi ényatsɔ déaménu manɔmè o.Edola dé nyɔnu dika.Emè kélatén'du idékéjia, amékénɔ Ti wakadoa, améké manɔviɔnu namèwo.Améké la hɔamé jroa.Améké la fi o nuamèya. ³ Malé nu aha o, mawɔtukada o,vua éla nyé améfafa,n'gbé nyamè ké lɔgawo. ⁴ Ela kpɔ eyo pomèji nyindé,yi éviawo do la bu nyindé. ⁵ Nè ntsudé n'télélé bé nè yiwo poményindé o,lémon élatén'lébénin Mawu viwomon? ⁶ N'gbé nyé améké tɔtsɔtsiaji yéyéao,yi kikénɔ idéké déji yi Satana nè duéjio. ⁷ Nè ho dasédidi nyin tsɔ amè hogbɔ,yi n'gbé va jé Satana ho dodokpɔo mé o. ⁸ Kplɔlawo tsa na lébé wadékéo, migbé nyi adévé dolawo o. Migbé nyi ahanumunɔ o. ⁹ Mido la tsi lé nyatohomè, hɔsémè. ¹⁰ Minya do amékio hoha kén'gbɔwo, né mikpɔ agɔjéjé dé lé mèwoa milayiwagbɔ. ¹¹ Nyɔnuwo la nyi nutohowɔla, womanyi akpinnyètɔ o. Elanyi nutoho wɔla lé n'dékpékpémé. ¹² Kplɔlawo ladé nyɔnu dika dika. Olalébénè wayoviwo kudé waho pomèwo. ¹³ Améké lébénè édɔa, élakpɔ égomè nyin dé yi olado kakadéji nyin lé Yésu gbɔ ¹⁴ Mulé wlɔ nukia nɔwo, bé n'gbɔnɔgbɔwo fifikia. ¹⁵ Vua nè nyè muva kaba woa, ma wlɔnudidawo yi ma fiɔwo léké wonɔnɔlé Mawu ho poméa mé, ké nyi mowu wo gbédoxɔ ké lé ogbé kédé nyatowo kuwo nya n'ti ¹⁶ Né omaté gbénu lé iyi n'tia nyatowo wo dédéfiɔa gangan:"ézé lé n'tilan mé odo kojo ku gbon gbon, ké dɔlawo kpɔ, lé gblɔ lé dukonwo domé, okadéji lé hihéamé, ododéji lé kafu kafu mé.