¹ N'lé do n'sin mi, lé n'dé kpékpé wo n'kɔa mia wɔ nya biɔbiɔwo,gbédododawo,nyahɔ dé akɔwo ku nunana vovo wo na amé sia mé, ² Na éfiɔwo kpata ku amékéwo lé éfiɔ zikpéji,béna miaté nɔ agbé nyundé lé vo vomé,lé nu wɔwɔ ku jɔjɔ dékpékpé. ³ Enukéa nyo lé Mawu miawo xɔnamétɔwo n'kumé. ⁴ Etsin béna amé siamé né kpɔ dédé yi néva nyatowo wo nu nya nya mé. ⁵ Enuké n'tia Mawu dika yilè, yi ahin dolatɔ dika yi lé Mawu ku agbétɔ wodomé,Yésu Kristo, ⁶ Ké tsɔ yidoko na éku na miakpata, ékma yi nyin dasédidi lé wo gapopo yin mé. ⁷ Susu kuma n'ti yi n'tsɔ édoko nyé tsɔ wɔ Mawu nya kakala ku nusrɔla. N'gblɔ na nyatowo yi nyé dana ajé o.N'nyi énusrɔla na jima xɔsétɔwo lé xɔsémé ku nyatowo mé. ⁸ N'ji fifi bé gmé siamé né dogbéda lé towo dékpékpé, yi walé kɔ alɔ yiyi lé éji mabi mabi mé ku ajré mawɔ mawɔ mé. ⁹ Nin nin ké, n'jibé yɔnuwo wa donu lé nɔnɔmé nyuntɔ, zadé yi dokuji dudu. N'gbé podao, sika o, jonu o, alo awu hɔta o, ¹⁰ Vua né donu ko la sɔku yɔnu lé wa zorin lé dɔnyin wɔ wɔwomé. ¹¹ Yɔnu dola kplanu lé dodo zizimé lé bɔbɔnyé nyé dékpékpé mé. ¹² N'yé démɔ na yɔnu bé néfiɔnu alo né do atsè kpakpa do n'tsuji o,vua éla zɔ lé dodozi zimé. ¹³ Enuké n'tia Adam yi wo wɔ tsutsugban, yi wo tsɔ Eva tsɔ kpé. ¹⁴ Yi mu nyin Adam yi wo blé o vua yɔnua yi oblé lé ésé dadaji ¹⁵ Gakuma méa, éla kpɔ dédé né nyin édo éviwo, né lé kukutri lé xɔsé mé, yi lon lon ku kɔkɔ kudé susu nyundé.