¹ Fariseu óg blé escriba óg vũ, Jeruzalém tá kamũ, kũ vũ óg vagzu kũ, Aglẽnẽ ji, ti péjẽn nõdẽ mũ. ² 2 vég óg mũ, (DISCIPULO) ti óg ẽ nẽga jagglyn tó dén glá ban ku ko tẽ, ẽ nẽga kupẽ mã ka. 3 fariseu blé judeus, tẽ óg nãli, é dénko jóbag ³ gé ke kũ ẽ nẽga te kápén gé ke mũ, ó jógzẽ txi tũ vanh ke tũ óg tẽ. 4 ⁴ Ajãn gég jó tá kamũ kũ, vanh kupẽ mã ka denkó vanh kũ óg tẽ,ke ti jé ẽ jõgzẽ mẽ tũ kómãg óg tõ nẽvin gé ke mũ, kũ óg ẽ pẽnky ti kupég mã ka, ki dénko kũ óg tẽ, kũ dén kaklán jó ti blé,kũ vel óg jagnẽjó ti blé óg kupég gé ke mũ. ⁵ kũ fariseu blé escriba ó ti mõ zé vanklẽ mũ: " Aglenẽ ji de jé a (DICIPULOS) óg vũ, ẽ nẽga kupég mãka déngla ko ké ke mũ, kũ vel ũn txi óg jógzẽ me tẽn vanh kũ tẽ?" ⁶ tóg ge ta óg mõ:" HIPOCRITAS, ISAIAS ti vú mẽ a tõ ta tóge kũ, mẽ ma a janky a pin kũ ẽnh txõ plnén kũ tẽ. ⁷ 7.kũ óg vũ, ẽnh jõ, vã txoká gé ke tẽ, vã jõ ta, kupla ta tẽ, kũ vel kángág óg ha vũ zópalag gé ke óg mũ. ¹¹ vẽl ma tó ge kũ mũ:"kónhgág ũ tõ é jug blé é nõ óg mõ tóg ge kũ: "êtxo a mô dén vin tóg te " Corbã" (ti vê tá ge mũ, 'aglenẽ mõ nẽm'), ¹² 12 kũ mã a jug blé a nõ, ó mõ dén han ban ke tũ tẽ. ¹³ 13 mẽ a to Aglenẽ tõ dén lál djó ti mẽ tovanh kũ mẽ ag tó dén txi ti mẽ tẽn tẽkũ. dén ti nãli tág a liken kũ han gé ke mũ ¹⁴ kũ ta vatxika ta ũn kabág nõdẽ ti óg jé kyn m˜u; nãli ma mẽ, ẽnh vẽ tóg ti ki amã, kũ ma mẽ zópalag. ¹⁵ 15 dén ũ ti tõ konhgág ki la mũ tẽ ti jagglyn ke tũ tẽ. a jágló, dén jógdẽg tõ ti tã kapó mẽ, ã ta vũ te jagglyn ta ven tẽ. ¹⁶ 16 ũ já mãg gé ke mũ tẽ, tóg ti ki a mã. ¹⁷ Ũ kabág nõdẽ, ã ta te óg vũ, Aglẽnẽ te óg lõnh kũ, kũ ta ẽn ka ló la mũ, kũ ti (DISCÍPULOS) óg ti vẽ jó ti jé mẽ jévanklẽ mũ. ¹⁸ Kũ Aglẽnẽ ji ti óg mõ tũ mũ: "vel ma mẽ mãg tũ tẽ? vel dén ũ ti tõ kónhgág ki la mã tẽ vũ, ti jagglyn ke tũ tẽ, ¹⁹ Dén ũ tõ, a ka lóge mũ, ã ta tẽ, a ze ló ge mãka a dug bág ló mũ tẽ, kũ ke te kapó tẽ. Tóg a tõ, Aglẽnẽ ji ti vũ, óg jãn tavẽ nãli kághan mũ. ²⁰ kũ é tõ tóge kũ ta: "dén ũ tõ, kónhgág ti tá kapó, ã ta vũ, jagglyn ta vẽ tẽ. ²¹ Ẽ ze, katá, ta ẽ jákle jógdẽg te kapó gé ke mũ; ũ vãnh jógzẽ jógdẽg vãnh plun gé ke mũ (A IMORALIDADE SEXUAL ), ũ dén péju ( O ROUBO ), ũ dén tanh (ASSASSINATO ), ²² ũ vãnh jógdẽg jógy ( O ADULTÉRIO ), dén ũ, u ve jógy ( COBIÇA ), ũ jógzẽ jógdẽg (A MALDADE ), ũ jógtxal jógy (O ENGANO), ũ vãnh jógdẽg jógy ven kánatẽ ( A SENSUALIDADE ), dén ki va ẽ jógy ( A INVEJA ), dén tõ vẽ jógy ( A CALÚNIA ), ũ vãnh kaju jógy (O ORGULHO ), ũ a klé tũ ( A TOLICE ). ²³ Tóg ti nãli kónhgág katá kágtxónh, kũ ta ti jagglyn ta vẽn tẽ". ²⁴ Kũta kutadẽg kũ, gó tõ TIRO blé SIDOM ke mũ, ló tẽ mũ. kũta ẽn ũ ló ta la mũ, kũta ũ tõ é mã kómãg mũ. ²⁵ Mũ jagló tá ũ zi vũ katẽ mũ: zi ji katxin ka vũ dén jógdẽg vũ jã, Aglẽnẽ ji ti vẽ zamãg zi mũ, kũ zi ti pãn klãm é jóklẽ zãg mũ. ²⁶ Tá tõ GREGA zi vũ, vel tõ SIRO-FENÍCIA jã, zi ji zi ka dén jógdẽg jã, agmõ ti jãgnã jé zi ke mũ. ²⁷ A kũta zi mõ: "tovanh ló jẽl óg dénko vén. U tũ ta ta tẽ, déngla ti jẽl é klãm géj kũ a mãg katxin ti mõ nẽn jé". ²⁸ A jãgló zi kóto ti mõ to vẽ mũ: õ, Aglẽnẽ ji , a jãgló, mãg katxin óg vũ, jẽl óg dén kojó klãm, dén blu val ko ké ke mũ". ²⁹ Kũ ta vũ: tóg ge kũ, a tõ ẽnh jõ, vẽ jó vã tõma vajõ jãg. dén jógdẽg ti kutadẽg mũ a ji zi ka. ³⁰ Vatxika zi tẽ mũ, é ẽn ti l[o, jẽl tizi nõ kũ nõ ẽ nõjõ ti ló, dén jógdẽg ti zi tovanh kũ tẽg jó tẽ ³¹ Kũta vatxika ta nõjõ to Tiro kajã kũ tẽg ban mũ, Sidom ti zaglẽn kũta goj vaj to Galiléia ki taving mũ , vele nõjõ to Decápolis. ³² Óg vũ, ũ jé mãg tũg blé ũ vẽ u tũ, óg ti bó kamũ mũ, kũ óg Aglẽnẽ ti mõ, ti klẽ a nẽga tẽ ven. ³³ Kũta vũ, ũ kabág ã ta, óg toplẽkũ ag mõ tibó tẽ mũ, kũ ta kóty ojó tá, ẽpimõ ẽ nẽga zéj tõ ti nẽglaãg dol ki kazãg mũ, kũta vel zugzug mũ, kũta ẽ nũnã tõ ti mẽ tẽn mũ. ³⁴ Aglẽnẽ ji ti kónhka ki havanh mũ, kũ ta ẽgkẽ mũ, kũta tõg ge kũ "vãnhlónh ló!" ³⁵ Kũti nẽglãg dol blé ti nũnã vũ blanhke kũ blin ke mũ, kta ti vẽ ti zópaló tẽmũ. ³⁶ Ku vel óg mõtta, ũn pã mõ kabén tũg ló. Tãg ló óg, ka kómũ kaben mũ. ³⁷ Óg vũ vanhkágze ta ven, kũ tu nõdẽ: " Tóg ti vũ dén u mẽ kághan gé ke m, küta ũ jé mãg tũ, to amã han, kũ ũ v vanh ti vẽ han gé ke mũ.