Vanhlál Kalyg ki tagtũ ( Capitúlo 5) 6

1 Aglẽnẽ ti vũ kutadẽj ku, vatxika ẽ pó jo ti lá katẽ mũ. Ku pa'i ti tõ óg vin mũ ti og ti dũ kamũ mũ.

2 La tõ tagjũ ũ pil ki ta tavug ku ẽm kuty ũ ki ta mẽ og zopalag mũ.

Ku ũ og toge ku: ũ tõ ti jopataj jó mũ vũ?

Ti jákle ti vũ ũ ta vẽ tẽ, ũ to ti mo mẽ vim mũ va? De mũ vã ti tõ ẽ mẽga to og klẽ vem ku og lẽn ge ke mũ tó tẽ?

3 Tõ ti ũ to ẽm han ge ke mũ to Maria zi ji ku vẽl tõ Tiago, José, Judas, Simão og nujẽn va?

Ti konlka tõ tá óg ha vã og ble ki nodẽ? Kũ og ti vẽ ku og anjẽ mũ.

4 Aglẽnẽ ti vũ tõgẽ mũ: ũ tõ og hán ge ke mu te ũ kalág óg vũ ti mẽ tẽ to vanhvẽn ge ke mũ, jagló ti kámlka ta vẽ og vũ ti ẽm ki ti tõ nanhvẽn vanh ku tẽ.

5 Ta vũ ũ pil og tõ ká ku og lẽm ge ke mũ, jagló ta pa tẽ dẽn ũ han ki tũ tẽ ẽ jogy ti tõ.

6 Og tó ti tã vanhnvẽn tu te. Hun ge mũ jag ló ta me ũ pã og jopalog te mũ. 7 Ta vũ pa'i ẽ tõ óg vũm mũ te og jikej ku og ki ẽ vanhggo mẽ vũm ku og léglég vũ og to vãnaj mũ, og to dén jogdẽm og ku pley mẽ kóla lá og jagnõg jé

8 Ku ta og mo kũl ve, vatxej por ble agjãn gej mũ tũ kalá ján vẽ pin ku ma lotẽg.

9 A pãm pa tũ ku ma tẽg ku ma kulũ léglẽ tõ Vanhklẽlem tũ ló. 10 Ku ta vẽl toje mũ: a tã ũ ẽm ki tarrig kũ ma ka jãg téj kóló ku ma tẽj ló.

11 A tẽ ku a to ẽm kulej ũ ki tarrig ku og tó a ka katũg a ka kámõ nõdẽm kuma a tẽg ke ã ta ti ku ma a pán ti paggũg lo ku a vanhpagzũg tõg ha vũ a jy vẽ tẽ 12 Ku óg mũ ku, jomãlẽ ti vẽ ti me kalvem ku ũ og tõ jogzẽn jogdẽz mũ te og mõ tũ vanh ló mẽ a jogzẽn tóy tẽ vatxó ku ta tẽ.

13 Ta vũ konhgag ũ og ki jonh mẽ og kapóm ku, aglẽl kalag mẽ og kãgten ku og kápe kũ mẽ óg lẽn mũ. 14 Kũ vẽl pa'i bág tõ Herodes ti vũ: aglẽnẽ kalẽl ti mẽ mág. Kũ ũ og tó vẽj ki João vã, ke ti jẽ ta mẽ og tõ ti ki lel bán ta dẽn ũ kanhan ku lẽn ge ke mũ.

15 Vẽl ũ toge ku: Elias vã, Vatcõ vetika ũ tõ og hán gẽ kẽ mũ ã ta li ke va gẽ og mũ. 16 Kũ pa'i to Herodes vũ toge mũ: João ũ ẽnh txo ti kykym kũ ti taj mũ, hã tõ vatxika lẽl ban va.

17 Ke ti jé pa'i to Herodes ha vũ João ti to vanhjénpog mũ, óg to ti txẽ jé. Felipe ti plũ to Herodes zi tõ. Ke ti jé ta ẽ nujẽn tõ Felipe ti plũ zi ha blé mẽ mũ. 18 Tóg te Jão tõ Herodes ti mõ tan mũ vã: ũ tũ ta tẽ a tã a nujẽn plũ zi ble mẽ tẽ.

19 Ku tá tõ Herodes zi vũ João ti Vezykykly ké ke mũ, ti taj txũl ké ke zi mũ. Jaglũ ũ li ke ku zi tõ, ti tanh jó tu vũ tẽ.

20 Ke ti jé Herodes ti vũ João ti komãg ge ke mũ. Ke ti jé João ti vũ zẽ u ta vũ ja ku ta ti tõ ẽ mõ vũ ku mãg jã gé ke mú ẽ tõ kuléj mãy mũ a ja ló. 21 Herodes ti vũ ẽ klẽ plõg ge ke ũ na ki to Aglam mũ ku ta pa'i tõ Galileia mẽ nõdẽ og vatxõ og teky mũ ẽ pa'i tõ kũl tanh og ble og lõ ẽ blé aglan jé.

22 Ku aglan tõy a ki tá tõ Herodes zi ji zi vũ vanhglén mũ, og mõ. Ku ta og mo ũ te. Ku vẽl pa'i to Herodes ti vũ nẽgãnh zi mo: jõ den jéké, ku mũ a mõ a tõ dén jetxũl ti han tẽ. 23 Ku ta vẽl zi, mõ vẽ ón bág mũ: A tó den zétxũl, ku zé kẽ mũ té a mõ nẽm tẽ. énh txó dén Vagzũl kalvág tóg ti mũ a mão kalugg tẽ mẽl.

24 Ku zi vũ ẽ jo zi mõ toge mũ: dẽ zé kẽ mũ jé?Ku zi jo zi vũ mã ku: João tõ Batista klẽ ze kẽ ló.

25 Mã kũ zi keti pa'i to Herodes ti tõ glãnke mũ ku zi anh jõ ma (lóglãvũ) ka ma João tõ Batista klẽ nẽm ku lókatẽg. 26 Kũ vũ pa'i bág tẽ mã ku vankulej ku ti komãg mũ jag ló tá ã li ke je. Ke ti je ta ũ kalag óg tõ ki ti tó zi mõ vẽ jó va, ku tã zi mõ ã li ke lu i ke ki tũ tẽ.

27 Ku pa'i ti ẽ klẽ puglẽ ũ mõ João batista ti to vájenpõy mũ. Ku ta ti tõ te kũ ti taj ku ti klẽ ti kym ku lokatẽ mũ.

28 Klẽ puglẽ tũ ku jã tẽ: João batista ti klẽ ti (loglálvũ) ka nẽm ku, lókatẽ ku nẽngãj zi mõ nẽm mũ ku zi ban ku ẽ jo zi nego ti ka nẽm mũ.

29 João Batista ti tẽl ku pa'i tõ ti ble nodẽ mũ ku, gó ti ka ti jig mũ. 30 Kálá ku óg mũ mõ, aglẽnẽ ti péjen ti mõ valvẽm mũ ẽ tõ den han ku ũ og jopolag jó tẽ.

31 Kã ta óg mõ kamũ ku kótxg jó mũ: Tá mã mẽ vanh kán. Ti to togé ti jé ũ óg vũ vanh kán mã ka mũ jã, tã kamũ nodẽ, den ko mã ka.

32 Mã ku og Aglẽnẽ ti blé kamũ te ki ge ku kotyg jó ti ló mũ mõ. 33 Mũ jag ló ũ og, og vũ jo ló vũg mũ. Ku og mẽ óg tõ kamũ mõ ẽ pán kóyzág og vũ, og jóláke jũl mũ.

34 Ku og jũl ku kapó te ki. Aglẽnẽ ti ti vũ ũ kaláy óg pa'i tũ vẽ ku. Ku to ẽ ha ta mẽ og jopalag mũ. 35 To ké zagdjag mũ jag ló pa'i to ti blé nodẽ te og vũ ti mõ kutyg ki a vã, ku vẽl kunól ki og mõ na.

36 Kũ og vẽl aglẽnẽ ti ti mõ: og mõ mẽ jé og mũ kuvól ko je mẽ dé tũ vũ tẽ. 37 Aglẽnẽ ti te mõ ku togẽ mũ: "Og mo dén nẽm jé og ko". Ku og vẽl tovẽ mũ:á li ke kũ na og mo dén gla kázdjom jé?

38 Má ku Aglẽnẽ ti tẽ: Den gla tẽ hã li ke nodẽ? mẽ vũ kũ mẽ nẽgjãg. Ku og vũ nẽgjãg ku, togẽ mũ: dén gla te tagtũ nodẽ ku kakló te og léglẽ nodẽ. 39 Ku ta og mõ: mẽ ma vanh kalyglyj vũ ma mẽ pin ko vatxó vagzũm ku jagnẽ gé, lẽ gynh tánh tog tẽ klẽ.

40 Ku og ma ku vatxó vagzun ku ló to ha li ke vatxo vagzun ku nodẽ ke mũ tagtũ to ze vayzin ku ha li ke.

41 Va ha ta, dén gla to tagtũ génh ku vẽl kakló leglẽ te gynh mo vẽn ku tõ ká mũ.

Kálo kũ ta ẽ pa'i tẽ óg mo og lẽn jo ki vin ku og mõ mẽ vanh ka lyglug.

42 Nãlẽ og den ko bág mũ, ki og Zũnzũl ku nodẽ mũ.

43 Ku óg kaklo ble den gla ti ke mẽ kánh tõ zó tõ ũ leglẽ vanh mó ki vim mũ.

44 Konhgáy kalág tavẽ, tavẽ óg vũ dén ko mũ taglũ klẽ dén kamẽloy tõ lel to ũn pil og ján jó vã. 45 Vá la ta, pa'i ẽ tõ óg vãnh mõ og vin mũ ti, og to kamũ ki gẽ jé mũ..

Og tõ ẽ jo mũ kũ ẽm kuty tó Betsaida ló. Mũ jagló ta ũ tó ki nodẽ mũ te og mó vũ ku og ma ku vanh kuglág mũ mõ.

46 Og mũ jayló to gó julõ vatxó ká jé taply mũ.

47 Kuly jagló goj vanh ti tõ mẽ kamũ te da la mõ jagló ta ẽ pil gó te klẽ jã. 48 Vẽl a óg tõ gojvanh tõ mẽ kamũ dala ku, vénki mõ te véj mũ. Kutyy txi jayló og józzenã la tó zõ tõ ti tá jagló. Ku ta óg tõ goj mẽ mãklẽ, mẽ ẽ pán jáy óg ta tẽ mũ.

49 Ku og, ti tõ goj kle kanatẽ tẽ vẽ ku mẽ ti komãg mũ. Ti tó gajun to akleg óg mũ kũ og kyl mũ.

50 Ti vẽ ku og ti kómãg tavẽm mũ ku ta og mõ ta: ẽnh jã vã momag tũ ló ku of mã ku ẽ tõ lõnh ke ku og a voka nodẽ mũ. 51 Ku ti tõ og blé kamũ kila tẽ ku kuhun jógyn tẽ vũ hunkẽ mũ. Ku og vanhkázzey nãli mẽ mũ.

52 Ke ti jé og den gla ti tõ nevim á ta tẽ og ze ti tol tẽg jo vũ jo kikutún mũ. 53 Ku óg tõ goj kalánkan ku, og vũ gó juju tõ Genesaré ki jũl ku og kamũ bág te goj jamblẽ a ki toranh mũ.

54 Ku og kapó ku ũ kalág og aglẽnẽ ti ẽ to ti vẽ jó véj mũ.

55 Ẽ tõ ti vũ tẽ ku, og ẽn kuty tẽ mẽ mũ ku, og vatxika og ũ koggó nõde te óg gég kamũ mũ, ũ ka ti jãg jó ti ló. 56 Vẽlm ta og mõ jo, og nodẽg jó te mẽ ge tẽ mũ, amẽn mẽ, ũ ló ti tẽg ke ti mẽ og ũ koggó tẽ og vim mũ óg to ti kũl katxunk ku kánlel jé. Tóg ti jé og ti mõ vẽ on og mẽ mũ.