¹ U Pabulo umutumiwa wa Yeso Kilisitu mu bwighane bwa Chala, nu Timoti uwamwitu, ku nyumba ya Chala yo yili ku Kolinti, na ku banthu bonsi abaswepu aba Chala mukaya konsi aka Akaya. ² Ichisa chibe numwe poka nu mutende wakufuma kwa Chala utata witu na kwa Mwene u Yeso Kilisitu. ³ Leka u Chala utata uwa Mwene witu Yeso Kilisitu apaliwenge. We tata wa chisa sona we Chala wa luhobosyo. ⁴ U Chala akutuhobosya mu nthamyo zitu zyonsi, mwakuti nuswe tuhobosye bonsi bo bali mu nthamyo. Tukuhobosya abanji nuluhobosyo lo u Chala akabombela pakutuhobosya uswe. ⁵ Pakuti ngati mo inthamyo zya Yeso Kilisitu zituvulile uswe, momo ukuhobosiwa kwitu kuzukubela ukwizila mwa Kilisitu. ⁶ Loli nanthi tukutamiwa, chifukwa cha kuhobosiwa nu kupona kwitu; nanthi tukutebeziwa chifukwa chakuti tukutebezya, ukutebezya kwako kukubomba imbombo umwakujimba kunthamyo zyo nuswe tukutamiwa. ⁷ Ulwitiko lwitu ukuyana nuwe lwakusita kuneng'ena pakuti tumenye ukuti ngati mo ukugabila inthamyo, momo ukugabila sona uluhobosyo ⁸ Pakuti tutakulonda ukuti umwe mube basita kumanyisiwa, ba wamwitu ivya nthamyo zitu zyo tukukomana nazyo ku Asiya, chochobene tutakaba namaka naghamo, sona tukapasyanga izya bumi bwitu. ⁹ Naloli, tukaba ninongwa izyakutukoma uswe. Loli mumalo mwache mwa Chala yo akunyamusya abakufwa. ¹⁰ yo akatuponia. Mu mwache momo tubikite ulwitiko lwitu ukuti akwiza ukutupoka uswe. ¹¹ Azukubomba ivi ngati mo numwe mukutwavwa uswe munyiputo zinu. Po abinji bazukupalizya mu malo mwitu chifukwa cha chabupi cho utupile ukwizila mu nyiputo zya banthu abinji. ¹² Ichifukwa cha kwitumvya kwitu cho ichi: Ubwakaboni bwakwikola ni nthwithwi zitu, nu kwilangizya mu chisu, sona nkhali nkhani ku umwe, mu buswepu na mu bwanaloli bwa Chala,mu mahala agha mubili hagha loli mu chisa cha Chala. ¹³ Tutakubasimbila nachimo umwe ichakuti mutangabelenga nu kwivwisya, sona indi nu lwitiko ukuti muzukwivwisya ¹⁴ ngati mo mutukwitumvizya uswe, namo mungitutumulila chifukwa chitu pisiku lya u Mwene u Yeso, ngati mo inthi tukumvizye chifukwa chinu. ¹⁵ Chifukwa nkhaba mujimvu nichi, pabwandilo nkhalonda tasi ukwiza kukwinu, mwakuti mupokele ichabupi cha chisa cha bubili. ¹⁶ Ninong'onanga ukubendela po nkhuya ku Makedonia. Nkhalonda sona ukwendela mubulendo bwane ukufuma ku Makedonia, nukusindikila pa bulendo bwakuya ku Yudeya. ¹⁷ Bo nkwinong'ona inzila ngati yino, ka nkhayezyelanga? Nkinong'ona ivinthu ukuyana na ku mubili, mwakuti nene ukuti, ''Momumo,momumo'' sona ''Awe, awe'' pakabalilo koka? ¹⁸ Loli ngati mo u Chala abelile wa bwnaloli, amazwi ghitu kukwako tewe ''Momumo'' sona ''Awe.'' ¹⁹ Pakuti u Mwana wa Chala, Yeso Kilisitu, yo we Silvanus, Timoti nune nkhalumbilila pakasi papinu ukuti, te ''Momumo'' pamo '' Awe.'' ²⁰ Pa vyonsi vyo u Chala akalaghizya we ''Momumo'' mu mwache. Po sona ukwizila mu mwache tukunena ukuti ''Ameni'' ku buchindamu bwa Chala. ²¹ Ulu we Chala yo atukumanyania poka uswe numwe mwa Kilisitu, sona akatupakazya uswe, ²² akabika ichimanyisyo pa pitu sona akatupa uswe u Muzimu mu myoyo yitu ngati chikole chitu pa cho inthi chize. ²³ Loli nkhumwitizya u Chala ukuba we kaboni wa moyo wane pa chifukwa chakuti nthakaya ku Kolinti vikaba ulu ukuti mbasunge umwe. ²⁴ Ichi chitakaba chifukwa chakuti tubayezye ukubanyosya ku lwitiko lwinu mo lungabela. Mu malo mwache, tukubomba numwe mu lusekelo lwinu, ngati mo mwimililile mu lwitiko lwinu.