¹ Třm-ula oyat yajuicubeg, epin-ot ushanyíi-ot. ² Jajuprt-u itcuiyu brjalig-u ishirig, oyat wryu jawug oje ebushimayuni; jajuprt-u jalřglig yajaa janrmyu icai Biři, ajuprt-u wryu janrmy Biři jayugli yajáa. ³ ¡Jayaujeo Biři wrijín epin-ot ubirot irig-ot nitijáa, jayerugyaujui naa yatcuiyu! Jayaujeo moubityu oyat ishaibat yam yajashijeoya jawryuloo janřmyu Biři. ⁴ ¡Ooshrm Gaza jashirigya itřmjet, oyat Ascalón jashirigya itřmjet při. Otya jashiyř-rt Asdod wrgbat, jatshiógya při wrijín Ecrón!. ⁵ Mojíepyu iyíg epin-olat rtshuwaicóo irig-olat, otpři epin-ot queretitas atwin-ot. Ojera jayatdig Biři yaúbatta, Canaán, flisteo-ot niti. Amada casbibe-ř-rmya onya bři-ruttayashíi-épin. ⁶ Oshrmya rtshuwaicó jashirigya yeúja nat ebushijewerat oyat cawai shipririgya ovejaolat. ⁷ Japeiya jamao oatya isholig-přn Judá otyawana, om caijajeijeeya jaovejaot. Icubrnug-cat-u, epin-ot cashióuyaAscalón olotteja, ooshrm Biřiya jajři-Dios oya cajaishijewe oyat jashiribrgya calat itjeo. ⁸ Am ja-ajúira atamshija yoirig Moab-bat, otpři caepyuot Amón-natwin-ot, obat olat atamshiyoibatdi ayanatwin-otjet, oyat cawugli jamauyugye ayan. ⁹ Ooshrmda, Ajugshicom, naala jayerug Biři shotdawa-ot jřiwairig, Israel-lot jři Dios, ojera jashiriya Moab oje sodomani, oyat Amón-yan oje Gomorra-ni; oyat itrm molilipřn utjule oyat ebu-ijřmdiprn sayucon, molilipř ijřu-u oirica. Ooprnat isholig ayan jatshishegya, oyat isholig-ot epin-ot jatshiwau-rgya olat. ¹⁰ ojera jashiriya Moab oyat při Amón amjei camoyushrm, ooshrm atjáuli oyat catamshicayoi jaepin-ot Biři shotdawaot jriwairig. ¹¹ Ooshrmg ot jařcashibrgya Biři, ooshrm óo catamshijashiyoiya wrijín cajři dio-ot nitijaá irig-ot. Oyatya jamautojani-olat, wrijin ijei cashibrgya jan, cajaitojani caliliprn-olat. ¹² Yam etiopeatwin-ot ojera yateashibatshogwugligya a maitajet. ¹³ Oyat Dios jalap jashiwrgya jauprt-ta oyat jatshibe-rgya Asiria, Nínive dígjeeya itrmjetwi, oje niti moliliprn ijřuni. ¹⁴ oyemya, ovejaot shiyegsho jám-u, cajaitojani jř-rlug-ot moyanatwin-ot, třm-u, wúu při niti ijřuwatwin, oyat při yiqui, jijacashirigya jashřnye shrnr-at jawum-olot Jashitřmya moáyu ishiyrg Ventana-otye; jamulug-ot imopdig-prn-ot cashirigya dřg-ot uye carlrg-ot dugye; cajripřwawat pulot ipřshog-ot catjashi-ogya. ¹⁵ Oola naa moyan jijái ijugli ishan-omejet, imogli jajiteat, Amda-óo, oya bŕirut tŕmjani irig-ajet.Oje olani jajaep-ŕjeolig, itŕm moliliprn jrlug-ot yegsholiprn jajaá. Bririgjalig-uwi iwug jajaá jashijŕiya oyat jalapshiprwauyu jŕijashiótugya.