CAPITULO 3

1 ¡Mojíshrmyu moyanshuwaiyat inŕmat! Moyanshuwai inŕm teshaula óo. 2 Oola jayerugshanjujuyi jayerug Bijŕi Dios, jatshanpŕiwaurt moi-ijeiconyu Biŕi shrt. Oola ŕjet jashanjumot Biŕi jaá oyat yaupŕi jajana-ŕglig dios shrt. 3 Cajŕiwairig-ot yotdan-ot cajíg jajamai-u. Icuiyut inotdig jam-u otda lobo-ot cupwin-ot jashandiŕi-ot catcashagjee pícup. 4 Cajui-rtdi ebu-ŕgshandŕi-ot oyat mot teshauot. ca-sacerdoteotdi santoshandit camoglirjetwin Santo-at, oyat cateshauli itdi-ŕg jaáli bijriwaicat brjalig-u mojuyu. 5 Biŕi irig jajet ijeira-óo. óo bŕijashancŕt-rtda iepjamin-rg-u. ¡Brlem oo brlemdicatshii, jatshibrg trmjanimoliyu! Jashanjanya iwŕg-u, ooshrm epin-otju jashanwau-ŕi-ot japishicashanwat muyiyu. 6 Cat-abe-rgli epin-ot; caliprn-ot ishanjeyitshii. Am jaapŕidi-ŕg cashanshiijeirig caboliprn-ot, bŕiwugshrtshii-jaye. cayanshuwaiot cashanshiijei bŕishiijugshrtjám-u. 7 Amdi imog, rjetwinjetda a-ŕgyashibrya; jayashiwauŕgya yaipín-ryu oyat jashishanbetya ooshrm yaliliprn wrijin iamínrgshugshrm. Ojeriwi, ot jatpatjeijeoli jucawrglig picumshitojani jat-epŕglig wrijin itmin-rg. 8 Ooshrm jajeyautei ashrm, jamog Biŕi, onyau amat jawryŕca jabé-rgligya iyrgprn jaliliprnshrt. Ooshrm iashi-ŕg cajuiashibe-ŕg epin-ot, cajuiashibe-rg moyan-ot, oyat jashiri-rgya jayrglig anrmyu caubata, wrijin anrmyu caiyu, wrijin niti jashibegya dŕjet anrmyujet. 9 Ooshrmda amat jashibrgya moyeot japi-ŕiot epin-olat, cat-aágjeeya biŕi tamjaá, itmin-rbrgjeeya an mopemjet ooprnat mopemjetshíi. 10 Duyatshirigyau patjei rt Etuopía-at, ijeibrt-an,

aepin-ot inipayeg-ot, jatshiryubrgya an caofrendaot.

11 Oolou wryu caushishanyitya wrijin itmin-rgjet

bŕiligjalig-uli itmin-rg aubata, ooshrm am

cat-ashiyái-rgyashii yatee yam dut jamin-rtdi amjei camoyu, ooshrm yam bŕiyashanshii min-rtya jajaiyiyu naa jug-le japi-ŕijaa.

12 Oyat, yaashiri-rgya oje itrm atŕi dicabŕirutni oyat ubit, oyat yam jayashiwau-rgya mocutyu jatamjaa Biŕi. 13 Iyŕirig Israelat bŕrloushanshiiritya jatshimin-r ieb jateshanprishiishauya, oyat brirutya molog teshauyu itshirugya cayeotye; ooshrmya catcashijui-rgya cayeotye; ooshrmya catcashijui-rgya oyat cashiyegshogya, oyat bŕirutya ishirig iom. 14 ¡Mau-áu, sión dóu! ¡Mau-ág Israel! ijeimaubrg oyat majícujai wrijin majíjet, Jerusalen dóu. 15 Biŕyat jaócatda ebupamacrtyu, Ooat catjanamat mabalot! Oolawi Biŕi icuyu Israel-ta majetwi pŕi.

Bŕrlou-shanshiiritya jamashiru iep.

16 Oolou wryuya cashimogya Jerusalen-nat, maupŕi-om, sión. Ŕira catyali-rglig yalabot ca-ŕyuglig. 17 Oolawi Biŕi irig majet, iwarig ijei jamin-rglig. Ooya jashiri-ŕrm mojíjayo majáa, oyat mojijayujet

jatshiri-rgya on-moliyu majaá mayijaluyu. Jajíshijeiya majaá oyat jashiwr-agya jajíjayu.

18 Ojewi cawryuni jajíjeiriprn-ot bigyeotolouni. Am jashiogya ishanjeyi mashrt; mam bŕrloushanshiiriya jajicamashicoo moúyiyo. 19 Jamaulug, Am oolawiat ishibepdig cajet nat ebucuyut eberigjet epin-ot maubata. obat amogbat, Am cat-ashijeiconya ishanboiot oyat cajuiashishugya ubirot. 20 Obatya, Amya ishishog cajŕyat; obatya, Am cajuiashibe-rgya. Am

jashimin-rgya wrijin epin-olat niti jaá win-ot

ma-ŕcabrglig oyat matshiprijai-rg, jamalugbat óo Am cat-ashiijeiconyashii, jamog Biŕi.