¹ Yaawä Cajichana Wanaadí cönäädö acä Moisés : "Faraón döiña ajääje ccco Hebreo

Wanaadíyä" como nädo'a. nennojaíñato sotoi tönwanno wademe cöiyeto:

² Yaawä anennojadaíñe aweiyajäcä awantañä dö como je dea aweiyajäcä mmaja. ³ Yaawä Wanaadí tamädö nödö a'de adheco'no'como de'cä'cäiñe, ñanno caballo, asno, camello mmja nichädäichajäatode. yaawä. ⁴ Israelita ecönöcomo mane nedachatode Egiptoña anejödödä naatodö ämada naatode ñanno Israelita ecöönö como. ⁵ Yääje yeichojo töwö' Cajichana cuncu'nä'täi, töwö cönä0döacä jenammode mädä wädäade ñoonodööcomo de'wä. ⁶ Yää denamma naadö'je, töwö Cajichana cönnöi tame'dä egipto ñancoomo ecönö jaaca cönö'jaicho, yawääne Israelita ecöönö coomo mane äjajo adocajaato da cöneíyato tooní chö adocajaato ämada cöneíya'cö. ⁷ Faraón dhawanö'cä cönä'döi tooni'chä ämada yeijö'dö Israelita ecöntome, jawöne töwö chöwanö joduje cönä'döí, mädäje töwö Israelita anemmo'ja'da cöneiyate. ⁸ Yää jema yawä töwö Cajichana cönä'döacä Moisésn wä Aaron wä maja, adhamödöque anaja'chä wedenna jötadö acano, ämädä Moisés mädä wedennä töjajaima cajunñadädä Faraón wä enemadö wetä, ⁹ Yawä tönwanno namodetatode wedennä sheconcomocäje tamedä Egiptoñono nonodo dewa, tönwanno nene'jatode chunnujätödöcomo, soto Jäcäíñe odocajacomo maja tamedä Egipto ñano nono dö dewencomo. ¹⁰ Mödäje Moisés Arón acä cönajoicho jötadi acano cönammicho tawä Faraón Jetaca. yääjema yawa Moisés cönjojoi yää wennoi Cajunñadaida, mä'däje yää wedennä cönejodöjoi chunnujä tödöcomo soto Jacaiñe odhocajacomo maja. ¹¹ Ñanno jöwaiñamo Moisés änshiimchäda cönääjato tucunnujä'e toweichommöjäcä; tameedä ñanno Egipto ñancomo mmaja. ¹² Yaawä CAJICHANA, Faraón ewaanö cömjödutöichea, määdäje Faraón Moisés Arón, adheducomo anetada cönciyacä mädäje yeichojo töwö CAJICHANA cönecammai Moisés wwä, aneetada Faraón weichojo. ¹³ Yää jemma yawwä CAJICHANA cönadöaacä Moisés wwä äjäcäde Jenadädä adheden'nacäde yawä Faraón jetaca, edäje ecamm'cäde chäwwä CAJICHANA evedeo Wanaadíyöcomo edäje nadöa: Enno'jacoto canno sotoi wade'mecöiiyeto'de yawwä ¹⁴ Edä'jonno annene'jödödä wenno'jatode mmacä äwadädä, osotoi odhowanäcä yeichö weetä edä nono dewä öwö nöngato'je'da yeichö. ¹⁵ Eduuwa jenno wonwojade adhetunuchödö wetä, osootoi etuunuichädöö como wetä mmaja cädäiche, Amäädä nono de'wänno mätää secaaja'de yaawä. ¹⁶ Yaaje yeichame nudä aweichojo wödäne: Atai jäädudu öwwä eneejodö wetääne, tameedä nono weichö wacä yeecadö töneeta yeichöcoomo wetä. ¹⁷ Äwäjädutäsedeaca maanö sotoi jäcäiño anennojadaiñe aweichö que. ¹⁸ I Etacä'ma. Määtä naadö dö'tä shii weichömmaja jenamma i'chajö wemaajojä a'de yetöötö nadö wacä jäduuje Egiptoñano Wadaadädä, äneeda tödööene yaajäntä jödö jonno tojödööene. ¹⁹ Eeduuwa naadö, dhanwacomo anontäätäcä jaaca ijuumañe tameedädä äwwä naadö, ashichato yeí chocomo dö'tä tödöötä cäde, tameedädä dhanwacomo,chäcöönö como mmaja, tä'ne e'da ä'saca naatodö yää i'chajö näämeeade yecääcäñe tönwanno mmaja nä'jaatodede. ²⁰ Yääjema yawä, ñanno Faraón sotoicho'mo cöne camjö'cho dea CAJICHANA necamma'jödö cönatamjätö'como jaca maja täsa'ca'ñe. ²¹ Yawä'ne ñanno mane ane'camjö'da ccöne'yato CAJICHANA necamma jö'dö nene'que cönnomoicho tanoño'como tä'quönö como majo tönono döcomo dewä. ²² Yaawä CAJICHAANA, Wanaadí, cönä'dööaacä Moisés, wää: " adhaamädö eneejocäde' caju wadäädä, i'chaajö ä'meiye tameeda Egipto ñaano de'wä, soto de'cäiñe odoocaja'como de'cäiñe, ñaatödööcomo de'cäine mmaja, Egipto ñano nonodö de'wä:" ²³ Yaawä Moisés, tä'sejí cönee'joi Kademe du, ichaajö, yäncucudu, mmaja, nono jona tödööene conojo i'chaajö, jadäkininñaacä Egipto nonodö de'wa. ²⁴ Määdäje cöneeja'dä'aacä tameedä toima, i'chaajö yäncucudu mmaja, joje cönä'jacä Egipto ñaano, ajantä'jödö jonno to'jödöödä. ²⁵ Yä ichajö cönä'mei yaawä tameedä Egipto ñano nonoodö de'wä. Taameedä soto jödo'na nönäja'todö cönä'ja'joicho yaawä, tameedä odoocoja'como mmaja. Yää i'chajö tameedä ñaatödööcomo cöna' dopoojatöi chea. ²⁶ Gosén ña mmane, ñanno Israel atöödö jataacäiñe i'chajö ä'me'dä cöneiyacä. ²⁷ Yääje'mma yaawä Faraón cönemnojaicho dhanwacomo Moisés, adejanñe Aarón mmaja. Cänödöacä chäwwäiñe: conemjönö wödööne. chäänaöngato töwö CAJICHAANA WANAADI, öwö mmane chäänöngeda wa, sotoi mmaja. ²⁸ Adhadeucä CAJICHAANA WANAADI wwä, jädejedeja nadea yäncucumadö, ichaajö Wämedä mmaja, mädä tödöajäcä manennojatode, etää nuuma eicha mmatode yaawä. ²⁹ Yawwä Moisés cönää'döäca chäwwä: Edäjata wonno weja'ca'jäcä Wanaadi wwä ya'deuwa'de yaamädö annä'ncädä i'chajö acoichajodö wettä chäwwä, yäncucudu mmaja. Yaawä tameedä Wanaadi namoodenä'jööje edä mono weichö, tameedä ye'wä naadö mmaja. ³⁰ Yaawääne; yowaanänä'na CAJICHANA WANAADI onontäda aweichö, osotoi mmaja. ³¹ Yaawä lino cebada mmaja cönatadojojätoi, yawäne yää cebada seweicha jänäje cönääjacä Lino mmaja wejödö tanäje cönääjacä. ³² Yaaaawäne trigo centeno mmaja atadoojojätöda cöneíyacä äcaade yejösöta jödö yeijäcä. ³³ yaawä Faraón döiñanno yää jatowonno Moisés wejacajäcä. Töwö tamädö cönnanäjoi Wanaadí wadäädä, yetöötömadö, ichajö mmaja conojo wínñadö cönääcai yaawä. ³⁴ Ya'wä Faraón cö'nene'macä conojo wei'ñadö i'cha'jö maja, yetötö'madö maja ye'dennajä'cä, töwö conemjö'nö cönö'chea, jodije chä'wanö cönädöi'che yawä, tösotoi Jadä'ñe. ³⁵ Faraón ewanö mane Joduje cönäjacä, mädä je töwö Isaadaedito como anen'joda cöneí yato. Edä tää CAJICHANA necamma'jödö Moisés wä Faraón nödö'to'jo.