¹ yääje mma yaawä CAJICHANA cönädöaacä Moísés wwä; Eneecä'ma öwö, maannöne Waanadi nöön'ee Faraon wwä, Aarón, ädui naade Wanaadí adedu ecam'maneije a'wwä. ² Tameedä meecamna'ade manaanontadö chaääwä, Ädui Aarón faraon wwä necammajä'a'de yaawä tönoodö de'wanno israelitacomo enno'jadööcomo wetächäwwä. ³ Yaawöne öwö faraón ewanö wijodutade yaawä jooje töneemö weneeja'de jöduje weichöque ashichaato mmaja, ñanno Egipto ñancomo wwä ⁴ yaawöne Faraón mane adetatönñeda nade, yääje yeijäcä öwö yamädä wödöade egiptoñano jäcä, yaawä Egiptoñancomo maminchadötode, jödujacomodea wijummatode ñanno Israelita atödö. ⁵ Ñanno egipciocomo towanöcäiñe yödöatode Öwö ÑÄÄDÄ CAJICHANAANA WANAADI ñoonodöcomo ajooja'jäcä öwwä dhantawännoiñe israelita ija'canöjajäcä mmaja. ⁶ Määdäje Moisés Aarón mmaja cönnöicho: Cajichaana Wanaadí jadä cönnöicho ñecammadö nönge. ⁷ Moisés cönä'jaacä 80 wesu Arón maane cönä'jacä 83, we'du, yaawä Faraón wää cöna'deuwöichoodawä. ⁸ Töwö CAJICHANA cönädöacä Moisés wä Aarón wä maja. ⁹ Yääje Faraon äwäiñe yödöa jäcä. tänemö annötäcä. Edäje ecammacäde Aarón wä, adhesejí annäcä Faraón Jetaca emacä äcäyuje amodetaiye yawä. ¹⁰ Yääjema yawä Moisés Aarón maja cöntonto Faraón dönnña, tönwanno cönnäicho y'aawä'jödö nönge maja, Aarón täsejí cönöjatodö, dötä nödömace ocuyu adhanjo'toje cönamodetai. ¹¹ Yääje mma yaawä Faraón cöna'dejai'cho ñanno dhanwua tösedujö'na'te du'waichomo maja. Mödöje majä tönwanno cönöi'chodeea tö'waichö'coomo que. ¹² Töwadöi'ñne dhanwua'coomo cöne'maicho töse'ji'chomo, yöä dhösejichomo cönamodeta jö'töi ocuyu'je. Yaawäne Aarón eseji cöne'na'jö'töicho ñanno ocoyu. ¹³ Yaawö Faraón ewanö joduje cönö'döi töwö ameta'da cäneiya'cä yää CAJICHANA necamma'jö'dö. ¹⁴ CAJICHANA Wanadí cönädöacä Moisés wää: täiije Faraón Ewanöna ija'canöjo'se daiñe. ¹⁵ Jenaadäädä äjääne'de Faraón döiña na'cwataca iichädö owaajo. tuna jawä adedennacäde yäätä mojodötäye dacä adhe'sejiiyö adhenwawä tödöcäde, yää acääyuje cönamodetaichö dea. ¹⁶ Edääje CAICHÄCÄ de chäwwä: CAJICHAANA WANAADI , hebreo wanaadiyöcomo yaanontäne äwwä a'deuwe. Sootoi enno'jacooto, jata jemmjönöaca wa'deme'taiyeto. eduuwa naadö eta'se'dadeama: ¹⁷ Edääje CAJICHAANA Wanaadí äwwä nä'döa: Edääje odhowanääcä nä'döa'de o'jodhaatoje weichö, yenwawä naadö ye'sejiche tuna waiju'ca, yaaquichaadö weta. ¹⁸ Tameedä ñanno na'cwacancomo naatoodö nä'ja'aato'de yaawä, tuna töcä nääne, tuna emmajaí'cha Egipto ñancomo naato'de yaawä. ¹⁹ Yäje mma yawä yawä Cajichana Wanadí cönädöacä Moisés wä; edäje caichä'de ñädä Aaron wä Adhasejöi annäcä. Tameda tuna Egipto ñano Wadädä maja, tuna wadonnajä'ajä maja, tamedä tamedä Egipto ñano nonodö munuje yeichö wetä, chänönge maja iyä dee tödöajä aca tuna nadö, caichäde Aaron wä, que cönädöacä cajichana Wanaadí. ²⁰ Määdäje Moisés mmaja Wanaadí necammajödö nönge cönnöicho. Aarón tä'sejöi cönannäjoi tuna cönaíjucuí, Faraón neenedöje shotoichomo neenedö comoje mmaja. tamedäädä tuna muunu je cönäädöi. ²¹ Tameedäädä nacucwacomo cönääjajoicho dea tuna co'ncätai yaawä. Ñanno Egiptoñan como tuna emjacha cönääjato, tameedädä Eiptoñano nonodö muunuje yäädöjödö yeíjäcä. ²² Yaawä ñanno jöwaínñamo yääje mmaja cönnö'cho dea. määdäje Faraónewano jäduujecä jene cönäädöi.