¹ Amoojadääto dewä aaduwaawä amoojato(18) wedu Nabat nnedö Jerobam cajiichaanaje yeichö, Abiam cönajötäi cajiichanaje töweichö Judaña. ² Töwö cönesetöi aduawä weduto ewacä Jerusalenñano. Yenö eetö cönäjacä Maaca. Töwö cönäjacä Abisalom nnedö. ³ Tumö conenadiyöjödö nönge dea töwö tönnöe cönäjacä. CAJIICHANA WANADI Emmatawä chötajäätödö chäänöngeda cönäjacä, tadaichö David tötajäätödö cönäja_döjeda. ⁴ Yääje yeichame, David Tunmuma töweijäcä, töwö CAJICHANA WANADI cuntui adaawa Jerusalenña inñedö inwacanoje annöjöcö_que Jerusalenñano jijöödutädä weetä. ⁵ Mädäje WANADI cönänöi David chönönge yeijödö weijäcä tömmatawä, ⁶ nudä Abiam töweichö wadadädä, töwö äsancwajoda töweiye cönäjacä yoije mmaja töweiye cönäjadea. uria hitita jäcä mmane cönäjacä. ⁷ Tamedä aneeja Abiam cönnächö, ¿Tömennödana iyöä jajeda ñanno cajichanacomo judaña_ncoo nödöjätäjocomo jäcä? wänä töweiye cönäjacä Abiam Jerobam antawäiñe. ⁸ Yaawö Abiam cönämai cänewacaicho yaawö dhadaijacomo antawäiñe David_ jatajödö awä. Inñedö Asa Cajiichanaje cönäjacä yawä inwacanoje. ⁹ Tooni Soto (20) weda Israel ña Jerobam cajiichanaje Yeichö, Asa cönajötöi cajiichanaje töweichö Judanña. ¹⁰ Aacä sotooto de'wa tooni(41) wedu cajichanaje Asa cönäjacä Jerusaleña. ñootö etö cönäjacä Maaca, Abisalom nnedö. ¹¹ Asa chönönje tönnöe cönäjacä, CAJIICHANA emmatawä, tadaichö David cännöichö nöngede'a ¹² töwö cömmacanöjoicho ñanno dhanwacomo masuuduijacomo, imwademetocomo tacanno, cönese jötöichea tamedö iyää chutaajä tadaichomo namoodenäjäätödö. ¹³ Tönootö Maaca mmaja cunucaiche cajiichaaje yeichö jonno, Asera cutaajö chäwwä amoodenäjödö weijäcä. Asa cöneemajoi iyää chutaajö, cedron jödöiña cönñacwai yawä. ¹⁴ Yaawäne caawä tödöajö mmane anesecajönönge cönnöi CAJICHANA wonoje tamedä töweichö Wadaadödö. ¹⁵ töwö cönadöjötäi CAJICHANA esaaca tamedö iyää tödöjöajä Tönecammajödö, tumö necammajödö mmaja, yää vasijacomo jödaata quee amodenajö oodo quee mmaja. ¹⁶ Yaawä wönä cönäjacä Asa Baasa antawöiñe ñanno Israelita cajiichanaichomo, cajichanaje töweichöcomo Wadaadädä. ¹⁷ Israel cajichaichomo Baasa, töwäätäma cönäjacö ñanno Judañancomo jäcäiñe yaawä cönaamäi Ramá, soto ejaacada yeichöcoomo wetä, omomäda mmaja Asa nonodö acaa ñadä cajichana judañano. ¹⁸ Yääje mma yaawä, Asa cönancui tamedä jödate, oodo, iyää CAJICHANA esaaca mmaja. töwö cuntui tanomöcomo wääiñe, cönadojoi Ben Adad wadädä CAJICHANA Aran ñano Damasco ña töweiye cönäjaö. Töwö cfönjädöacä: ¹⁹ Aatadeuechue queñojo eduuwa, jaaja acä oomo cönäjatodöje dea. Oodo, jödaata mmaja_äwadädä Wadääjoi, Israelita cajichanichomo Baasa acä awääcam majocomo chamjiyacadö wetä äwwä, wäänätäda eiye yaawä: que cöneeammajacä. ²⁰ Ben Adad cönetai ñädä CAJICHANA Asa, yääje yeijäcä cönanontä ñädä töwewänätamö edhajötoncomo, Israel ñano jatacomo wänätäiñe, ijón ñano cönwonotoichodea, Dan, Abel de Bet Maaca, tamedä cineret mmaja, tamedä Neftali ñano nono mmaja. ²¹ Yää etajäcä Baasa wwä. Rama ñano amädö cönäcai. yaawä töwö cönennacai tirzaña mmaja. ²² Yääjeje CAJICHANA Asa cönijuumaicho tamedä Judáñancomo. Tönwänno

cönadäjätöichotääju, deecomo mmaja, yää Ramañano Baasa namödö cönäjadö. Yääjemma yaawä töwö CAJICHANA asa yääque cönamöi Geba Benjamín ñano, Mizpa ñano mmaja.

²³ Yaawä yää anejacomo Asa nädöjödö, tamedä jäduuje yeijö, tamedö inyääjötöjödö mmaja jaata amääjötöjödö mmaja ¿tömennäna Israelita cajichanaichamo weijäcomo ecammajäätödö jajeedaichädö jäcä. Yaawöne inchomme töweichö wadadädä, töwöshödöichö cönäjacä ijuudu jäcä?. ²⁴ Yääjemma yaawä Asa cönämai cönewacaicho yaawä dhaijocomo jadäiñe, tumö David jatajödö awä. Inwacaanoje cajichanaje cönäjaacä iiñedö Josefat. ²⁵ Aacä wedu asa Judáña cajichanaje yeichö, Israelita cajichanaichomoje Jeroboam nnedö Nadab cönajötai, Aacä wedu mma töwö cönäjacä Israel cajichanaichomoje. ²⁶ Töwö cönemjönö tönnöce cönäjacä CAJICHANA emmatawö, tumö weijödö nönge töwö conemjönö tönnöe cönäjacä, töconenadiyö nonge Israelita cönnöicho conemjönö chäwäiñe cönäjoi. ²⁷ Nadab wä flisteo Wänätädawä, shotoi cönaawodhentato Gibetón ñano. yäätä mmaja cönäjadea Ahias nnedö Baasa ñäädä Isacar atödö. Baasa cönaijucui töcajichanai Nadab. ²⁸ Aaduwawö wedu judáña Asa cajichanajeyeichö, Baasa cönemai ñäädä Nadab Inwacanoje cajichanaje töwädädäwetä. ²⁹ Cajichanaje Baasa wädöajäca deamma töwö cömjajoicho tamedä Jeroboam wäjimmätädä. Töwö tooníchö nudä anedetöda cöneiyacä Jeroboam atödö: Mädäje cönconemai cajichanaje yeichö, tanonö Ahias silonitawä CAJIICHANA necammajödöjedea. ³⁰ Conemjönɩö Jeroboam wä tödöjödö weijäcä mädääje Iraelita wäiñe conemjönö tödöjojödö weijäcä mmaja, mädäje töwö cönetömajoi CAJIICHANA Israelita WANAADI yöcomo. ³¹ Tamedä aneja Nadab cönnöichö tömennöna Israelita cajichanaicho weijäcomo ecammajötädä jajedaichödä jäcä. ³² Yaawä Asa, Baasa antawaiñe töweiye cönäjacä wäänä, Israelita cajiichanaichomoje yeichö wadadädä. ³³ Aaduwawä wedu judáña Asa cajichanaje yeichö, Ahias nnedö Baasa, cönajöntöi Israel cajiichanaichomoje töweichö tirzaña, yäätä töwö cajichanaje cönäjacä tooni soto acäichea(24) wedutocwacä. ³⁴ Towö conemjönö tönnöee cönäjacä CAJICHANA emmatawä. Jeroboam weijödö mönge cönäjacä. Israelita wäiñe töcönenadiyö nönge tönnöjo cönäjadea.