¹ Yää anoto cöönä´jadawä Joroboam nnedö Abías cöncädäichai. ² Yaawä Joroboam cönäduaacä töjiiñamo´wwä:-ääma´täcä eduuwa, Aneejeja adheewontäcä, cajichaana jiiñamoojedaane määnejoiye: soloña äjääne. yäätäna eduuwa Abías, ñäädä Wanadi Wa'deuwödö ecammanci, canno soto cajichaníchomoje weichojo cöneecammaichö. ³ Amoojadä pan ecauwajä adääcä, pastele mmaja, tooni chääwötö wanä eccudui mmaja. yää dha'me chäwwadädä mmötäiye dhanwa'cä wichojo äwwäecammaíye. ⁴ Mädääje Joroboam Jiiñamo cönnöi yawä, Silo ña cöntämä Ahias maí'chaca. Tanuuqueda Ahias cönäjaacä yaawä töntomodö e'nei. ⁵ Yääje yeichame töwö dhowaanäcä cönä'jaacä Joroboam jiiñamooje yeichö edääje töwwä Wanadi wa'deuwö'jödö weijäcä:_ Estaacäma. äwwadäädä ne'a'dejeroboam Jiiñamo. tönnedö cädäijato wichojo jäcäadheecam'jo. Adhencu'totojoje anejajato tomö na'de yääje yeijäcäedä edääje ecwäjäcä'de...; que Wanadi wa'deuwöjödö waijäcä ⁶ Yaa'wä Mönatano yomocödawä ijudu wätajajätödö eta'jäcä Ahias wwä töwö cönadöacä:_ odhoncä amäädä Joroboam Jiiñamo ¿ Ane'cätooje aneja'nön'ee awädöjo yencu'täse manä? Äwwä conemjönö täcammamö dha'mewa. ⁷ Joroboam wwä edääje ecammajä'ta:_ Edääje nä'döa Israelita Wanaadiyööcomo Wanadí:_ Soto antawaiñé mane'tä'ne sootoi Israelita edhajoton comoje. ⁸ Cajiichanaje yeichö'como jonno David atödöö wu'caneto, amäädä cajíchaanaje weiña äwä'utu'wetä. Yawane,' yaanonö David weijödö nön'ee'dama amäädä'Tamedä täwaanö jadädä Jummancädä. Yemjatawä waanontadö chänö'ee tönnö'e töwö cönä'jacä ⁹ Amäädä mmaane tameedä odhoowajo cönä'ja'todö e'jodhenñe conemjö määdöne. Yeetömaatojooje anejacoomo Wanaadiyöcomo cu'ta'como mamode'nojone, ye'nomjadöjemma. ¹⁰ Yääje yeijacä äwäjiimmäatä'dö jacäiñe conenjönö'a'de, tamedädä medeshichä dhanwacomo wacäjäatode Israelitaña, anontännamo, tanontamo jadäiñe'jödödä, Joroboan atödöcoomo wöja'aato'de tocaichajoneañe, watäsemeecadö töweiye naichöje. ¹¹ Sö'na nänääaato'de Joroboan atöödö jataawoncomo wäjajodöcoomo, woi awoncomo wä'ja'aacomo mane tadiinñamo otööcomooje daja, Wanadi. ¹² yäje yeijääcä anöncä. Ajääne eduwa ammaichaca. Jataaca awä'döajäcä dea_mma ännedö Abias nääma'de. ¹³ Tamedä Israelita chääquejöödö newaacato'de ijunnei töwaamoan cädäiñe. Töwö mma newacato'de, Jorobam sotoi antawäiñe Israelita Wanaadi wwä edantä'jödö weíjäcä. ¹⁴ Annejadaja Israelita cajichachomoje Wanadi newacadede. Yää anooto awä dea töwö nöja'aato'de tamedä Jeroboam atödö. Eduuwa deaamma madäje yeichojona. ¹⁵ Wanadi Israel nu'mejäa'de yaawä. Nau'cwaca jishedú täwäätúmejä'e töweiye naichöje. Dhaíchoncomo wwa'iñe utu'jödö weichame. Edä´nono aashichato acanno töwö nija'canö'jatode, Eufrates_ mansemno emecandöcomo wetä. asera cutajäque Wanadi etömajoj'ödö weijacä chäwäiñe. ¹⁶ Töwö nuade Israel wä conena jönö tödöjödö weijäcä Joroboam'wä Israelita wwäiñe conenjönö tödöjaancädä. räje yeijäcä Wanadi Israelita nu'aato'de chude'tännamo wwainñe; que cönädöacä Ahias chäwwä. ¹⁷ Yääje mma yaawa Jeroboam jiiñamo Cönääma'täi tursa'na töötädö wetä, Mönatano yä'döa'jäcä deamma iinñedö cönämai. ¹⁸ Töwwäiñe ewääca'jäcä, tamedä Israelita cönaamoa'to, tanonö Ahias wä Wanadi necamma'jödö nön'ee dea. ¹⁹ Tamedä yää de'wä Jeroboam cönnö, yää yeewänätäjödö, soto e'se'toyo'chomo wei'jocoomo ecamma jäätödö jajeedai'chädö jacä. ²⁰ Yääjemma yaawä, Joroboam cajichanaje cönäjäcä toni sotooto de'wa aacä(22) wedu, yääjeje cönämai, cönewacaicho yaawä dhahaijö como jadäiñe, yaawä ñädäinnedö Nadab cönäwacai cajichaje inwacanjödöje. ²¹ SAlomón nnedö Roboam Judá ñancomo cajichaanaichamooje cönä'jaacä yaawä cajiichaanaje töwä'döa'jäcä, aacä Sotooto de'wä tooni (41)Weda Roboam cönä'jaacä Amoojadäätö de'wä aacä amooto(17) wedu cajiichaja töwö cönäjaacä Jerusalenña yää tamedä Israelita_ jataadöcoomo antawaiñe täätöje Wanadi ne'täjödö. Yeenö cönä'jaacä amonita Naama täätö. ²² Yaawä ñanno Judá ñancomo conemjönö tönnötöe cöna'ja'to Wanadi emjatawä, tadai'choncomo e'jodhenñe'cajeene, Wanadi etömajancädä ²³ Yaawä Asera cu'tajä tönaamädööcomo taca ya'demecödö wetä, iyä chauta o'nä maja. ²⁴ töwiye cöönäjatodea ahan'wacomo masnduijacomo iyä tönonña'to äwä, tönwanno tonnöe cönäjato iyä wacöjönö töwomacatomoje Wanadi nijaca'nöjo'jocoomo nön'ee, Wanadi wacöjonö tödönnamo. ²⁵ Ijatodea (5) Wedu Roboam cajichanajeyeichö Egipto ñaano cajichana sisac Jerusalen ñano cönwä'nä'täi. ²⁶ Wanadi Wichojo tacaano mösooma töwö cönaadäjäätötöi, cajichana mai chaca cönä'jadö mmaja, tameedä choone'mancädä. Tamedä Salomón namode'näjo'jödö oodo döaajä woowon toojo cönaadäjäätöi chea. ²⁷ Inwacaamatoojoje cajichana mai nata'tadö edai_chännamo edhaajätoncomo wwäncomooje Roboam cönaamode'näjatöi Wowontotojo, Bronce döaajä daja. ²⁸ Wanadi wichojo taca cajiichana womödaawä ñanno edachännamo yää Woowontotojo chaaca tönne'e cönä'ja'to. Yääjejetö'nwanno tön'ne'ee cönääjäto tönedachoto'como taca. ²⁹ Tameedä iiyä Roboam jacä cöneeja dä'adö, iiyä inñöjödö jäcä ma'ja, ¿tömen'nädacanai jajeda'jäcä iiya cajiicha'como juda'ñancomo wijocomo jacä?. ³⁰ Wäänä töweiye cönääjacä yeichöödäje Roboam maai antawä Jorobam maai antawä maja. ³¹ Määdäje Roboam cönämai yawä töwö chaque'jödö cönsomai'cho jenadä yejödö dötä iiyä David jatadö awä. Yeenö etö conäjacä Naama Amonita. Töweiye cönääjacä iinñedö töwö cönä'wacai yawä inwacanoje cajichanaje.