¹ Non teñas envexa dos malvados, nin desexes estar con eles, ² porque o seu corazón maquina violencia, e os seus beizos falan de facer mal. ³ Con sabedoría se edifica unha casa, e con prudencia afírmase; ⁴ co coñecemento enchéronse as cámaras de todo ben precioso e desexable. ⁵ O home sabio é forte, e a persoa de saber aumenta o seu poder. ⁶ Con sabios consellos farás a guerra, e na multitude de conselleiros está a victoria. ⁷ Moi alta é a sabedoría para o necio, na porta non abrirá a súa boca. ⁸ Ao que trama facer o mal, chamarano intrigante. ⁹ O pensamento do insensato é pecado, e o faltón é detestado por todos. ¹⁰ Se es feble no día da angustia, a túa forza é limitada. ¹¹ Libra os que son arrastrados á morte! Rescata os que van a ser degolados! ¹² Se dis: mira, non sabiamos disto! Non o ten en conta o que sonda os corazóns? Non o sabe o que garda a túa alma e paga a cada un segundo as súas obras? ¹³ Come o mel, meu fillo, porque é bo; si, o mel do panal é doce ao teu padal. ¹⁴ Que saibas que dese xeito será a sabedoría para a túa alma. Se a atopas, haberá un futuro, e a túa esperanza non será frustrada. ¹⁵ Non axexes, malvado, a morada do xusto, non destrúas o seu lugar de repouso; ¹⁶ porque o xusto cae sete veces e volve levantarse, pero os malvados caerán na desgraza. ¹⁷ Non te alegres cando caia o teu inimigo, e que o teu corazón non se alegre cando tropece; ¹⁸ non sexa que Iahveh o vexa e lle desagrade, e aparte del a súa xenreira cara ti. ¹⁹ Non te impacientes por mor dos malfeitores, nin teñas envexa dos malvados, ²⁰ porque non haberá futuro para o malo. A lámpada dos malvados será apagada. ²¹ Meu fillo, teme a Iahveh e o rei; non te xuntes cos sediciosos; ²² Porque a súa calamidade vai vir de súpeto, e o castigo que vén dos dous, quen a sabe? ²³ Tamén estes son ditos dos sabios: Non é bo ter favoritos no xuízo. ²⁴ A aquel que lle di ao rei malvado: ti es xusto, o maldicirán os pobos e as nacións aborrecerano. ²⁵ Mais os que deciden con xustiza terán felicidade, e sobre eles virá abundante bendición. ²⁶ O que dá unha resposta xusta, bica os beizos. ²⁷ Ordena os teus traballos de fóra, e fai plans para ti no campo; e despois edificarás a túa casa. ²⁸ Non sexas testemuña contra o teu próximo sen causa, e non enganes cos teus beizos. ²⁹ Non digas: como el me fixo, así lle farei; pagarei ao home segundo a súa obra. ³⁰ Pasei polo campo do preguiceiro, xunto á viña dun home sen entendemento, ³¹ e velaí, estaba todo cheo de cardos, a súa superficie cuberta de ortigas, e o seu muro de pedras, derrubado. ³² Cando o vin, meditei sobre el; mirei, e aprendín a lección. ³³ Un pouco de sono, un pouco de durmir, un pouco de cruzar as mans para descansar, ³⁴ e a tua miseria chegará coma un ladrón, e a túa necesidade coma un home armado.