¹ Entón Iahveh díxolle a Moisés: ² «Cando alguén peque y cometa unha falta contra Iahveh, enganando ao seu próximo en canto a un depósito ou algunha cousa que se lle confiou, ou por roubo, ou por extorsionar ao seu próximo. ³ ou topou o que estaba perdido e mentiu sobre iso, e xurou falsamente, de xeito que peca en calquera das cousas que adoita facer o home, ⁴ será, entón, que cando peque e sexa culpable, devolverá o que tomou ao roubar, ou o que obtivo ao roubar, ou o que obtivo mediante extorsión, ou o depósito que lle foi confiado, ou a cousa perdida que topou, ⁵ ou calquera cousa sobre da cal xurou falsamente; fará completa restitución diso e engadiralle unha quinta parte máis. Daráselle ao que lle pertence o día que presente a súa ofrenda pola culpa. ⁶ Entón traerá ao sacerdote a súa ofrenda pola culpa para Iahveh, un carneiro sen defecto do rabaño, conforme a tu valoración coma ofrenda pola culpa, ⁷ e o sacerdote fará expiación por el diante de Iahveh, e seralle perdoada calquera cousa que fixese pola cal sexa culpable». ⁸ Entón Iahveh díxolle a Moisés: ⁹ «Ordena a Aarón e a seus fillos, e dilles: “Esta é a lei do holocausto: o holocausto mesmo permanecerá sobre o lume, encol o altar, toda a noite ata a mañá, e o lume do altar hase manter aceso nel. ¹⁰ O sacerdote vestirá a súa túnica de liño e porase cirolas de liño fino sobre o seu corpo. Collerá as cinzas a que o lume reduciu o holocausto encol do altar e poraas xunto ao altar. ¹¹ Despois tirará as súas vestiduras, porase outras vestiduras e levará as cinzas fora do campamento a un lugar limpo. ¹² O lume do altar manterase aceso encol do altar; non se apagará, senón que o sacerdote queimará leña nel tódalas mañás, e porá encol el o holocausto, e queimará sobre el a graxa das ofrendas de paz. ¹³ O lume manterase aceso continuamente no altar; non se apagará. ¹⁴ ”Esta é a lei da ofrenda de cereal: os fillos de Aarón presentarana diante de Iahveh fronte o altar. ¹⁵ Entón un dos sacerdotes collerá dela unha manchea de fariña fina da ofrenda de cereal, co seu aceite e todo o incenso que hai na ofrenda de cereal, e queimaraa encol do altar. É un recendo grato, a súa ofrenda memorial para Iahveh. ¹⁶ E o que fique dela, Aarón e seus fillos comerano. Débese comer coma tortas sen formento en lugar santo; comerano no adro da tenda de reunión. ¹⁷ Non se cocerá con formento. Dinlla coma parte das miñas ofrendas acesas; é cousa santísima, o mesmo que a ofrenda polo pecado e a ofrenda pola culpa. ¹⁸ Todo varón entre os fillos de Aarón pode cómela; é unha ordenanza perpetua por tódalas vosas xeracións relativo ás ofrendas acesas para Iahveh. Todo o que as toque ficará consagrado”». ¹⁹ E Iahveh díxolle a Moisés: ²⁰ «Esta é a ofrenda que Aarón e seus fillos ofrecerán a Iahveh o día da súa unción: a décima parte dun efa (2,2 litros) de fariña fina coma ofrenda perpetua de cereal, a metade pola mañá e a metade pola tarde. ²¹ Prepararase con aceite nunha tixola, e cando estea ben mesturado traerala. Ofrecerás a ofrenda de cereal en anacos cocidos ao forno como cheiro grato para Iahveh. ²² A ofrecerá o sacerdote, que de entre os fillos de Aarón sexa unxido no seu lugar. Por ordenanza perpetua será totalmente queimada para Iahveh. ²³ Así que toda ofrenda de cereal do sacerdote será totalmente queimada. Non se comerá». ²⁴ Entón Iahveh faloulle a Moisés: ²⁵ «Dille a Aarón e a seus fillos: “Esta é a lei da ofrenda polo pecado: a ofrenda polo pecado será ofrecida diante de Iahveh no mesmo lugar onde se ofrece o holocausto; é cousa santísima. ²⁶ Comeraa o sacerdote que a ofreza polo pecado. Comerase nun lugar santo, no adro da tenda de reunión. ²⁷ Todo o que toque a súa carne ficará consagrado; e se o sangue salpica sobre unha vestidura, lavarás nun lugar santo o que foi salpicado. ²⁸ E a vasilla de barro na cal foi férvida, romperase: e se se ferveu nunha vasilla de bronce, restregarase e lavarase con auga. ²⁹ Todo varón de entre os sacerdotes pode comer dela; é cousa santísima. ³⁰ Pero non se comerá de ningunha ofrenda polo pecado, cuxo sangue se trouxese á tenda de reunión para facer expiación no lugar santo; no lume será queimada.