¹ Tamén fixo o altar do holocausto de madeira de acacia, de cinco cóbados de longo, cinco cóbados de ancho, cadrado, e tres cóbados de alto. ² E lle fixo cornos nas catro esquinas; os cornos eran dunha soa peza co altar, ³ e os forrou de bronce. Fixo tamén todos os utensilios do altar: os caldeiros, as pás, os tazóns, os garfos e os braseiros. Todos os utensilios os fixo de bronce. ⁴ Por debaixo do seu borde, fíxolle ao altar un enreixado de bronce con forma de rede que chegaba ata metade do altar. ⁵ E fundiu catro argolas para os catro extremos do enreixedo de bronce por onde se metían as varas. ⁶ Tamén fixo as varas de madeira de acacia e as forrou de bronce. ⁷ E meteu as varas polas argolas que estaban aos lados do altar para transportálo. Fixoo oco, de táboas. ⁸ Ademáis fixo a pila de bronce, coa base de bronce, cos espellos das mulleres que servían na porta da tenda de reunión. ⁹ Fixo tamén o adro para o lado do Neguev, ao sur, as cortinas do adro eran de liño fino torcido de cen cóbados. ¹⁰ As súas vinte columnas e as súas vinte bases eran de bronce; os ganchos das colmnas e as súas molduras eran de prata. ¹¹ Polo lado do norte había cen cóbados; as súas vinte columnas coas súas vinte bases eran de bronce, os ganchos das columna e as súas molduras eran de prata. ¹² Polo lado occidental había cortinas de cincuenta cóbados coas súas dez columnas e as súas dez bases; os ganchos das columnas e as súas molduras eran de prata. ¹³ Polo lado oriental había cincuenta cóbados. ¹⁴ As cortinas a un lado da entrada eran de quince cóbados, con tres columnas e tres bases, e o mesmo ao outro lado. ¹⁵ Aos dous lados da porta do adro había cortinas de quince cóbados coas súas tres columnas e as súas tres bases. ¹⁶ Todas as cortinas ao derredor do adro eran de liño fino torcido. ¹⁷ As bases das columnas eran de bronce, os ganchos das columnas e as súas molduras de prata, todas as columnas do adro tiñan molduras de prata. ¹⁸ As cortinas da entrada do adro eran de tea azul, púrpura e escarlata, o liño fino torcido era obra dun tecelán. Tiña vinte cóbados de longo e cinco cóbados de alto, o mesmo que as cortinas do adro. ¹⁹ As súas catro columnas e as súas catro bases eran de bronce, os seus ganchos eran de prata e o revestimento dos seus capiteles e as súas molduras tamén eran de prata. ²⁰ Todas as estacas do tabernaculo e do adro ao derredor eran de bronce. ²¹ Estas cousas do tabernáculo, do tabernáculo da alianza, foron enumeradas segundo conforme ao mandato de Moisés para o servizo dos levitas, baixo a dirección de Itamar, fillo do sacerdote Aarón. ²² Bezaleel, fillo de Uri, fillo de Hur, da tribo de Xudá, fixo todo o que o Señor mandara a Moisés. ²³ Con el estaba Aholiab, fillo de Aisamacm da tribo de Dan, grabador, creador e tecelán da tea azul, púrpura e escarlata en liño fino. ²⁴ O total do ouro empregado para a obra do santuario, o ouro das ofrendas, foi de vintenove talentos e setecentos siclos, segundo o siclo do santuario. ²⁵ A prata dos que foron censados foi de cen talentos e mil setecentos setenta e cinco siclos, segundo o siclo do santuario. ²⁶ Un becá por cabeza, medio siclo, segundo o siclo do santuario. Isto por cada home de vinte anos para arriba, seis centos tres mil quinientos cincuenta homes en total. ²⁷ Cen talentos de prata empregáronse para as bases do santuatrio e as bases das cortinas. Cen bases polos cen talentos e un talento por base. ²⁸ Con mil sete centos setenta e cinco siclos fixo os ganchos para as columnas e revestiu os seus capiteis e lles fixo as molduras. ²⁹ O bronce da ofrenda foi de setenta talentos e dous mil catro centos siclos. ³⁰ Con el fixo as bases da entrada da tenda de reunión, o altar de bronce, o enreixado de bronce e todos os utensilio do altar, ³¹ as bases do adro ao derredor e as bases da entrada do adro, todas as estacas do tabernáculo e todas as estacas do adro ao derredor.