¹ Non entrará na asamblea de Iahveh o que teña o seu membro machucado ou castrado. ² Ningún fillo ilexítimo poderá entrar na asemblea de Iahveh e ningún dos seus descendentes ata a décima xeración, poderá entrar na asemblea de Iahveh. ³ Nin amonita nin moabita entrará na asemblea de Iahveh. Ningún dos seus descendentes, ata a décima xeración, entrará xamais na asemblea de Iahveh, ⁴ porque non vos recibiron con pan e auga cando saístes de Exipto e porque contrataron a Balaam, fillo de Beor, de Petor en Aram-naharaim para maldicirte. ⁵ Mais Iahveh o teu Deus non quixo escoitar a Balaam senón que cambiou a maldición en bendición porque Iahveh o teu Deus, ámate. ⁶ Nunca has procurar a súa paz nin a súa prosperidade en toda a túa vida. ⁷ Non aborrecerás o edomita porque é o teu irmán. Non aborrecerás o exipcio porque fuches estranxeiro na súa terra. ⁸ Os fillos da terceira xeración poderán entrar na asemblea de Iahveh. ⁹ Cando saias como exército contra os teus inimigos gardaraste de toda cousa mala. ¹⁰ Se no medio de ti hai un home impuro por causa dunha polución nocturna, debe saír fora do campamento e non volverá a entrar. ¹¹ E será que á tardiña lavarase con auga eao solpor, poderá volver a entrar no campamento. ¹² Terás un lugar fóra do campamento, a onde saias, ¹³ e haberá entre as túas armas unha estaca e cando teñas que facer de ventre fóra, cavarás con ela e volverás e has cubrir o teu excremento. ¹⁴ Porque Iahveh o teu Deus anda no medio do campamento para liberarte e derrotar os teus inimigos que están fronte a ti. Polo tanto, o teu campamento ha ser santo, non vaia ser que El vexa en ti cousa inmunda, e se aparte de ti. ¹⁵ Non entregarás ao seu amo un escravo que veña a ti fuxindo do seu señor. ¹⁶ Habitará contigo no lugar que el escolla nalgunha das túas cidades, onde lle pareza ben e non o maltratarás. ¹⁷ Ningún fillo de Israel practicará a prostitución, feminina e masculina, de rituais paganos. ¹⁸ Non traerás á casa de Iahveh o salario que, como ofrenda en sinal de promesa, proveña da prostitución de rituais paganos, nin feminina nin masculina, porque os dous son abominación para Iahveh o teu Deus. ¹⁹ Non cobrarás interés ao teu irmán, nin sobre o alimento nin sobre calquera cousa que poida ser prestado a interés. ²⁰ Poderás cobrar intereses ao estranxeiro pero non lle cobrarás ao teu irmán para que Iahveh o teu Deus bendígate en todo o que fagas na terra que vas posuír. ²¹ Se fas unha promesa a Iahveh non tardarás en pagala porque Iahveh o teu Deus certamente vaicho reclamar e sería pecado para ti. ²² Porén, se te abstés de facer unha promesa non sería pecado. ²³ O que saia dos tus beizos, coidarás de cumprilo porque voluntariamente fixeches unha promesa. ²⁴ Cando esteas na viña do teu próximo poderás comer das uvas que queiras ata encherte pero non gardarás ningunha no teu cesto. ²⁵ Cando entres na més do deu próximo, poderás arrincar as espigas coa túa man pero non poderás pasar a fouce.