¹ Nene ti din fe minu achara, linuana nbelen ndak Ncikilari bite Yesu Kristi nin zuru bite kitime, ² na imomon cingilin wa zunlun nibinei mine sa ti nana nayi, nyan funu, ligbulan sa iyert nnuzu kitibi-iyinin lirin Cikilari nmi dak. ³ Yenje umon wa rusuzu minu. Na li ba dak ba, se udieu daa, inin durso unan dinon, gono na iba molu. ⁴ Amere ulenge na gnanti litime kitine ni le imon na idin yi chu Kutelle sa idin tumzun inin kitin, a sosin nya kutii kulau Kutelle adin yenju litime nofo Kutelle. ⁵ Na ina lizin kubi nan wa di nan gninu nwa belin minu imon ilele? ⁶ Nene iyiru ile imon na iwantin gne, iba dursu gne kubi kuchine. ⁷ Ungneshinu nnan dinon di kataa, uwaru gnari nwantin gne nene se ikala libau we. ⁸ Iba nin dursu unan dinon, ulenge na Cikilari isa ba molu nin fieu nnuu me anin ti gne alawa imon ba asa adaa. ⁹ Udak nnan dinon ba yitu bara kataan shetan nin na kara me vat, udursu nin puzunu tinuu kinuu, ¹⁰ nin vat kinuu ndinon na lenge na idin kuzu, bara na ina nari useru nsuu kiden bara inan seh utuchu. ¹¹ Bara nene Kutelle ba tuu nani nin ilataa ka nanzan bara iyinin nin kinuu, ¹² bara isu nani usharaa vat alenge na iyinna nin kiden inanin yira mmang ndinon. ¹³ Arik ba godu Kutelle bara anuu ko ki shii, linuana na Cikilari dinin suu mine, bara na Kutelle na fere minu nonon infunu anan tucha nya kataa kalau nfunu nin yinnu kiden. ¹⁴ Na ana yichila minu nya kadu ra bite kamang ise uzazinu Cikilari bite Yesu Kristi. ¹⁵ Bara nani, linuana, yisinan nin na kara, imin atanda ale na ina dursu minu, sa ligbulang sa niyert. ¹⁶ Nene nlirari Cikilari Isa Kristi litime, nin Kutelle uchif bite na ana ti usuu bite ana aari nchan channnin nchine nyinnu nin bun nyan shew, ¹⁷ nchancham nintunu ni binei mine nya vat kataa ka chine nin ligbulan.