¹ Upama na, antunaa e kauuna o mga Judio? Ago antunaa e khakuwa a guna sa kathuri anan? ² Madak'l a p'd p'n san. Ika isa ko langon, na mingisarig ko mga Judio so mga kataru phuon ko Diyos. ³ Uway na ibarat o daa paratiyaya o mga p'd a Judio? So kadaa paratiyaya iran na phakaada ba uto ko babaya iyan ko Diyos? ⁴ Did'n uto manggulawla. Ugaid, na mapiya p'n e adat so Diyos apiya langon a taw na mga tam'rak'n. Lagid a misusurat, " On s'ka na mailay a mapiya so mga katharoo ka ago mas kapangunotan uto amay ka kukum'n kad'n. ⁵ Uway na ibarat o so marata a galb'k tano na aya pkhailay o Diyos sa kab'nar, na antunaa e ptharoon tano? Makab'b'nar ba so Diyos o phakapasangan tano niyan sabap ko rarangit, makab'b'nar ba s'kaniyan? Diyako di tharo sabap ko Kab'nar o mga taw. ⁶ Did'n aya khawlaula! Upama ko lagid uto, antunaa mangaday e kukum'n o Diyos so maging'd? ⁷ Ugaid na ibarat o aya b'nar na so Diyos na sabap ko kapam'rak ak'n na phakab'gay uto r'kiyan sa babaya, inu ako p'n kukum'n a mala e kadusaan? ⁸ Ino iran bad'n di ph'tharoon, lagid o di panaroon o p'd a k'naba mga b'nar a di ami kon di panaroon , ago lagid o dipam'nar'n o mga p'd a di ami di tharoon, " Mangumbaal tano sa marata, on makawma so kamapiyaan? "So kukuman kiran na khap'phiya phiyaan. ⁹ Inuuto mangaday? Maptharu tano e mga mapiya tano e adat? K'naba sa langon a ukit-ukit. Ugaid na kiyas'ditan tano so mga Judio ago Griyego, siran langon, s'kiran e poonan ko mga marata a galb'k. ¹⁰ Giyaya na lagid o misusurat:" Daa maka tititho, da apiya isa. ¹¹ Daa makasasabot. Daa dinggiloba ko Diyos. Siran langon na miyamangawa. ¹² Siran langon na daa mga pakaid iyan. Daa diing galb'k sa mapiya, da, da apiya isa. ¹³ So mga bak'r'ngan iran na lagid bo a kauukaan a l'b'ngan. So mga dila iran ad'n a kamam'rak on. So bisa o mga nipay na sii ko mga mudol iran. ¹⁴ So mga ngari iran na map'p'no a sinta ago mga marata a katharu. ¹⁵ So mga ae iran na mga matar'm on makatayak sa rugo. ¹⁶ So kiyag'ba ago Kiyarasay na giyuto e sii ko kuris iran. ¹⁷ Giya mga taw aya na daa mga katawan iyan sa kapiyaan o darpa. ¹⁸ Daa kapkhal'k o mga mata iran sii ko Diyos." ¹⁹ Imanto na khatukawan tano apiya antunaa e dii taroon sa batas, giyaya na ditharoon o mga taw a kumakap't sii ko batas. On makawpha tharu so umaniisa ago on langon a sii ko dindidilib'ta na ad'n a panagutan iran ko Diyos. ²⁰ Giyaya na sabap ko kapakailaya niyan ko batas na daa pakaid iyan. Ugaid na sabap sa kasuguan aya na miyakawma so galb'kan a marata. ²¹ Ugaid imanto, na mingi pasabot d'n a so kab'nar o Diyos na k'naba sabap ko kasuguuan. ²² Giyaya na kiyasaksiyan o kasuguuan ago ko mga propeta, giyaya na, so kab'nar o Diyos na sabap sa paratiyaya ki Jesu-Cristo para ko langon o diyon di mangimb'nar. Kagiya daa k'naba p'sunod. ²³ Ugaid so langon na miyakandusa ago da miraot ko kapiyaan o Diyos. ²⁴ Siran na miyangaada so kadusaan iran sa daa bayad iyan sabap ko rizki a phoon ki Cristo Jesus. ²⁵ Uway na miniphasad d'n o Diyos a si Cristo na s'kiyan so tagasuyo sii ko kaparatiyaya ko rugo iyan. Inib'gay niyan si Cristo, para ko kab'naran niyan, sabap ko da niyan kapansin ko mga miyawri a kasalanan niyan ²⁶ ko kat'gas iyan. Miyanggulawla aya langon para ko khaphakiilay niyan ko mga kab'naran sa alongan aya. Giyaya na para mipakiilay niyan a s'kiyan e makab'b'nar ago para mipakiilay niyan a pagadaan niyan sa sala so langon sabap sii ko kaparatiyaya ki Jesus. ²⁷ Upama na, anda e dingka di mipmamas'la? Giyaya na mingiblag d'n! Sa antunaa ukit-ukit? Ko mga galb'k? K'naba, ka sabap ko paratiyaya. ²⁸ Na maptharu tano a so taw na kada so kadusaan iyan sabap sa paratiyaya a daon so galb'k o kasuguan. ²⁹ So Diyos ba na Diyos bo o mga Judio? Di baa Diyos bon s'kiyan a mga Gentil? Uway, apiya so mga Gentil. ³⁰ O kalagid uto baa, na so Diyos na iisa bo, pagadaan iyan sa bisa so kathuri sabap sa paratiyaya ago k'naba so kathuri na sii sabap ko paratiyaya. ³¹ Phagadaan tano ba sa bisa so kasuguuan sabap ko paratiyaya? Di sana uto mawlawla! Ugaid, na mas miyapakabag'r tano p'n so mga kasuguan.