¹ Kagiya daa kip'ndalindalin ka, s'ka a taw, s'ka a pangukum, ugaid na antunaa e kukuman ka sa p'd, na gyuto bon e kukuman ka sa ginawang ka. Uga'd na s'ka a pangukom na dibon dinggalb'k sa lagid uto a galb'k. ² Uway na, katawan tano a so kapangukom o Diyos na phuon ko kab'nar, uphoon giyaya na p'mbaba ko mga lagid uto a galb'k . ³ Uway na pikirang ka aya, s'ka a taw, s'ka a pangukum a dinggalb'k sa mga lagid uto a galb'kan, apiya dingka dimanggalb'k so lagid uto a galb'kan. Pakapalagoy ka mangaday sa hukuman o Diyos? ⁴ O ip'tago kabo sa alanganin so kakawasaan o kamapiyaan niyan, so mga kiyalipatan a siksa iyan, ago so kasabar iyan? Bang ka di katawan a so kamapiyaan niyan na gyuto e pagawid r'ka ko kas'ndit? ⁵ Uway na miyakapoon sii ko kawlad a kat'gas ka ago sii ko puso o ka a daa kas'ndit ron na dika di panimo sa rarangit sii ko puso o ka na so gawii a kapkararangiting ka na, giyuto so, gawii a iplantad sa mapiya so kaphangukom o Diyos. ⁶ Phamgay s'kiyan ko umaniisa sii ko mga taw phoon ko mga pinggalb'k iyan: ⁷ sii ko mga istidi a dinggalb'k sa mga mapiya a galb'k a dii m'nanayaw sa balas, ago balas a dikabinasa, b'gan niyan sa niyawa sa datamanan niyan. ⁸ Uway na para ko mga taw a aya niyan bo mapipikir a ginawa niyan, so taw a di muunot ko kabnar ugaid na pagunotan niyan so karataan, na makawma bo r'kiyan so mala a rarangit. ⁹ Pagawid so Diyos sa tiyuba ago karasayan ko langon a malaikat ko mga taw a dinggalb'k sa mga marata a galb'k, ika isa na so mga Judio ago lagid iyan bon a Griyego. ¹⁰ Uway na so balas, ago kamapiyaan e pakawma sii ko mga taw a dinggalb'k sa mapiya, aya kawna na so mga Judio lagid iyan bon sii ko mga Griyego. ¹¹ Ugaid na daa tatampilan o Diyos. ¹² Uway na so langon a minggalb'k sa daon so ko kasuguan na patay bon sa daa kasuguan iyan, ago ko langon a minggalb'k sa dodon ron so kasuguan na khakukum bon sa adn a kasuguan iyan. ¹³ Ugaid na k'naba so mga dimakikin'g ko ipsugo na ba aya mapiya ko kasanguran o Diyos, ka so mga dimangumbaal sa kasuguan e kadaan sa dusa. ¹⁴ Ugaid na upama ka so mga Gentil na daa kasuguan na aya piur a dinggalb'k ko mga kasuguan, skiran, na kasuguan ko mga ginawa iran, apiya da r'kiran so kasuguan. ¹⁵ Sabap sii na, pakiilay iran a so mga galb'k a pangniin o kasuguan na misusurat sii ko mga puso iran. Ph'phangimb'naran bon ay o mga konsensiya iran, ago ph'tabangan bon siran o mga pamikiran iran ago mga ginawa iran ¹⁶ ago apiya sii ko Diyos. Kanggulawla aya sii ko gawii a khukum'n o Diyos so mga itatapok o langon a taw, phoon sii ko ebanghelyo ak'n, sabap ki Jesu-Cristo. ¹⁷ Ipangimbaratan ta a ptawag'n kaa Judio so ginawang ka, a dimangimb'nar sa kasuguan, p'khababaya ad'n ron so kapangimporoan sii ko Diyos, ¹⁸ katukawan a so ginawa niyan ago ph'th'p'ngan s'kiyan o mga galb'k a k'na ron maayon ugaid na piyamanduang ka o kasuguan. ¹⁹ Ago ipangimabaratan ta a s'ka a matatangk'd na s'ka mismo so ukit sii ko mga bota, isa ka ko mga sindaw sii ko malibot'ng, ²⁰ dii mamado sa daa mga katawan niyan, guro o mga wata, ago ko kasuguan a mala kawn e sabot sii ko mga kab'naran. ²¹ Ska, upama na, dika dimamando sa p'd, na dingka bon di pamanduon a ginawang ka? Ska a di mamando sa marata so kapan'khaw, na paman'khaw ka bon? ²² Ska a di tharu sa marata so kapangabit apiya adn a karomang ka, na mangaday psuwaan kabon uto? Ska a pkararangitan iyan so diyus-diyosan, na piyaman'khawan ka bon a templo? ²³ Ska a tanto a p'khababaya ka ad'n a mip mapuroo ka ko kasuguan, inuuto dingka di pakakhayaan so Diyos ibaratan niyan na so dingka kapsunod ko mga kasuguan niyan? ²⁴ Ugaid "so ngaran o Diyos na di maka khaya ko mga Gentil sabap r'ka," lagid o misusurat. ²⁵ Uway na b'nar a ph'nggamit'n ka so kap'thuri o p'sunod'n ka so kasuguan, ugaid na o s'ka so pakabinasa ko kasuguan, na so kap'thuri ka na di kawmbal a kathuri. ²⁶ O p'sunod so mga taw a damathuri ko mga phangniin o kasuguan, di ba khatharu a kathuri so daniyan kathuri? ²⁷ Ago dika ba khakukum a k'naba ka miyathuri o tupad'n niyan so kasuguan? Ugaid na sii r'ka so mga surat a misusurat ago so kathuri ugaid na pakabinasa ko mga kasuguan. ²⁸ Ugaid na k'naba s'kaniyan Judio, s'kiyan na sa liyo bo mismo; k'na ba so kap'thuri na sii bo sa liyo o tago iyan. ²⁹ Uway na s'kiyan na Judio, s'kiyan na isa ko mga Judio a sii bo ko lusod a ginawa niyan, ago so kap'thuri na sii ko puso, ko mga malaikat ago k'naba ko surat. So lagid uto a mga balas na k'naba phoon ko mga taw ka sii ko Diyos.