¹ Vuno cakele ngacije hali tangua lia Sapalalo uahitile mulihia, vandongethi vendi vapalalele mitue ya mbuto, va thsenene valile. ² Vuno va Faliseu va kuanyene nguavo, 'mukonda vika mulinga viumaa vije kuvatavethela kupanga mulitangua lia Sapalalo. ³ Ua va kumbuluile, Jesu nguendi, 'komuatandele Ndaviti via pangele muakele na njala, endi na vamala vakele navo. ⁴ Ua yile munjivo ya Kalunga vatambuile mbolo ya kelemo ua lile vihupo vimo, vimo ua hanene kuli vaje vamala vakele nendi valile, nambe ngoco yakele yakutavethela lika Sasendote alie. ⁵ Mukemo uavatetela, muna muntu ikeye muene ua Sapalalo ⁶ Mucapuile halitangua lia Sapalalo ua ile musinangonga ua ka longethele vantu. Muakele mumala umo livoko liendi lia cilio lia leuama. ⁷ Vaka kuli longetha na vaFaliseo vakele muhiehi vamutalele linga vamone nga akanguitha umo hali tanguua lia Sapalalo linga vauaneneho kashuilo kaku muvangeya. ⁸ Vunoni ua muene vithinganyeka viavo ua handekele kuli mumala uje ua kele na vulema vua livoko lia cilio, 'katuka yimana kuno hakati ka nkala umo. Kunahu mumala uakatukile uemanene oho. ⁹ Yesu ua valekele nguendi, 'ndjimihula,' citava halitangua lia Sapalalo kulinga vucili ndi kulinga via kuviha kuohiela muono ndi ku uthimbaletha. ¹⁰ Kunahu uatalele mukati kavo voshe, ua lekele mumala olola livoko liove, ua lingilemo, nalivoko liendi lia kele ngue muliakele lazia. ¹¹ Mukemo vashulile na vukalu kunahu valihandekethele avo vavena vate muvalinga Yesu. ¹² Muvia kele mumatangua oo uayile kumukinya mukuvundila. Ua tualeleho matsiki oshe kulomba kuli Kalunga. ¹³ Mulia kile, ua thanene vandongesi vendi kuli yendi, ua hanguile likumi na vavali vavo, vatumbula vaPostolu. ¹⁴ Mandhina avo va Postolu akele (Simoni ya thanene Petulu) namukuenje uendi Anduleo, Tiango Yoano, Filipu, Batulumeu. ¹⁵ Mateo, Tomasa, Tiango muna Alufeu, Simoni yiva sanene Zilote. ¹⁶ Jundasa muna Tiango, na Jundasa Sakalioto uzie ua kele tjingungu. ¹⁷ Mukemo Yesu ua shulukile kumukinya navo kunahu uemanene kumuhela ua Kashalama na mbunga yakama yava ndongesi na nomola ya kama ya vantu vaku Yundea na Yelusalema na kushongo ya mema a Kalunga na kutile na Sindone. ¹⁸ Vethile mukumutolilila na kuva kanguitha mavedhi avo. Vantuvaje voya pakethele mpudhi ya kuviha navo. ¹⁹ Nkalukele umo mumbunga ue thekele kumuhuma muomu ndhili ya kukanguitha ya tundile muli ikeye mukemo ua vakanguithile voshe. ²⁰ Uatalele kuva ndongithi vendi ua handekele nguendi munavethika eni vihutu vumuene vua muilu ua Kalunga vuavo. ²¹ Munavedhika eni muli na njala mualolo, mukonda vakamikutitha. vanavethika vova kokota mishothi, kuli yeni mukajola jola. ²³ Munavedhika eni vantu vamidhinda yeni, muvakami shondoloka na kumituka na kumitanganetha mulithina liaku viha, mukonda lia lidhina lia muna muntu. ²² Joleleni litangua olio na kulithamba ca jola jola, mukonda muli na vucili muka lia fueto muilu, na vankaka yeni muvavapa ngethele vapolofeto mungila oyo vene. ²⁴ Vuno honi kuli yeni vimpite, eni mua uana laya vucili. ²⁵ Kuliyeni munekuta mualolo, kuli yeni muka thala na njala kunima. Kuliyeni muyolayola mualolo, mukalithetheta na kulila kunima. ²⁶ Ngongo yenu omo vantu vaka mishangala vuino, mukemo lalo muvalingile vashukulu yeni va polofeto va vishaki. ²⁷ Vunoni njimileka eni muli na kundjitolilila yongoleni vaka vidhindo vieni na kulinga vucili kuli vazie vamithinda. ²⁸ Shangaleni vazie vamithinga na kuvundila vazie vamilinga muakuviha. ²⁹ Uzie aku kapula kucivange, mutenguiluile lalo cikuavo. Nga umo akutambula nanga yove , keci umuvindike cikovelo cove naua. ³⁰ Hana nkala umo a kulomba, nga umo na tambula vimo viove, ngeci uka muihule linga akuhiluithilevio. ³¹ Ngue mu uyongola vantu vakulingile, linga mola nove kuli vakevo. ³² Nga muyongola vantu vazie vamiyongola, kashangala cika cili kuli jeni? Navaka vupi vajongola vazie vavajongola. ³³ Nga ulinga via cili kuli vazie vakulinga jove vucili, cishangalo muka kuli jove? Nga vavaka vupi valinga mo. ³⁴ Nga uhana vuima vazie vounathelela kukufueta vio, cishangala muka kuli jove? Navaka vupi vekuhana kuvaka vupi, vahiluitha muviapua vene. ³⁵ Jongola vakankole jove nakulinga vucili kulivakevo. Hana, vunoni keci uthinganjeke kukuhilutthiula na, na fueto jove jikapua ja kama, ukapua muna ua vakama, muomu ikeje alinga ngothi kuthangala navantu va vupi. ³⁶ Pua cikomouetho, ngue jisho ikeje cikomoketho. ³⁷ Keci upangule, nove uahi akupangula, keci ukahithe, nove uahi aka kuhitha. Echa vakueni, nove vakakuechela. ³⁸ Hana, nove vakakuhana, cetheko ca kukonkena cakunikumuna ca kushumpoka na kuvintanga. Nakuetheka cimuekuetheka na co vakueni, vakamietheka neni. ³⁹ Kunahu ua kuanjene navo muvithimo, kapuputha kuatha atuamenene kapuputha mukuavo? Nga mukemo, voshe vavali vauila mucina. ⁴⁰ Ndongithi kekutuvakana mulongithi uendi. Vunoni uoshe nga nalilongetha vuino akapua ngue mulongithi uendi. ⁴¹ Mukonda vika mumona kacishuashua kakandende kali halisho lia muanoko[mukueni]. Vunoni mukambo uli mulisho liove vavenja,. ⁴² Nambe vati uatha kuhandeka nguove , mukuendje uange. Mukuendje, njitave njikutundithe kacishuashua kali halisho liove, ove vavanga kouatha kumona mukambo uli mulisho liove vavenja? Ove cingungu! Tunditha mukambo uli mulisho liove vavenja, mba uatha kumona kacishuashua kali mulisho lia mukuendje uove. ⁴³ Mukonda citi cahi cacili cima vushuka vua kuvola. ⁴⁴ Nkala citi vacidhiva kuvushuka vuaco vo cilima, mukonda vantu kuatha kuachi kuciti camandja vaheleko vushuka, ndi kuciti ca vushuka kutunde cihumbu ca mandja. ⁴⁵ Mumala ua cili ue kutuhuitha via cili via vufuko viendi, na mumala ua kuviha ue kutuhuitha via kuviha via vufuko vuendi vua vupi. Muomu mumbunge kanua kendi kekuvikuanja. ⁴⁶ Vika muekundjithanena muene, muene, eni ko muekulinga vindjekumileka jange? ⁴⁷ Uoshe uekuizia kuli jange na kuvua mazui ange kumana aa linga, ndjimileka nalifu ngue ija . ⁴⁸ Nalifu na mumala muka kutunga ndjivo, ua hindile luvula lua kulova mulivu kumana uatunfile luvula lua ndjivo halivue lia kukola, moluethile luhandjo, muta ua mema ua hitile kundjivo, vunoni ndjivo koja linenengele, mukonda vajitngile vuino. ⁴⁹ Mukemo uzie ovuia lizui, keho kavipanga nalifu na mumala uzie ua tungile ndjivo helu lia livu luvula luahi. Muta uethile ua mema aa pupile kuje kundjivo, vuathivuathi jathiukile.