¹ Hakulivanga hakele lijui, lijui lia kele naKalunga, lijui likelyo Kalunga. ² Evi viakele viakuli vanga na Kalunga . ³ Vuoshe vavipangele kuhitila muli ikeye, muku yenekaho ikeye cahi cimo cilinge covapangele, kuato chimo ocho vapanga mukuyeneka ho ikeyo. ⁴ Muli ikeye muakele muono, na muono muakele Cheke cavantu. ⁵ Cheke chatatangekele mumuthithi na muthithi koua utambuile ⁶ Kuali lualo uatumine kutunda kuli Kalunga, lithina liendi ikeye Youano. ⁷ Uendthile mukukala mukaleho ua cheke,linga voshe vakave muli ikeye. ⁸ Youano keti ikeye cheke, vohoni vthile mukukala mukaleho ua Cheke. ⁹ Cheke chavu cili, acho chekuhana cheke kuvantu voshe, oua uethile hano hakeye. ¹⁰ Uakele hano ha liye, na liye vali pangele kuhitila muli ikeye, uahanene ua hanene mpoko mukukala vana va Kalunga. ¹¹ Ue thile kuvendi, vendi kuva mutambuile. ¹² Kuli yetu vavengi vana mutambula, avavetava muli thina liendi, uahanene mpoko muku pua vana va Kalunga. ¹³ Ava vayeneka kuthemena kumaninga nambe kuchithango cha nthitu, kechi kuchithango cha muntu, vuno kuchithango cha Kalunga. ¹⁴ Lijui lyatengulukile liapua nthitu yatungile netu. tuna mono vumpau vuendi, vumpau uouye lika umo lika tii na ikeye uye uatunda kuli Yishe, uashula ngothi na vucili. ¹⁵ Youano uekele mukaleho uendi uatambakanene, naku kuania, uno ikeye njamilekele, ouo akeja kunima yange uanji tuvakana yange. ua kele kulutue luange." ¹⁶ Mukupuithamo chendi tuna uana ngothi kungothi. ¹⁷ Thiveta vathi hanene Mosesa. Ngothi navu chili kuhitila muli Yesu Klistu. ¹⁸ Uahi umo uamona Kalunga Tata; kalunga kuvanga lika munendi umo lika uye uakala mumpati yayishe. Ikeye amuthivuka. ¹⁹ Vuno vukaleho via Youano hova mutumine va Yunda, Vasasendoti na Valevi kuli ikeye kutunda ku Yelusalema muku muihula. nguavo, " Yove iya?" ²⁰ Vali tavele kavianene uali tavelele nguendi-"Ange keti Kilistu." ²¹ Keho vamuihuile nguavo, "Yove iya nkuma? yove Elia ndi? ua kuaniene nguendi, " Keti yange." vakuaniene nguavo," Yove Kapolofeto? uava kumbulula nguendi, " Keti yange". ²² Keho vakuaniene nendi, "Yove iya, linga tutaveko kuli ava vana tutumu? Vika ukuaniako hakanda kove va venya? ²³ " Uakuaniene nguendi, " Ange lijui, lilila mumuthenge. panga ngila ya Kalunga Tata yishungame ngue va Polofeto vava Isilayeli vahandekele." ²⁴ Umo uava Faliseyi uova tumine, ²⁵ Vamuihile na kukuania kuliendi, "Yiya ambuitika ambe kati yove Kilistu na Eliya nakaPolofeto?" ²⁶ Youano ua vakumbu luile, na kukuanie nguendi nja mbuitikile na mema. Mukati keni mune mana umo uye kumuthivuka. ²⁷ Ikeye akenja kunima yange, ange konja vuahele kutala miva yamu vinkanku vuendi. " ²⁸ Ovuo vimantu vavi pangelele mu Mbetelema Musinia lia Yorondau, omo mua mbuitikile Youano vantu. ²⁹ Litangua liaku shuamako Youano uamuene Yesu uandthile kuli ikeye na kukuania, " taleni ou ikeye muna injui ua Kalunga Tata ou atambula vupi vuamu liye. ³⁰ Ou ikeye njami lekele uakele, ou akenja kunima yange uanja tuvakama, ikeyo uakele kulutue luange. ³¹ Konja muthi vukile vunoni vua Kalunga aka lijombolola ku Isaleli nguove njikenja na kukumbuitika mu mema. ³² Youano mukaleho ua kuaniene, njinamono Sipiritu yishulako ngue nkuti atunda muilu, yisulukila hali ikeye. ³³ Konja muthivukile, ikeye uanji tumine nja kumbuitike mu mema ua njilekele hali uyemukamona Spiritu yisulukakaleni muli ikeye oua ikeye ambuitika mu Spiritu yakuyela. ³⁴ Njili na voshe njina mono na mukaleho nguange ou ikeye muna Kalunga Tata, ³⁵ Nolo litangua liaku shuamako, Youano uemanene na vandonge vendi vavali. ³⁶ Vamuene Yesu uendele Youano ua handekele nguendi, Taleni muna injui ua kalunga tata. ³⁷ Vandonge vendi vavali vamu vuile mua kuaniene keho vashuamene Yesu. ³⁸ Keho Yesu uatengulukile ua vamuene vova mushuama uavalekele nguendi. "Vika mutonda?" vatavako, "Rabbi "(yilombonoka Mulongishi") Kuiko ua kala?" ³⁹ Uava lekele nguendi injeni mutale." keho venthile vakutale oko uakala; hakeho vakele nendi litangua oluo, yakele ola yamu likumi. ⁴⁰ Umo uava vavali uovuile Youano ahandeka, Keho vamu vamushuama Yesu uakele Andeleo, munaina ya Simon Petulu. ⁴¹ Hakulivanga uauanene mukuluntu uendi vavenia Simon na kukuanya nendi, "Tuna uana Messia" (Kulomboloka nguavo Kilistu) ⁴² Uamunehele kuli Yesu, na Yesu uamutalele na kumulekanguendi, "Yove Simon muna Yoano. Vakamuthana Kayafase" (Kulomboloka Petulu). ⁴³ LItangua lia kushuamako, Yesu ua yonguele kuya Kungalileya, Ua uanene Filipu na kumuleka, njishuame, ⁴⁴ Ngechi Filipu uakele muMbetelema, limbo liakama lia Anduleo na Petulu. ⁴⁵ Filipu ua uanene Nataneyele ua mulekele, "uno iikeye ua thonene Mosesa mumashiko, na muvaPolofeto, tuna mu uana: Yesu muna Yosefe, uaku Nazareta." ⁴⁶ Natanele uakuaniene kuli ikeye, "Koveli vuavi ngulu vitunda mu Nazareta? Filipu uamulekele nguendi, "inja utale." ⁴⁷ Yesu uamuene Natanele youenja kuli ikeye naku kuanie vuaku tiamena kulli ikeye, Taleni ka Isirayeli uavu chili, muli ikeye vuahi mulonga." ⁴⁸ Natanele ua kuaniene nendi." vati unjithivuka?" Yesu ua mukumbuilile na kumuleka ,"kulutue Filipu akuthane, hou natumamene muithi lia chiti chamukuyu, njina ku mono laya." ⁴⁹ Natanele ua kumbuluile, "Mulongithi, yove muna Kalunga Tata! yove muene uava Isirayeli." ⁵⁰ Yesu uama kumbuluile na kumuleka, mukonda njina kuleke, "njina kumono muithi lia mukuyu; vikevio una vitavela? ukamona via kama kuhitakana hano." ⁵¹ Keho ua kuaniene nguendi, " vuchili, vuchili, njikuleka, ukamona lilu lina shokoloka, na tungelo va Kalunga Tata vashuluka valonda hali Muna Muntu."