¹ Kunima ya matangua atatu, kuakele vulo mu Kana ka ngalileya, nava yina ya Yesu navo hovake. ² Yesu navandongithi vendi vavatha nene kuvulo. ³ Moviahuile vinui, vaiana ya Yesu va kuaniene nendi. "vantu kovethi na viniu." ⁴ Yesu uakuaniene nava, "mukentu, vika unedhila kuli yange? nthimbu yange koya hetele." ⁵ Vayina vahandekele na vangamba," nkala vioshe via handeka neni, vipangeni." ⁶ ngocho kuakele dhindeho dha vuma mutanu naimo dhamema dhiova pangethele kucilika cava yundeya cakulivuahetha, muimo yakele navingoleta vitunda kuvivali naku vitatu. ⁷ Yesu ua kuaniene navo, "Shulithileni vindeho na mema. "keho vavi shulithile helu-helu. ⁸ Keho ua lekele vangamba vendi, "tunditheniho vimo muvituale kumukuluntu ua vakakua vela." mukemo vavi pangele. ⁹ Mukuluntu ua vakakuavela ua makelele mema aje alimpuile viniu, vuno kadhivukile kovia tundilile ( vuno vangamba vatekuile mema vavi thivukile). mukemo muva thanene ndungi ua liala. ¹⁰ Na kukuania nendi, " hambangelo mumala uoshe uekutekula vinui vuacili amba honi via vishamu omo vana kolua. Keho honi muna shueke viniu viacili nakunthimbu ino. ¹¹ Eci cikeco cileketho cakulivanga ca lekethele Yesu mu kana ka Ngalileya na kulekeletha vumpahu vuendi, nava Ndongithi vendi vamu thsilielele. ¹² Kunima yevi Yesu, navayina, navamunaina vava mala navandongisi vendi vayile kukapenama keho vakakeleko matangua amandende. ¹³ Omo Pasovala yava Yundeya yakele hamu hiehi, Yesu ua ile noho ku Yelusalema. ¹⁴ Ua uanene vaka kulandetha vingombe na vinjui natutele mutembele, navaka kulandakana vimbongo vatuma mene. ¹⁵ Keho ua pangele ngola ya mikole, keho , ua tuhuile voshe mutembele, kuhakako vinjui na vingombe. uasha nduele vimbongo via vikungu via vakua kula ndakano kunahu ua fulumukile vi mesa viavo. ¹⁶ Kuvaka vaka kulandetha tutele ua kuaniene navo nguendi, "Tambulenimo vilenge muno likeleni kuhaka njivo yaTata venda. ¹⁷ Keho vandongisi vendi vavulukile nguavo via vithona, "kuthangamena njivo yove kunji lia yange." ¹⁸ Keho vaka kutuamenena vava Yundeya vataveleko na kukuania kuli ikeye nguavo, " kunahu cileketho cika utulekeha, ngue mu upanga vilinge evi? ¹⁹ Yesu ua taveleko, "vihitheni yino tembele, keho mu matangua atatu njikayi tunga lalo." ²⁰ Keho va Yundeya vakakutuamena vava Yundeya nguavo "Tembele eyi vayi tungile makumi auana a miaka na miaka hanu na umo, keho nguove ukayitunga mu matangua atatu?" ²¹ Nkumani ikeye ua kuaniene via kutembele ya muvila uendi. ²² Kutunda hovamu hinduile kuvathsi, uavi handekele evi, keho mathona na vihandeka via kuaniene Yesu. ²³ Keho muakele mu Yelusalema ha cilika ca Pasovala, vavengi vatavele muli dhina muva muene vimutho via pangele. ²⁴ Vuno honi Yesu kava thselelele mukonda ua vathivukile voshe, ²⁵ Mukonda ka yonguele umo amuleke vukaleho vua muntu, ikeye athivukavika via kala mumuntu.