¹ Kunima omuo vuoshe evi via hitile, Mosesa na Alone va Ile kuli Falao vaka handeka nguavo, " Evi vi kevio via na handeka Kalunga ua Isaleli, Nguendi; Ecela vantu vange va ye, linga vaka pange cipito cange mu kati kamuthenge,'''' ² Falao nguendi," Iya Kalunga? Mukonda lia vika nji tolilila lijui liendi linga nje cele vana va Isaleli vaye? Kunji muizhiva Kalunga; Kuvuezhako na, Kunje cela vana va Isaleli linga vaye." ³ Vamu leka nguavo," kalunga uava Hevelu nali uana netu. Tu tavethela tuye vungenzhi vua matangua atatu mumuthenge etu na tuka hane vizhambo vietu kuli Kalunga Tata kuteuethela keci atui zhile nama vezhi nambe na muele," ⁴ Vuno honi muene ua Ingito ua handekele navo, "Mosesa na alone, Vika muna tundithila vantu kuvi panga via vo? Hilukeni kuvi panga vieni." ⁵ Ua handekele na, "Tuli honi na vantu va vengi muimbo lietu, Eni co na muva lingitha vali kele kupanga vipanga viavo." ⁶ Litangua olio vene, Falao ua hanene lishiko kuli vaka kuva pangetha na kuli vami shapayi vendi, Uava lekele, " ⁷ Keci ngue matangua aku nima, kutunda aha keci muhane ava vantu muila linga va pange vindopi ve celeni vaka nehe muila avo vavenia. ⁸ Nambe ngoco, Valekeni va pange vindopi via vingi ngue vene muzhe muva na kapanga kunima. Keci muka tave vindopi via vi ndende, Mukonda lia vulenda vuavo. Vikevio viva natu thanena amba vatuleke nguavo," Tutavetheleni tuye linga tuka hane kuzhamba kuetu kuli Kalunga uetu. ⁹ Vuezheleleni vipanga via vingi kuva mala linga vavi pange avo na vazheneke kutolilila kuvi handeka via vishaki. ¹⁰ Vaka kuva pangetha nava mishipayi va tuhukile linga vaka leke vantu. Vaka handekele nguavo," Evi vikevio viana handeka muene Falao; Kunji ka mihana na muila. ¹¹ Eni vavenia muya muka shake muila kuoshe kumu ka u Uanena, Vuno honi vipanga vieni ni kutepuluka kuahi. ¹² Hakeho honi vantu vali shandangunene muaya Ingito linga vaka kunguiye vitungu via muila. ¹³ Vaka kuva pangetha avo vana kuva thindueya, " Maneni vipanga vieni, ngue Muzhe mutu naku mihana-hana yetu muila." Vaka kuva pangetha vazhe vantu va Falao va pupile mishipayi va vana va Isaleli, vazhe vene va mala vava hakele muku talela vaka kupanga. ¹⁴ Vaka kuva pangetha vana kuvehula nthimbu yoshe," Mukonda vika kumuo pangelele vindopi vitua mitumbuila, Nambe Izhau na lelo, ngie muzhe mumu na kuvi panga matangua aku nima?" ¹⁵ Mishipayi ua vana Isaleli va ile kuli Falao vaka mulilila. Nguavo," Vika utu pakethela mungila eyi?" ¹⁶ Muila uahi vekutu hana na, Vuno honi kanda vatu leke tu pupa, Vuno honi vitango vaco co via vantu vove, " ¹⁷ Vuno honi Falao nguendi," Eni muvi lendo; Muvi lendo ngueni," Tu tave tuka hane kuzhamba kuetu kuli Kalunga Tata. ¹⁸ Hano honi hilukeni kuvi panga vieni muila uahi na vaka mi hana, vuno honi eni ni kapangeni vindopi via vingi ngue muzhe muva na kalinga muila uaku mi nehela. ¹⁹ Va Mishipayi va vana va Isaleli va Muene nguavo vali muvi tanga muva ua lekele," keti muka Tepulululeko ku vuingi vua vindopi viva kapanga. " ²⁰ Va ile kuli Mosesa na Alone, Vazhe vema nene hanja lia mbala ya Muene, Muva tundile kuli Falao. ²¹ Va handekele na Mosesa na Alone," Kalunga Tata ami tale anku mi hana kashitiko, mukonda muna tu nehela mulonga kumesho a Falao nava kuluntu va vipanga vendi. Muna va haka muele muli voko liavo linga vatu nthsihie. ²² Mosesa ua hilukile kuli Kalunga tata uaka handeka nguendi," kalunga Tata, Vika muna nehela vitanga ku vantu ava? Vika mua njitumina ha kuli vanga? ²³ Nthimbu njezhila kuli Falao nja ku handeke nendi muli zhina lieni, ua neha vitanga kuli vantu ava, Amba kumuo hielele vantu ava muku vatunditha kutu yando etu.!