¹ Mosesa ua tavele ko, " Vuno honi vati co nga kuva tava ndi kuva ka nji tolilila amba n avaka handeke nguavo, "Kalunga tata kaku kezhile ki kuli yove? " ² Kalunga tata ua handekele nendi, " Vika ovio vili muli voko liove? " Mosesa ua handekele nguendi," Mpango!" ³ Kalunga Tata uamu leka nguendi," Umbila hanthi," Mosesa ua mbila hanthi valihimpula linoka. Mosesa ua teua ua hiluka munima. ⁴ Kalunga Tata ua lekele Mosesa," Olola livoko liove linga uli kuate kumu kila," Hakeho holuele livoko liendi akuate olio linoka. Linoka lia li himpuka mpango yamu livoko liendi na," ⁵ Evi kulingitha linga va tave nguavo Kalunga Tata, Kalunga uava kuku yavo, Avilahama, Isaka, na Yakomba nezhile kuliyove. ⁶ Kalunga Tata ua handekele nendi na, Haka livoko liove mu nkondondo yove. Mua tundithile livoko liendi mu nkondondo yendi, Taleni, livoko liendi lia kele na mbumba, lia tokolokele ngue lia kele mulito. ⁷ Kalunga Tata uamu lekele," Haka livoko liove mu nkondondo na," Keho Mosesa ua haka livoko liendi munkondondo yendi, muali tundithile mo, Uali muene lina kanguka lina lifu na livoko likua vo. ⁸ Kalunga Tata ua handekele nendi, "Nga kuva kuku tavele nga kuva kaku tolililile kucimuetho ca kuli vanga ca ndhzili yange nambe kuci thsiliela, Keho vaka tavacimuetho camu civali. ⁹ Nga kuva tavele vimuetho evi vivali via ndhzili yange , Nambe naku ku tolilila kuahi, Keho katambule mema mundonga linga uka a shuuile halivu lia kuma. Mema a u katambula aka lithindumuka maninga hakivu olio vene lia kuma." ¹⁰ Mukemuo Mosesa ua handekele na Kalunga Tata," Kalunga Tata, Kunja kele nalizhi lia cili lia kuhandeka nambe ku nthimbu yaku nima nambe kunda nthimbu yimua handeka nange, Ange nja kala naci kukuma na ndaka yange yalema," ¹¹ Kalunga Tata ua handekele nendi ," Iya ua panga tunua tua vantu voshe? Iya ueku holuetha kanua ka muntu ndi kumu puitha kathinda matui nambe amone ndi apue muntu ua kuthsa mesho? Nkuma keci yange Kalunga Tata? ¹² Hano honi youye, nange njika kala mumo na kanua liove njika kulongetha viu ka handeka." ¹³ Vuno honi Mosesa ua handekele, " Kalunga Tata, njina milombo tumeni muntu ueka, nkala uoshe umu na hangula kutuma." ¹⁴ Hakeho Kalunga Tata ua nyenguele Mosesa. Ua handekele." Vati co Alone, Mukuluntu uove, vaka Levi? Njimuzhivuka ueku handeka mua cili. Muku vuezha kuli ovio, mungila ali ezha kuli yove, maba na muaka ku mona, Oka vuahelela mumbunge yendi. ¹⁵ Uka handeka nendi keho uka muleka via ka handeka. Njika kala mumo na tunua tueni, Keho na njika mileketha muva voshe vimu kapanga. ¹⁶ Aka handeka na vantu muku ku kuatela mo yove. Aka kala kanua kove, Keho uka pua kuli yendi ngue yange, kalunga Tata. ¹⁷ Uka mbata muli voko liove mpango eyi, na mpangoeyi, Uka panga vi muetho." ¹⁸ Mukemo Mosesa ua hilukile kuli tolomueno yendi Yetolo uaku muleka nguendi," Njecele nji hiluke kuli vavu shoko vange mu Ingito linga njika va mone nga kanda vali na miono yavo," Yetolo ua handekele na Mosesa," kaye na mbunge ya cili. " ¹⁹ Kalunga Tata ua lekele Mosesa mu Mindiane, " Kaye, hiluka ku Ingito, Mukonda vamala voshe va vazhe va yonguele kuku thsihia va thsa." ²⁰ Mosesa ua tambuile mukentu uendi na vana vendi uava haka ha cindongi. Ua hilukile ku Ingito, Keho va hituile mpango ua Kalunga Tata muli voko liendi. ²¹ Kalunga tata ua lekele Mosesa, " Omuo mu hiluka ku Ingito, mona nguove uka panga vikomo ketha vioshe vinja hana mu nzhili yove. ²² Vuno honi njika koletha mbunge yendi, Keho ka kecela vantu linga vaka ye. Uka leka Falao, "Evi vikevio via na handeka Kalunga tata; Isaleli munange vamu mala, munange ua kuli vanga, ²³ Keho njikakuleka, " Ecela munange uamu mala aye, linga aka nji pangele," Vuno honi Omuo muna viana ku muecela, Mavu cili njika thsihia munove uamu mala, ua kuli vanga."' ²⁴ Hano honi mungila yavo, Hava hetele hanthimbu vakuhuimitha ko mathsiki, Satana uali uanene na Mosesa Keho ua yonguele kumu thsihia. ²⁵ Hakeho Zipola ua nonene mpoko keho ua lovola munendi uamu mala, Amba na ua Kuatha cikanda coco ua ci haka kuvi liatelo viendi. Keho ua ahandekele, Cili-Cili unapu mumala uange mumaninaga," ²⁶ Hakeho Satana ha mue celele, Ua handekele," Umu mala uange muma ninga " Mukonda lia kulovoka. ²⁷ Kalunga Tata ua lekele Alone," Kaye mumu thenge uka li uanae na Mosesa." Alone ua yile, Uaka mu uanene kundundu ya Klunga Tata, Keho vaka muthsemba. ²⁸ Mosesa ua lekele Alone vioshe via u lekele kalunga Tata via mu tumine linga aka vi handeke havi muetho via nzdhili ya Kalunga Tata via mu tumine aka vipange. ²⁹ Hakeho Mosesa na Alone vayile, Keho vaka thana mbunga vava kuluntu va vana va Isaleli. ³⁰ Alone ua handeka vihandeka vioshe via handeke Kalunga Tata mu mesho ava vantu. ³¹ Vantu va tavele via va lekele. Omuo mu vovuile nguavi Kalunga Tata na mono vana va Isaleli Keho na mono na tuyando tuavo, Va thsikamene va kulumana keho vamu lemesa.