¹ Keho Mosesa na vantu va Isaeleli va himbile lithino kuli Yehova. Vahimbile, '' njihimbila Yehova yakeye uatuva kana ku yela; keho kakambe nauye ua londele ho vavombilile mumema a Kalunga. ² Yehova ndthili yange nalithina, yakeye vuo vuoke vuange. Ou yakeye Kalunga keho ange njimu shangala yakeye, Tate Kalunga naku mushangala yakeye. ³ Yehova nanjiluilako ndzita; Yehova lizina liendi. ⁴ Yakeye uombilile Falao, matemba na masualale vendi mu mema a Kalunga. Lisualale lia Falao uakuhangula ua lovele mumema aka Kalunga aku venga. ⁵ Keho vindzinga via va fuika, vathivi lila kunthi ngue livue. ⁶ Livoko liove lia chilio, Yehova, lia vuaha lia ndzili livoko liove lia chilio, Yehova, ashandola vaka vindzindo. ⁷ Muvukama vuove u uitha vaye vana ku katu kila yove. ⁸ Haku hemba mumanjulu ove mema ali lundikile ma nkimba a mema ngue mutumbo; vindundu via kondelele ha kati ka mema a Kalunga. ⁹ Vakua vithindo nguavo, njika shikulako njika kuata njika tepetha viye vino vilio, vithingo viange vika kuta hali liavo; njika shomona muele uange; livoko liange lika venieka. ¹⁰ Vuno yove ua futhilile mpuzi yove, na mema a Kalunga ava fuikile, valovele ngue chumbaa mu mem athe a kama. ¹¹ Uye ualifua nove, Yehova, mukati katu lunga? uye ualifua nove, vukama vuaku yeleu kushangala na ku kule metha, kupanga vikomo uetho? ¹² Uoluele livoko liove lia chilio, keho livu liava minine. Mungothi yove ua tuamena vantu vaye vu uo vuele. ¹³ Mundzili yove uava tuamenene kumuhela uaku yela kuye ku ua kala yove. ¹⁴ Keho vantu vo vua, keho va ja ja, mishongo yino kuata va ndambo vaku Filistiya. ¹⁵ Keho muene uaku Endome ua kele na liova; keho vakua ndthita Moave va jajele; va ndambo voshe vamu kanana vaka thothonoka. ¹⁶ vuangathithi na liova via va uililile. Muomu ndthili yali voko liove lia ndthili, vanaholoka ngue livue noho vantu vove vana hiti, Yehova- noho una mane kupopela vantu vove. ¹⁷ Keho uka vaneha naku va tula ku ndundu yavu suana vuove, muhela, Yehova vaye vo unalingi va tungemo, njivo yaku yela, shukulu Kalunga livoko liove lina yitungu. ¹⁸ Yehova a ka shuana ku miaka na miaka kuhua kuahi.'' ¹⁹ Vuno tukambe tua Falao na matemba hamo na va katu kambe vakovelele mumema a Kalunga. Yehova munima ua nehele mema a Kalunga kuli vakevo. Vuno vaIsaleli vendelele mu cifuti cha kuma mukati kati kandonga Kalunga. ²⁰ Miliame ka profeto, mukulunu ua Alone ua mu kentu, ua nonene kangona, naua kenu voshe vayile natu ngoma, nakukina hamo nendi. ²¹ Miliame ua vembilile: Embila Yehova, muomu vumpahu vuendi ua kama-nava ye va londele hatu kambe ua va mbilile muKalunga ndonga.'' ²² Keho Mosesa ua tuamenene Isaleli kuya kulutue ku tunda ku Kalunga ndonga ya kuvenga. Keho va tulukile muvindinda via sule. Vendele matangua atatu muvindinda na mema ahi. ²³ Hakeho va hetele ku mala, vuno ko va naine mema kuye momo ashashele. hakeho va thanene muhela uye mala. ²⁴ Hakeho vantu vatato kelele Mosesa nguavo, vika tunua? ²⁵ Mosesa ua lilile kuli Yehova, Mukemo Yehova ua lekele thele chiti. Mosesa ua chumbilile mu mema, na mema atovalele kuanua. Okuye vene Yehova uava hanene mashiko, oko vene ua vethekelele. ²⁶ Ua kuaniene nguendi, nga muli vandeka kutolila kulinjui lia Yehova Kalunga keni, mupange vi kushungama kumesho endi, nga muhana matui kumashiko na kuvi veta viendi vioshe- konji kamihana vuvethi vujikahana vakua Ingito, Ha keho ange Yehova uye uaku kanguitha. ²⁷ Keho vantu vendthile ku Elime, kuye kuakele mathima likumi na a vali amema na viti vitanu navi vali via tunkoma. Hakeho vatulile kuye ku mema.