¹ Mukemo Yehova Uahandekele na Mosesa, nguendi, '' ² leketha vana va Isaseli ngoco valithenge nakuka uimina kulutue lua Pi-hahilote, hakati Mingondole nandonga ya Kalunga, kulutue lua Mbale-zetone. Mukauimina kundonga-ndoga ya Kalunga musinya lije lia Pi-hahilote. ³ Falao a ka handeka kuli vana va Isaleli,'' vali nakuyevela mucifuti. Zindinda zinava shakela kuli vakeuo. ⁴ Mukemuo njikavavalethe mbunge ya Falao, mukemuo a kava shuama. Keho njika leketha ndzili yange mukonda lia Falao namasualale vendi oshe. Keho vakua Ingito vakazivuka nguavo yange Yehova.'' Ngoceo va Isaleli vahuimitshile ngue muje muava lekethele. ⁵ Omuo muene ua Ingito vamulekethele nguavo vana va Isaleli vanai, visinganieka via Falao nevi via vantu ventu via tengulukilile kuvantu vanje. Keho nguavo,'' vika vi tunapanga? linga tutuhule va Isaleli vaye nakutupangela kuahi.'' ⁶ Keho Falao uanonene matemba endi naku tuala masualale endi hamo nendi. ⁷ Uahonene vihita vitanu nacimo via matemba akuhangula na matemba oshe amu Ingito. Nava kapitau navo uoshe. ⁸ Yehova uakalu uithile mbunge ya Falao, muene ua vakua Ingito. Keho muene ua tsuamene ko kuva Isaleli. Ngoco vana Isaleli vanai mukonda vana katuka nalivoko liakuthungama. ⁹ Vuno honi va Ingito vava tsuamene, navioshe natu kambe tuoshe namatemba., navaje vakua kurambetha uino tukambe nama sualale vendi. Mukemuo uakava uanene tenga tenga vauimitheko kunchongo ya ndonga ya Kalunga vana sungama na Pi-handote, kulutue lua mbale-Zefone. ¹⁰ Keho Falao uahetele hamuhehi, vana va Isaleli vatalele kunjima vakomokele. Talenu, vakua Ingito valinakutu tsuama, keho vakele na liova muaka-kama. Keho vana va Isaleli valili-lile kuli Yehova. ¹¹ Keho vahandekle na Mosesa, '' mukonda kukuakele vihilo vietu mu Ingito. Ngoco unakatunona linga tutsile kunoku cana? vika viu na tupangela vi, kutu nona mu Ingito? ¹² Keti mukemo tuakulekethele mu Ingito ni? tua handekele nove, ngueto, te ueze linga tupange va kua Ingito.'' chili kulutue kuvapangela keti kutsila kuno kucana.'' ¹³ Mosesa uahandekele navantu,'' nguendi, '' keti mukale na liova. Tumameni lika mumone kuoyela ya Yehova ca kamupangela lelo. ngoco kmu kamono naua va kua Ingito ava vamumona lelo. ¹⁴ Yehova a kami luelako, keho muna pandele ku tumamena lika.'' ¹⁵ Keho Yehova uahandekele na Mosesa, ngueni'' mukonda lia vika, Mosesa, uli nakuhilukilamo nakunji sana yange? leketha vana vaIsaleli vaye kulutue. ¹⁶ Kakula muilu mbueti yive, keho inika livoko liove helu lia ndonga ya Kalunga nakuitepetha avali. Ngoco vene vana va Isaleli vende mukati kandonga halivu lia kuma. ¹⁷ Taleni ange njikomethe vi mbunge ya Ingito ngoco vakova tsuana munji yavo. nji ka kala nge yanaluthimo mukonda lia Falao nama sualale vendi, matemba endi, nava kua kupuikitha tukambe. ¹⁸ Keho vakua Ingito vaka zivuka nguavo yange Yehova mukonda njika kuvula Falao, namatemba, nava kua kupuikitha tukambe. ¹⁹ Kangelo ua Kalunga. Uje uendele kulutue luava Isaleli, Keho uahitile kutjina yauo. Ngundzi ya lishelua liahitile kutue luauo na kuhiluka nakuima kunjina yauo. ²⁰ Lishelua liezile hakati kambunga ya Ingito na mbunga ya Isaleli lia puile lishelua lia muthithi kuva ku Ingito, vuno honi nolo lia hele ceke kuvana va Isaleli, keho mukemuo vakuasinya lino keti veje muhehi nava kuavo vuthsiki voshe. ²¹ Mosesa uenikile livoko helu lia ndonga. Yehova ua hiluithile ndonga ya Kalunga nalimu kakundu kundu kakama kandzila kutundilila kuvucelo ualitanga vutsiki vuoshe amba pangele ndonga mukuyumitha mukupuitha livu liakuma. Munjila ino mema alitepethele. ²² Vana va Isaleli vaile mukati ka ndonga ya Kalunga mulivu lia kuma. Mema a kele civumbe cavo cimo ku cilio kucimoshue. ²³ Vakua Ingito vava shamene. Va ile hamo nauo atemu kati kati kandonga ya Kalunga- voshe tukambe va Falao, matemba, navakua kulonda tukambe. ²⁴ Vuno honi kuvithimbu via cimene mene, Yehova uatalele hamavu kuma sualale ava kua Ingito mu ngundzi ya tuhia na lishelua. Uatamesele civunga cava kua Ingito. ²⁵ Keho makosho aku temba avo atemene, nava katukambe vahonene mukuenda uasi-uasi. Vakua Ingito vahandekele nguavo,'' tuyeni ku va Isaleli, omuo Yehova ali kuvaluithilako omuo vakemuo kuli yetu. ²⁶ Yehova ualekele Mosesa, inika livoko liove mundonga ya Kalunga ngoco vene mema ali uane kumo lika va Ingito, matemba avo, natukambe hamo navantu. ²⁷ Ngoco Mosesa uenikile livoko liendi mundonga yaKalunga, mukemuo akahiluka muje muacili mukonda omuo cimene cikia. Vaku Ingito vaike hamo na mema aKalunga, keho Yehova uauisilile va Ingito hakati ka ndonga yaKalunga. ²⁸ Ngoco mema ahilukile nakufuika, matemba navakua tukambe, namasualale vaje kashikuile munyima ya va Isaleli mundonga ya Kalunga. uahi uovokeleho. ²⁹ Nambe vene, vana va Isaleli vendelele halivu lia kuma hakati-kati kandonga ya Kalunga. Mema hakele civunbe cavo kucilio naku cimuosue. ³⁰ Ngoco vene Yehova uohielele vana Isaleli liangua lije nakuva nona muli voko liava kua Ingito. keho vana va Isaleli vamuene vakua Ingito vanatsi kushongo yandonga ya Kalunga. ³¹ Omuo va Isaleli vamuene ndzili ya kama ya pangale Yehova kuli vakua. Ingito, Keho vantu vouilile Yehova, naku yava muli Yehova nangamba yendi Mosesa.