¹ Ovano mbo varuti ntani va Leviti ovo vakayiro na Zerubbabel mona wa mumati wa Shealtiel ntani na Jeshua: Seraiah, Jeremiah, Ezra, ² Amariah, Malluk, Hattush, ³ Shekaniah, Rehum, na Meremoth. ⁴ Kwakalire Iddo, Ginnethon, Abijah, ⁵ Mijamin, Moadiah, Bilgah, ⁶ Shemaiah, ntani Joiarib, Jedaiah, ⁷ Sallu, Amok, Hikiah, na Jedaiah. Ovano mbo vakaliro vakurona va varuti ntani vavo kwarughanine mu mayuva gha Jeshua. ⁸ VaLeviti kwakalire Jeshua, Binnui, Kadmiel, Sherebiah, Judah, na Mattaniah, ovo vakaliro mushitumbukira sha ntjumo da kutapa mpandu, kumwe nka na vaunyendi. ⁹ Bakbukia na Unni, ntani na vaunyavo, ava yimana kuruha rwa peke mushirugho sha ngereka. ¹⁰ Jeshua kwakalire vashe va Joiakim, Joiakim kwakalire vashe va Eliashib, Eliashib kwakalire vashe va Joiada, ¹¹ Joiada kwakalire vashe va Jonathan, ntani Jonathan kwakalire vashe va Jaddua. ¹² Mumayuva gha Joiakim ovano mbo varuti, Vakurona va makoro, Meraiah ndje a kaliro mukurona wa Seraia, Hanania kwakalire mukurona wa Jeremia, ¹³ Meshullam kwakalire mukurona wa Ezra, Jehohanan kwakalire mukurona wa Amaria, ¹⁴ Jonathan kwakalire mukurona wa Malluk, ntani Joseph kwakalire mukurona Shebania. ¹⁵ Adna kwakalire mukurona wa Harim, Helkai kwakalire mukurona wa Meremoth, ¹⁶ Zechariah kwakalire mukurona wa Iddo, Meshullam kwakalire mukorona wa Ginnethon, ntani ¹⁷ Zikri kwakalire mukurona wa Abijah, Piltai kwakalire mukurona wa Miniamin na Moadiah. ¹⁸ Shammua kwakalire Bilgah, Jehonathan kwakalire mukurona wa Shemaiah, ¹⁹ Mattenai kwakalire mukurona wa Joiarib, Uzzi kwakalire mukurona wa Jedaiah, ²⁰ Kallai kwakalire mukurona wa Salllu, Eber kwakalire mukurona wa Amok, ²¹ Hashabiah kwakalire mukurona wa Hilkiah, ntani Nethanel kwakalire mukurona wa Jedaiah. ²² Mumayuva gha Eliashib, va Leviti Eliashib, Joiada, Johanan, ntani Jaddua kwatjangire shi mbo vakurona va makoro, ntani varuti kwavatjangire mushirugho sho shirongo kuna kushipititira Darius wamu Persian. ²³ Vamuhoko wa Levi, vakurona va makoro ghavo kwa ghatjangire mumbapira ya vitimwitira ya vishorokwa mwayenda mwaka na mwaka dogoro mumayuva gha Johanan mona wa mumati wa Eliashib. ²⁴ Vakurona va vaLeviti kwakalire Hashabiah, Sherebiah, na Jeshua mona wa mumati wa Kadiel, kumwe navaunyavo ovo vashapukiro kuruha rwapeke navo mukutapa lifumadeko nakutapa mpandu, kulimburura ruha na ruha, mukukwama marawiro gha David, muntu wa Karunga. ²⁵ Mattaniah, Bakbukiah, Obadiah, Meshullam, Talmon, na Akkub kwakalire vakungi heka vakungi yimano vakundjugho ya lipungwiro ku heka. ²⁶ Vatapilire mumayuva gha Joiakim mona wa mumati wa Jeshua mona wa mumati wa Jozadak, ntani mumayuva gha Nehemiah nguwuru ntani gha Era muruti ntani wakuruwana livukito mbapira. ²⁷ Palitapo ruvede nkondo kulikuma lya Jerusalem, vantu ava papara va Leviti nakuntje oko vatungire, mukuvayita ku Jerusalem na kudjobwana litapo nkondo na ruvede na ruhafo, kumwe nakutapata mpandu ntani na kuyimba kumwe na vikugho vya kurupwita liywi, vivetito ntjumo, ntani nashivetito ntjumo sha kukara yira shikovu-tatu. ²⁸ Avano vaunyavo ava pongo kutundilira muruha shirongo mu Jerusalem ntani kudimukunda da Netophathites. ²⁹ Shimpe nka va tundiliri mu Gilgal na mumavango gha Geba ntani Azmaveth, kuvambimbi vadikire vavene mukunda mu Jerusalem. ³⁰ Varuti ntani va Leviti ava kukenita naumwavo, makura ava kenita vantu, heka, na likuma. ³¹ Makura ani yuvu vakurona va Juda kuna kakanduka vakayende kuwiru ya likuma, ano ani katoghorora mbunga mbiri da dinene da vambimbi ovo vatapiro mpandu. Yimwe ayi yendi kurulyo rwa palikuma kutamba kuheka ya rutoko. ³² Hoshaiah na ukahe wa vakurona va vaJuda ava vakwama, ³³ ano kunyima yavo akuyendi Azariah, Ezra, Meshullam, ³⁴ Juda, Benjamin, Shemaiah, Jeremiah, ³⁵ na vana vamwe va varuti na marumbendo, na Zechariah mona wa mumati wa Jonathan mona wa mumati wa Shemaiah mona wa mumati wa Mattaniah mona wa mumati wa Micaiah mona wa mumati wa Zakkur mona wa mumati wa Asaph. ³⁶ Kwakalire nka valiro lya Zechariah, Shemaiah, Azarel, Milalai, Gilalai, Maai, Nethanel, Judah, Hanani, kumwe navivetito vya ntjumo vya David muntu wa Karunga. Ezra murughani wa livukito mbapira kwakalire kumeho yavo. ³⁷ Kuheka yakurupuka mema ava yendi kuvyukilira vakanduke palikuma lya nkurumbara ya David, kuheka ya mema ku upumeyuva. ³⁸ Vambimbi vamwe ovo vatapiro mpandu ava yendi kuruha rwapeke. Ani vakwama palikuma kumwe na ukahe wa vantu, kuwiru ya ndjugho yayire ya lidiko, kulikuma lya kuyandjumuka, ³⁹ ntani pawiru ya heka ya Ephraim, ntani ku heka ya kare, ntani kuheka ya ntjwi ntani na ndjugho yayire ya Hananel ntani na ndjugho yayire ya 100, na kuheka ya ndjwi, ntani ava kayimana pa heka ya vakungi. ⁴⁰ Ano vambimbi navantje ovo vatapiro mpandu ava ghupu mavango ghavo mundjugho ya Karunga, ntani name ani ghupu livango lyande kumwe na ukahe wa vakamakuto kumwe name. ⁴¹ Makura varuti ava hgupu mavango ghavo: Eliakim, Maaseiah, Miniamin, Micaiah, Elioenai, Zechariah, ntani Hananiah, na marumbendo, ⁴² ano Maaseiah, Shemaiah, Eleazar, Uzzi, Jehohanan, Malkijah, Elam, ntani Ezer, ano vambimbi ava kurenke vavene va vayuve ano Jezrahiah kwakalire mpititi wavo. ⁴³ Ava tapa vitapa vya vinene liyuva linya, ntani nakuhafa, kwa Karunga ava rughaninine va hafe na ruhafo rwarunene. Vakamali na vanuke ava hafa navo, Ano ruhafo rwa Jerusalem kwaruyuvire ure. ⁴⁴ Paliyuva linya vakafumu va vahorowire vakare mushirughana sha ndjugho ya lipungwiro kuvitapa, nyango ya kuhova, ntani mfuto, mukuvipongora mumaruha ogho gha tumbukiro muveta ya varuti vavo va Leviti. Kehe uno kwamutulire a rughane mumafuva gha pepi na doropa. Kwa Juda a hafire kupita varuti ntani va Leviti ovo vayimanino kumeho yavo. ⁴⁵ Ava rughana ukareli wa Karunga wavo, ntani ukareli wa likenito, ntani ava rughana vambimbi na vakengeli heka, mukukwama kumarawiro gha David nagha gha Solomon monendi wa mumati. ⁴⁶ Shirugho sha shire shakapito, mumayuva gha David na Asaph, kwakalire ko vavyukiti vambimbi, ntani nka kwakalireko ntjumo da kufumadeka ntani da kutapa mpandu kwa Karunga. ⁴⁷ Mumayuva gha Zerubnabel ntani mumayuva gha Nehemia, navantje va Israeli vatapire mfuto ya vambimbi ntani vakengeli heka. Ava shungire ruha rumwe na kuhamena unene kuvitapa vyakaliro vya vaLeviti, ano vaLeviti ava shungiri ruha rumwe na kuhamena kuvitapa vya muhoko wa Aaron.