¹ Vayenditi va varwana kwatungire mu Jerusalem, ntani vantu navantje ava tjangita vya vingi mukuyita umwe wa murongo mukutunga mu Jerusalem, nkurumbara ya kupongoka, ntani vapeke ava kara mudoropa dimwe da peke. ² Makura vantu ava tungiki na vantje ovo va kudjambiliro va tunge mu Jerusalem. ³ Ovano mbo vakaliro valifumadeko ovo vatungiro mu Jerusalem. Nampili ndi weni, mudoropa da Judah kehe uno kwatungire pavininke vya naumwendi, kuturako na vaIsraeli vamwe, varuti, va Leviti, varughani va ntembeli, ntani vamuhoko wa varughani va Solomon. ⁴ MuJerusalem kwatungire vamwe va dimuhoko da Judah ntani vamwe vamuhoko wa Benjamin. ⁵ Kwakalire Maaseia mona wa mumati wa Baruch mona wa mumati wa Kol-Hoze mona wa mumati wa Hazaia mona wa Adaia mona wa mumati wa Joiarib mona wa mumati wa Zeharia, muhoko wa Shela. ⁶ Navantje vamuhoko wa Parez ovo vatungiro mu Jerusalem kwakalire 468. Vavo kwakalire vakafumu va vawa. ⁷ Ovano mbo vamuhoko wa Benjamin: Sallu mona wa mumati wa Meshullam mona wa mumati wa Joed mona wa mumati wa Pedaia mona wa mumati wa Kolaia mona wa mumati wa Maaseia mona wa Ithiel mona wa mumati wa Jeshaia, ⁸ ntani ovo vamukwamino, Gabbai ntani Sallai, 928 vakafumu. ⁹ Joel mona wa mumati Zikri kwakalire ndje mukemngeli wavo, ntani Juda mona wa mumati wa Hassenua kwakalire wa uvili mukupangera nkurumbara. ¹⁰ Kutundilira kuvaruti: Jedaiah mona wa mumati wa Joiarib, Jakin, ¹¹ Seraiah mona wa mumati wa Hilkiah mona wa mumati wa Meshullam mona wa mumati wa Zadok mona wa mumati wa Mersioth mona wa mumati wa Ahitub, vayeruki valifumadeko vakundjugho ya Karunga, ¹² ntani nalikwatitoko lyavo lyarughanino virughana vya ndjugho, 822 vakafumu, kumwe na Adaiah mona wa mumati wa Jeroham mona wa mumati wa Pelaliah mona wa mumati wa Amzi mona wa mumati wa Zechariah mona wa mumati wa Malkijah. ¹³ Vakuru vendi kwakalire vakurona vamakoro, 242vakafumu, ntani Amashsai mona wa mumati wa Azarel mona wa mumati wa Meshillemoth mona wa mumati wa Immer, ¹⁴ ntani vakuru vavo, 128 varwi va vakotoki, ntani vakengeli vavo kwakalire Zabdiel mona wa mumati wa Haggedolim. ¹⁵ Kutundilira ku vaLeviti: Shemaia mona wa mumati wa Hasshub mona wa mumati wa Azrikam mona wa mumati wa Hashabiah mona wa mumati wa Bunni, ¹⁶ ntani Shabbethai na Jozabad, ovo vakaliro ku vakurona va vaLeviti ntani kwakalire mushitumbukira kuvirughana vya pandje ya ndjugho ya Karunga. ¹⁷ Kwakalire Mattaniah mona wa mumati wa mika mona wa mumati wa Zabdi, vamuhoko wa Asaph, ogho akaliro muyenditi wa kutamekera wakutapa mpandu mundaperero, ntani Bakbukiah, wauvili mukatji kavakuru vendi, ntani Abda mona wa mumati wa Shammua mona wa mumati wa Galal mona wa mumati wa Jedfuthun. ¹⁸ Navantje vaLeviti munkurumbara ya kupongoka kwakalire 284. ¹⁹ Vakungi heka: Akkub, Talmon, na vakuru vavo, ovo kava kengerango pa heka, 172 vakafumu. ²⁰ VaIsraeli vakuhupako na varuti ntani vaLeviti navantje kwakalire mudoropa ya Juda. Kehe uno kwatungire pa naumwendi na kupinga vininke. ²¹ Varughani va ntembei ovo vatungiro mu Ophel, ntani Ziha na Gishpa kwakalire mulikengero lyavo. ²² Vayeruki va mumberegho kupita va Leviti mu Jerusalem kwakalire Uzzi mona wa mumati wa Bani mona wa mumati wa Hashabia mona wa mumati wa Mattania mona wa mumati wa Mika, wamuhoko wa Asaph, vayimbi kupita virughana vya mundjugho ya Karunga. ²³ Kwakalire muliyenditi lya kuvyukilira kutundilira kwa Hompa, ntani ndjenditito ya kuvyukilira kwaditapire kuvayimbi kukehe liyuva vya pumbwiro. ²⁴ Makura Pethahiah mona wa mumati wa Meshezabel, vamuhoko wa Zera mona wa mumati wa Juda, kwakalire kuruha rwa Hompa kwanavintje vya mulyo vina karo ku vantu. ²⁵ Kudimukunda ntani kumafuva, vamwe vantu va Juda kwatungire mu Kiriath Arba na dimukunda dako, ntani mu Dibon na dimukunda dako, ntani mu Jekabzeel na dimukunda dako, ²⁶ ntani mu Jeshua, Moladah, Beth Pelet, ²⁷ Hazar Shual, ntani Beersheba na dimukunda dako. ²⁸ Vamwe vantu va Juda kwatungire mu Ziklag, Mekonah, na dimukunda dako, ²⁹ En Rimmon, Zorah, Jarmuth, ³⁰ Zanoah, Adullam, na dimukunda dako, ntani mu Lachish mafuva ghako ntani Azekah na dimukunda dako. Ano ava rara mu Beersheba ku muramba wa Hinnom. ³¹ Vamuhoko wa Benjamin ava katura mu Geba, Mikmash, Aija, Bethel na dimukunda dako, ³² Anathoth, Nob, Ananiah, ³³ Hazor, Ramah, Guttaim, ³⁴ Hadid, Zeboim, Neballat, ³⁵ Lod, Ono, ntani Ge Harashim. ³⁶ Vamwe va vaLeviti ovo vatungiro mu Juda kwavatapire ku vantu va Benjamin.