¹ Mumwaka wauronantano wamumpangera yaTiberiyusi Sezare-ruvede oro Pontyiyusi Piratusi ghuye Nguuru waJudeya, Herode ghuye Nguuru wa Galireya, mughunyendi Felepu ghuye Nguuru waruha shirongo sha Itureya na Trakonitisi ntani Lisaniyasi ghuye Nguuru waAbilene, ² Muruvede rwa ghukurona waAnnasi na Kayiyafasi-Nkango yaKarunga ghayiyere John mona Sakariya mumburundu. ³ Ghayendi muruha Shirongo shaJOrodani namuntje, ayaghura likusho lyakukutapa kulighupiropo lyandjo. ⁴ Moomu tupu vavitjanga mumbapira yankango da Isaya muporofete, '' Liywi lyamuntu ghana kuyiyiro mumburundu, ' Wapayikenu ndjira yaHompa, vyukilitenu ndjira dendi. ⁵ Kehe muramba ngaghu yura, nakehe ndundu na shikanduko ngavakavifupipita, navitaghura vyakupenga ngava kavi vyukilita namavango ghakupira kushetakana ngava kaghatungira mundjira, ⁶ ntani kehe rutu ngarukamona liyoworo lyaKarunga.'' ⁷ Makura John ghatatere mbunga yinya yayiro ndi ghaya yikushe, '' Ghanwe vana vavambaroka! Ghare ghamurondoro kushendauka Ugara ogho ghuna kuyo? ⁸ Mpo ngoli, yimenu manyango ghamulyo walikutapo, ntani kapishi mutameke kukughambera munda denu, '' Twa kara na Abraham yira shetu, moomu nakumutantera ashi Karunga kuvura kurelita vana va Abraham kumawe ghano. ⁹ Nampindi weno, likuva kuna liyegheke kundandani yavitondo. Mpo ngoli ashi kehe shitondo shapirango kuyima linyango lyaliwa kushitetapo nakushivukumina mumundiro.'' ¹⁰ Makura mbunga ayimupuraghere, ava ghamba '' Makura vinke tuvura kuruwana?'' ¹¹ Alimburura mukuvatantera, '' Nange mpwali anakaro navikoverero viviri, ghavikugaunine naghunya anapiro, ntani ghunya ghana karo nandya gharuwane nka ngoli.'' ¹² Vafutiti mutero navo ghavaya vayavakushe, ghava ghamba kwendi, '' Mushongi, vinke turughana?'' ¹³ Aghamba kwavo, '' Kapishi kufutita maliva ghamangi kupitakana ghanawapero kufutita kutwara omu vamurawira.'' ¹⁴ Vakavita vamwe navoghava mupura ashi, '' Atwe weni ngoli? vinke tuvura kurughana?'' Avatantere, '' Kapishi kughupa muntu maliva kunkondo, ntani kapishi kurundira kehe ghuno. Karenu munagwaneene na ndjambo denu.'' ¹⁵ Vantu kwatatilire mulitaterero ntani navantje varorokire kughayara mudimuntjima davo nange John kuvura akare Mesiya. ¹⁶ John ghava limburura navantje, '' Ame kunakumukusha na mema, ngoli mpwali ogho ngampito ngudu munkondo ngaya, oghu akaro ashi nampindi marughodi ghacamakaku dendi ame kapi nawapera kugha shuturako. Ghuye ngaya mukusha naMpepo yakupongoka naMundiro. ¹⁷ Shihangulito tumbunga mumawoko ghendi shakara, mukukenita livango lyendi nakupongayika mbuto mushishete shendi, ngoli virwenge ngavishora namundiro wakupira kuvura kudimita.'' ¹⁸ Mpo ngoli ghatapire makorangedo ghamangi ntani ghatwikiri naliyaghuro mbudi yayiwa kuvantu. ¹⁹ Ngoli Herode mupangeli mukunda kovi apilire kumupulitira ghuye, kuhamena Herodiyasi, mukamali wamukurwendi wamukafumu ntani kuhamena viruwanarunde ovi gharuwanine Herodi, ²⁰ Vino kwaya viva wederereroko navantje, dogoro ghaya paterere John mudorongo. ²¹ Makura opo vapwire vantu navantje kukusha, Jesusa naye kwamukushire, ntani mpopo arapere liwiru aligharuka, ²² ntani mpepo mupongoki yayo mushishwi sharutu yira mputukuwa ghayi musheghumukiri, ntani liywi ghali tundu muwiru: '' Ove monande ogho nahora; ogho ahafitango nawa. ²³ Shimpe nka, opo atamikire Jesusa virughana vyendi, dado mwaka dendi kuna kukokera kudimurongo-ntatu, mukukara mona mukafumu moomu ghawapilire kukara wa Josef mona mukafumu wa Heli, ²⁴ mona wamukafumu wa Matati, mona wamukafumu wa Levi, mona wamukafumu wa Meleki, mona wamukafumu wa Jannayi, mona wamukafumu wa Josef. ²⁵ Josef mona wamukafumu wa Matatiyasi, mona wamukafumu wa Amosi, mona wamukafumu wa Nahumi, mona wamukafumu wa Esili, mona wamukafumu wa Naggayi, mona wamukafumu wa Maati, ²⁶ mona wamukafumu wa Mattatiasi, mona wamukafumu wa Semeyini, mona wamukafumu wa Joseki, mona wamukafumu wa Joda. ²⁷ Joda mona wamukafumu wa Joanani, mona wamukafumu wa Resa, mona wamukafumu wa Zerubbabeli, mona wamukafumu wa Salatiyeli, mona wamukafumu wa Neri, ²⁸ mona wamukafumu wa Meliki, mona wamukafumu wa Addi, mona wamukafumu wa Kosamu, mona wamukafumu wa Elimadami, mona wamukafumu wa Eri, ²⁹ moana wamukafumu Joshwa, mona wamukafumu wa Eliyaza, mona wamukafumu wa Jorimi, mona wamukafumu wa Mattati, mona wamukafumu wa Levi. ³⁰ Levi kwakalire mona rume wa Simeon, Mona rume wa Judah, Mona rume wa Joseph, Mona rume wa Jonam, Mona rume wa Eliakim, ³¹ Mona rume wa Melea, Mona rume wa Menna, Mona rume wa Mattatha, Mona rume wa David, ³² Mona rume wa Jesse Mona rume wa Obed, Mona rume wa Boaz, Mona rume wa Salmon, Mona rume wa Nashshon. ³³ Nashshon kwakalire Mona rume wa Amminadab, Mona rume wa Admin, Mona rume wa Arni, Mona rume wa Hezron, Mona rume waPerez, Mona rume wa Judah, ³⁴ Mona rume wa Jacob, Mona rume wa Isaac, Mona rume wa Abraham, Mona rume wa Terah, Mona rume wa Nahor, ³⁵ Mona rume wa Serug, Mona rume wa Reu, Mona rume wa Peleg, Mona rume wa Eber, Mona rume Shelah. ³⁶ Shelah kwakalire Mona rume wa Cainan, Mona rume wa Arphaxad, Mona rume wa Shem, Mona rume wa Noah, Mona rume wa Lamech, ³⁷ Mona rume wa Methuselah, Mona rume wa Enoch, Mona rume wa Jared, Mona rume wa Mahalaleel, Mona rume wa Cainan, ³⁸ Mona rume wa Enos, Mona rume wa Seth, Mona rume wa Adam, Mona Karunga.