¹ Wafumile kulya nukwiza kumusumba wakumwawo, nayasambili yakwe yamukonsile. ² Lino uwanda wa pamulungu wafika , wasambilizge mung'anda yakwe leza. Aanthu nayinji yuvwile nga yazungwike. Nukuvwanga , '' Wasenzile kwinye ivisambilizgi vii?'' Amanochi ya yano papilwe kuli weliwe?'' '' ivizungusyochi vino akawomba namakasa yakwe?'' '' ³ Wuzge wino sakapala wamatabwa, umwana wakwe Mele numuto wakwe Yakobe na Jozws na Judasi na Simoni? Wuzge inkhazi zgakwe zisipano nasweswe?'' Yachisike nawe Yesu. ⁴ Apano Yesu watili kuliwoliwo, '' Kasowela atange aye uwambula umuchinzi , kweni kumwawo namuyakamu yakwe na mung'anda yakwe.'' ⁵ Waposilwe ukuwomba intchito insuma , kweni ukuyika amakasa pa yanthu ayalwale nukuwapozga. ⁶ Wazungwike nukunthasuwila kwawo. Alino wayile mumizi pakusambilizga. ⁷ Alino wawamile ikumilyonga nayayili(12) ngawatalike ukuwatuma yayili yayili , ngawawapile amaka pa mipasi iyiyipe, ⁸ nukuwasunda ukuti yatasenda nachimwi pa wulendo wawo, kano insonzo ichibama foo, ichola foo amakopala mumipango yayo, ⁹ kweni ukuzwala indyato nanthi ukuzwala amalaya yayili. ¹⁰ Watili kuli woliwo,'' Insita zgonsi nanth mwinjila mung'anda, mwikale mphaka mwize mufume papokwene. ¹¹ Ndiwaleka umusumba wumwi wutaliwapochelela pamwi pamwi ukuwuvwila, nanthi mwafuma pamalom yawo, muwakungutile ulutukumbu lyakumatamba yinu ngati uwukamboni kuli woliwo.'' ¹² Yafumile nukuyakosola ukuti ayanthu yalape. ¹³ Yafumizge imizimu injipe iyinji, nukupaka alyale ayinji na mafuta nukuwapozga. ¹⁴ Mwene Helodi uvwile chino, amuno izina lyakwe Yesu lyamanyikwe sana. Yamwi yatinji ,'' Johani kawatizga wazguka ukufuma kuyafwe, nukuti alichino ivizungusyo vyamaka vikuwomba naweliwe,'' ¹⁵ Yamwi yatile,'' Aeliya,'' yamwi yatili, '' Akasowela, ngati yamwi ayansita inkhali.'' ¹⁷ Kweni lino Herod wuvwa chino wayile, '' Yohani, wino namuputwile umutwe, wazuswa.'' ¹⁶ Pakuti Herod watumile ukuti Yohani yamuleme, nga yamuyalile mukumuyika mung'anda yaminyololo. ¹⁸ Pakuti Yohani wamunenyile Herod, ''Sisunde kuli wewe ukutwala muka muto wako. ¹⁹ Kweni umuchi wakwe Herod wachilinji asosile naweliwe nga walondanga amukome, kweni waposilwe, ²⁰ pakuti Herod wamutinanga Yahani; wamanyile ukuti wali umulungamane numutiswe, nukuti wamusunzile ningo. Ukumuvwichisya weliwe atakwatanga umutende, kweni wakunzile ukumuteyelezga. ²¹ Uwanda uwusuma wizile pano Herod wasechelanga ukupapwa kwake ngawapekinye ichakulya chamanguzi kuyawonvi yakwe nayakapingula nayakalamba ya mu Galileya. ²² Umwana umwanachi wamuchi wakwe Herod weliwe winjile nukuwachinila, wamusechelesizge Herod nayalendo yakwe. Mwene watili kumukazgana ,'' Lenga chilichonsi chino ukulonda nimakupela.'' ²³ Walafile kuliweliwe ukuti, '' chonsi chino ungalenga ukwane, ukufika pa kasi ya wene wane.'' ²⁴ Wafumile kunzi nukuvwanga kuli nyina,'' ningamulenga chani?'' Mama wakwe watili, '' Umutwe wakwe Herod umuwatizi.'' ²⁵ Papokwene wachintchile ukuya kuli mwene, ngawawuzizge ukuti, '' nkhulonda mumphe, likwene, umutwe wakwe Yohani kawatizga pa lupe.'' ²⁶ Napano wuli chi chamuchisile mwene, atakanyile ukulenga kwakwe pamulandu nukulapa kuno walafile nga nayenyi yano yizile. ²⁷ Apano mwene watumile umukeya ukufuma muli yamalonda yakwe ngawamupingwile kuno alete umutwe wakwe Yohani. Umukeya wayile nukuyaputula umutwe mumunyololo. ²⁸ Walesile umutwe mulupe nukumupela umukazgana , nga umukazgana wamupile nyina . ²⁹ Lino ayalondezi yuvwa chakwe chi, yizile nukuzasenda umwili wakwe nukuyawuyika munkhungwe. ³⁰ Ayalondezi yizile ponga na yesu nukumunena vyonsi vino yawonvile nukusambilizga. ³¹ Ngawatile kuli woliwo, '''Zanji muli mwenga mumalo yambula yanthu mupuze panono.'' Muno ayinji yizanga nukupita, ngayatalinji ninsita yakulya. ³² Ngayapisile pawato kumasyo yano yatakweti ayanthu pali wonga . ³³ Kwene yawaweni yakupita nayavule yawamanyile, ngayutuchile kulya ponga pansi ukufuma mumisumba yonsi, nukuti yafisile kuku lino yatani yafike. ³⁴ Lino yafika kumbalama , waweni iwumba ilikalamba nga i walinuwila paliwoliwo pakuti yalinji ngati ing'onzi zgambula kachema. Ngawatalike ukwasambilizga ivinthu ivivule. ³⁵ Lino insita yasila , alondezi yizile kuli weliwe nukuti,'' Ya amasyo ayavwame nga ninsita yisizile kali. ³⁶ Yafumyini penepo ukuti yaye mumisumba yapapipi numumizi ukuyakala vimwi ivakulya woliwo.'' ³⁷ Kwene waswike nukuvwanga kuli woliwo, '' mwemwe wapini ichakuti yalye.'' Yatile kuli weliwe,'' Tungaya tukawakalile imyanda yili yakwe dinari( 200) wono wuyine nichibama nukuwapa ukuti yalye?'' ³⁸ Watile kuliwoliwo, '' mukweti ivibama vinga ? pitini mukalole.'' Lino yalinda, yatili, '' ivibama visano ninswi zili.'' ^{39 40} Wawapingwile ayanthu wonsi ukuti yikale pansi mutuwukutila pisote ilisi. Yikazile pansi mutuwukutila uta myanda................. ⁴¹ Wasenzile ivibama visano ninswi zili, nukulola kwiyulu wapepile nukumonyola nukuwapela alondezi ukuti yape ayanthu. Nupya wankhinye inswi kuli wonsi. ⁴² Wonsi yalile mphaka yikuta . ⁴³ Yasenzile imvungwa zga chibama, zgazuzile ivitundu ikumimnavili ni mvugwa zgansw. ⁴⁴ Yali ayanthu amazimbi yasano(5000) yano yalile ivibama. ⁴⁵ Papokwene wawanenyile alondezi yakwe ukuti yaye muwato nukukolela pakuya kulya kumbalama yakwe, Betisayida, pano wazinga iwumba ukuti lifume penepo. ⁴⁶ Pano yapisile, wayile kumwamba pakuyapepa. ⁴⁷ Amanguzi yizile niwato lyalinji pakasi pali Yembe, ngawalinji wenga pamulundu. ⁴⁸ Waweni kuno yakulwisyanya namayigha, pakuti. Imphepo yawaputanga. Lino insita yakwa chamuma ama oola yanayi akatondo wizile kuli woliwo, wapitanga pali yemba , ngawalonga awapitilile. ⁴⁹ Lino yamulola akupita pali yemba , yelenganyanga ukuti ichizguka nga yalizile , ⁵⁰ mulandu yamuweni yachulike . papokwene wavwanzile kuli weliwe watile , '' Jimbini ! Anene, mutatina!'' ⁵¹ Winjile mwiwato nawoliwo, nga numuza walisile ukuputa. Yazungwike sana . ⁵² Pakuti yatilwike chino ivibama vyasulanga , imyenzo yawo yakomile. ⁵³ Lino yachilinganya, yalambile pa Gennesareti nga yimike iwato. ⁵⁴ Lino yika muwato, ayanthu yamumanyile papiokwene, ⁵⁵ ngayutuchile mumisumba yonsi ngayatalike ukuleta ayalwale pavitanda vyawo kulikonsi kuno yuvwikanga. ⁵⁶ Konsi kuno winjilanga mumizi, pamwi mumisumba, pamwi munsi yayikanga ayalwale mumalo yamasankhano. Yamulenzile ukuti azumilizge ukuti , yaleme mumbali mwikoti lyakwe, nukuti ayavule yano yamulemile yapozile