¹ Yizile imbalama yuze yakwe yemba, mumuzi uwa Gerasenesi. ² Pano Yesu wafumanga muwato , zuwazuwa wizile umunthu ukufuma kumalalo uwamupasi uwuyipe. ³ Umunthu wikalanga mumalalo. Patalinji umunthu wakumunyepa. Napano ukumunyepa niminyololo; ⁴ Wanyepwanga insita izivule ninkhusa ni minyololo. Waputulanga iminyololo ninkhusa. Kutali umunthu uwamaka uwakumulema. ⁵ Usiku wonsi nu musanya mumalalo numumyamba, walilanga nukuyilemba namawe ayasongole. ⁶ Lino wamulola Yesu apatali, wutuchile nukumufukamila. ⁷ Walizire na mazwi yakukwela,'' Indi nachani chakuwomba nawewe , Yesu, umwana wakwe leza umutumphulwe? Nkhukulenga muli leza umwenecho,utanchuzga nene.'' ⁸ Pakuti walandanga kuli weliwe, '' Fumamumunthu wiwo, we mupasi wuyipe.'' ⁹ Yesu wamukolowozizye,'' izina lyako weweni?''Wamaswike,'' Izina lyane ne Lejoni pakuti swe yavule.'' ¹⁰ Wamulenzire umwakuswilizgaswilizga ukuti atavifumya . ¹¹ Pansita yilya palinji iwumba lyakwe yakapoli: lyalyanga kumwamba; ¹² Swinya yamulenzire weliwe, yatile, ''Tutumini muli yakapoli; twinjile mwenemo ¹³ .''Wayizumilizizye ; imipasi iyiyipe ukufuma nukwinjila muli yakapoli, nukusamalila pansi kumikonko ukuya muli yemba na yakapoli kupalamila amazimbi yayili yaponile muli yemba. ¹⁴ Apano yano yachemanga yakapolo yutwike nukuyavwanga mumusumba na mumizi, nupya anthuyayile nukuyalola chino chachitike. ¹⁵ Apano yizile kuli Yesu nukumulola umumnthu wino walinji nimipasi iyipe , wenga wino walemizwe na Lejoni , wikazile palya, wazwazile nupya mumelengwi ayasuma (walinji ningo); ni nthete zyawalemile. ¹⁶ Yano yaweni chino chachitikwe ku munthu wino walinji nimipasi injipe yayile yalanda nukusimichila , nupya nukuvwanga vwakwe yakapoli. ¹⁷ Yatalike pakumulenga weliwe ukuti awalechele amasyo yawo. ¹⁸ Pano winjilanga muwato, umunthu wamipasi injipe wamulenzile ukuti yangaya ponga nuweliwe. ¹⁹ Kweni Yesu atazumilizizye kweni, wamunenyile, '' yanga kung'anda yako nakuyanthu yako ukawanene vino Leza wakuwombela, na muno wakulanjizizya ululuse.'' ²⁰ Apano wapisile nukuya talika ukuvwanga mu Delapolisi ivinthu ivikalamba vino Yesu wamuwonbile, swinya wensi wazungwike. ²¹ Nomba pano Yesu walamba swinya imbali yuze muwato, iwumba ilikalamba, lyamukonganile nukumuliwira , pano walinji kumbali kuli yemba. ²² Apano wenga uwanthunguluzi wza nanda ya mapepo wino yamwamanga Jayilasi, lyo wamulola waponyile mumakulu yakwe. ²³ Wamulenzile umwakupyanizyapyanizya nukuvwanga , '''umwanane umunono umukazyana ali papipi ukufwa. Nkhulenga ndakuno yika amakasa yako pali weliwe limwi angaya ningo nuwumi. ²⁴ Ngawayile nawe ponga ni wumba ilikulu lyamukonsile nukumukonganila nukutitinkhana kupipi nukumuliwilizya. ²⁶ Nomba kwali mama wino wazwanga uwazi imyaka ikumi lyonga na yayili. ²⁵ Wachulike sana kuli yasing'anga ayinji swin ya wonwine vyonsi vino wali navwo, kweni ukuti aye ningo apano vyayanga umunkholelo. Lyo ²⁷ wuvwa ilandwe lyakwe Yesu, wayile kunsizi kuli Yesu mwiwumba nukukumya ichizwalo chakwe. ²⁸ Pakuti watile, ''nanthi ningakumya ichizwalo chakwe, ningapola.'' ²⁹ Lyowamukumya ukufuma kwawazi kwalesile, nupya wuvwile mumwili weliwe ukuti wapola kuwulwale wakwe . ³⁰ Papokwene Yesu wayimanyile ukuti amaka yafuma mwenemo. Wasrnwike mwiwumba nukuvwanga ukuti, ''Aweni wino wakumya ichizwalo chane?'' ³¹ Ayalondezi yakwe yatile kuliweliwe, 'Nawe ukulola ukutitinkhana kwiwumba lino lyakuliwila, swinyaukuti, '' ³² Aweni wino wankhumya?''' Kweni Yesu watalanginye ku na ku ukuti alole wino wachisile ichamusango wu. ³³ Umwanachi pakulola chino chamuwombechile, wapanzile inthete nukuzakaza. Wayile nukupona pansi nukumunena ichisinkha chonsi. ³⁴ Wamunenyile ukuti, '' mukazgana, isuwilo lyako lyakupozga. Pitanga mumutende nupya upole uwila.'' ³⁵ Pano wavwanganga , anthu yamwi yizile ukufuma kuli yamwene ya ku Sinagogi, yatile,'' umwana ako afwile, ichani chino mukumutamya umusambilizi insita yonsi. ³⁶ Kweni lino yesu wuvwa amazgu yano yalandangwa , watili ku nthunguluzi zgang'anda yamapepo,'' Mutati mwatina . Kweni suwilanji. ³⁷ Atamuzumilizizge nanthi wenga ukumukonkha weliwe loli Pita , Jemusi na Joni umukulu wakwe yakobe. ³⁸ Yizilekung'anda ya nthunguluzi ya ng'anda ya mapepo waweni anthu yakwe yakupanga ichongo ichikalamba; nukulosya nkhani. ³⁹ Lino winjila mung'anda wawanenyile ati, ''íchani chino mukupanga ichongo swinya nupya ichani chino mukulila ? Umwana atafwile kweni akaswile .'' ⁴⁰ Yamusenzile kwene wawafumyizge wonsi kunzi nukumusenda yisi wa mamwana na nyina na wonsi yano walinji nawe, nukuya kuno kwalinji umwana . ⁴¹ Wasenzile ikasa lya mwana nukumunena , '' Talitha, koum!'' chino chikusula , '' mwana umunono, nkhukunena, katuka. '' ⁴² Papokwene umwana wakatwike nukupita (walinji ni myaka ikumi lyonga na yili). Papokwene yazungwike sana . ⁴³ Kawachinyinthizge sana ukuti patati paye wumwi uwakuti amanye vino vwawombwa . Nupya wawanenyile ukuti yamupele ichakulya ukuti alye.