¹ Akatondo sana, yasimapepo yakomenkhine ponga nayakalamba, nakawalika ni wungwe lya wayuda. Apano yamunyefile Yesu nukuyanawe. Yamutwazile kuli Pilato. ² Pilato wamukolowozizge,'' wuzge wewe we mwene wa yayuda?'' Wamwaswike, '' muno walandila avivyokwene.'' ³ Yasimapepo ayakalamba yamulandulanga pa vinthu ivinji. ⁴ Pilato wamukolowozizge nupya,'' uzge usi namazwi yakwasuka? Lola ivinthu ivinji vinoyakukupela navyo umulandu.'' ⁵ Kweni Yesu atamwaswike nanthi chimwiPilato. nakupya chino chamuzungwisye. ⁶ Nomba pansita yinsechelelo, Pilato akavule wawafumyizganga umufungwa wenga wino yamulonda, ⁷ nakapya palinji umunthu wino yamwamanga Balabasi mung'anda yaminyololo ponga nivipondo vino vyalinji numulandu uwakukomwa pansita yakusambuchilana. ⁸ Iwumba lyizilekuli Pilato nukutalika ukumuwuzichisya ukuti awombe ngati vino wawombelanga kali. ⁹ Pilato wawaswike, '' Mukulonda nene musapule mwene wawayuda.'' ¹⁰ Pakuti wamanyile pakuti walinji umulandu chino yasimapepo yakalamba yamutwazile Yesu kuli weliwe. ¹¹ Kweni ya simapepo yakalamba yavulunginye iwumba ukuti yapunde mwakukwezga amazwi ukuti Balabasi yamusapule mu malo mwakwe ¹² Pilato wawaswike nupya nukuvwanga ukuti, nomba mukulonda tuti chani numwene wachiyuda ?'' ¹³ Yapunzile nupya'' musamikini.'' ¹⁴ Pilato wawanenyile , '' Awovwile mulanduchii?'' Kweni yapunzile umwakupitilila , '' musamikini.'' ¹⁵ Pilato wakasi ukulikusya iwumba , wamusapwile Balabasi kuli woliwo. Wamuchafile yesu nukumutwala ukuti yamusamike. ¹⁶ Ayakeya ya nkhondo yamutwazile mukasi mwipembo( ayano amalo ayakulu ayankhombe), nukuwakonganika ponga wonsi amakeya ya nkhondo. ¹⁷ Yamuzwisile inkhanzu iyiyenzu Yesu , nukumusumila ichisote cha myunga nukumuzwika ¹⁸ .Yatalike ukumulamuka nukuvwanga, ''mwapola, mwene wawayuda .!'' ¹⁹ Yamumile pa mutwe nisinzo nukumuswilila amati. Yafukime nukwinama nukumupela umuchinzi pamanso yakwe. ²⁰ Lino yamusamula , yamuzuzile inkhanzu iyiyenzu nukumuzwika imyenda yakwe , nukupita vawe kunzi pakumusamika. ²¹ Umunthu wumwi, Simoni waku Sayilini wafumanga kunsi ( walinji a yisi wakwe Alekezanda na Rufasi), nga yamupatichizizge ukunyamula uwuchingane wakwe. ²² Amakeya ya mutwazile kumasyo yano yamwanga Gologota( chino chikupiliwula, '' amasyo ya mafupa yakumutwe''). ²³ Yamupile uwengwa uwusanzyinkhane na mule, kwene wakanyile ukumwa. ²⁴ Yamusamike nu kwankhana ivivyalo vyakwe pakuvwanga sana ukuti chino umukeya aliwensi. ²⁵ Lyali i oola lyakwe chitatu pano yamusamike. ²⁶ Pachimanyisyo yalenvile ivinthu vino vitamuyine , '' Mwene wayayuda.'' ²⁷ Yamusamike ponga nivipondo vili , wumwi walinji kwikasa lyakwe ndilo nawumwi walinji kwikasa lyakwe kamani. ²⁸ Izwi lyakwanilisizwe lino likati ,'' yamupenzile ponga nivipondo.'' ²⁹ Yani yachilinganyanga yamutusile, yapunzyanga imitwe, ''Eya! awe muno ungonona ing'anda yakwe leza nukuyizenga nupya amanda yatatu. ³⁰ Yitule wemwenecho nukwika pa wuchingane.!'' ³¹ Munzila iyiliyimwi yasimapepo ayakalamba yamuselewulanga pa wonga , ponga nakawalika yamwi, yatile, '' wawapuswisye yamwi kweni atange ayipususwe umwenecho . ³² Lekini Khilisitu , imfumu ya iziliyali, yike likwene ukufuma pa chichinganiko,'' Apano wino yamusamike nawe wamukalipile ³³ Apano ukufika i ooola yakwe chisano na lyonga , infwinzi yaponyile insi yonsi mpaka pa maoola yasnu natanayi. ³⁴ Pamaoola yasano nayanayi Yesu walizile namazwi yapapela , Eloyi, Eloyi, lamasabakatani?'' yano yapiliwulanga ukuti , '' leza wane, leza wane, mwansila chani nene ?'' ³⁵ Pali yano yimilile kupipi yuvwile amazwi yakwe nga yatili, ''Lolini, akwama Eliya.'' ³⁶ Wumwi wutwike , wapaka uwengwa kuli pamba , wayika kunsonzo , ngawamupile ukuti amwe . Umunthu watili,'' Leke tulole nanthi Eliya angiza pakuzamwisya .'' ³⁷ Nga Yesu walizile nukupunda nga wafwile. ³⁸ Umwenda wakuchinga mung'anda yakwe leza walepwike pakasi ukufuma papela mpaka pansi. ³⁹ Umukalamba wayakeya wino wimilile papipi pali Yesu waweni ukuti wafwa munzila yii, watile,'' nadi umunthu wi walinji umwana wakwe leza .'' ⁴⁰ Palinji nayanachi yano yalolechesyanga ukuma apatali. Pali woliwo pali Mele Magadalini, Mele( mama wakwe Yakobe umunono nawakwe Jozesi), na Salome. ⁴¹ Pano walinji mu Galileya yamukonsile nukumupususya. NAyinji ayanachi nawo yizile nawe ku Jelusalemu. ⁴² Pano amanguzi yizile, pamulandu wali uwanda wakupekanya , alichino, uwanda wakuti umulungu wutani wufike. ⁴³ Josefu uwa Alimafiya wizile , walinji umuchindikweb wino walindililanga uwumwene wakwe leza . Nichikanga wayile kuli Pilato pakuyalenga umwili wakwe Yesu. ⁴⁴ Pilato wazungwike muno Yesu walinji ukuti afwile ; wamile ayakeya nukuwuzichisya nanthi yesu wafwile. ⁴⁵ Lino Pilato wamanyiswa nayakeya ukuti Yesu wafwile, wamupile umwili Jozefu. ⁴⁶ Jozefu wakazile isanda . Wamufumyize pa chichingane, wamuvunzile mumwenda , nukumuyika mwilalo lino lyinvwile pamawe. Ngawakunkhulusizge iwe ukuchinga pamulyango wilalo. ⁴⁷ Mele magadalilni na mele mama wakwe Yesu waweni amasyo yano Yesu yamuzisile.