¹ Lino kwasyala amanda yayili ukuti ukusechela kwakwe pasika nukusechela kwa chibama ichawula ichilungo kuchitwe. Yasimnapepo yakalamba nakawalika yalonganga inzila iyakumulemela Yesu nikumukoma . ² Apano yatili, '' tutachita chino pansita yakusechela , amuno ayanthu yangatalika ivyongo .'' ³ Pano Yesu walinji mumuzi wakwe Betaniya umung'anda yakwe Simon uwamambombo , lino watalika ukulya, pizile umwanachi wino wali ninyungu ya ngulo iyamafuta ayamutengo , yakwe nado umwenechomwenecho. Watamile inyungu yilya nukumwitila amafuta pamutwe. ⁴ Kweni pali yamwi yano yasosile yavwanzyananga ayati, ''Ichani chino amafuta yangononeka vikwene? ⁵ Amafuta yano ngali yakazwa pamiyanda yitatu( 300), nukupela ayasaluke,'' Apano yamukalipile umwanachi wilya. ⁶ Kweni Yesu watili, ''mulekini ichanio chino mukumuyinya? Wawomba ichinthu ichikulu sana kuli nene. ⁷ Mukuya nayasaluke insita zyonsi , Ninsita yonsi yino mungalonda mungawachitila ivisuma , lelo mutalaya na nene insita zgonsi. ⁸ Wawomba vino afwole ukuwomba . Wapachila limwi umwili wane amafuta ya pakuzikwa kwane. ⁹ Ichumi nkhuvwanga kuli mwemwe , ponsi pano palatandwa ilande ilisuma umunsi yonsi iyapansi, nachikwene chino umwanachi wino wachita chilatandangwa, nukuya ichakumwizuchila .'' ¹⁰ Apano Yuda isikaliyoti, wenga uwikumi na yayili(12) wafumile nukuya kuli ya simapepo yakalamba ukuti angamutwala kuli woliwo. ¹¹ Lino yasimapepo yakalamba yuvwa, yasechile ayamulaya nukuti yamamupela namakopala . Apano weni watalike ukulonda inzila ikumulemesya. ¹² Uwanda wakutandika uwachibama ichawula ichilungo , lino yakoma umwa wa ng'onzi wa pasika , ayalondezi yavwanzile kuli weliwe ayati , ''Awukwi kuno tungaya tukayanye , ukwakuti mukalile pasika?'' ¹³ Watumile ayalondezi yakwe yayili watili kuwoliwo , ''Yanji mumusumba , mumunthu wino anyamwile insembo yamanzi akuyawakomenkhanya . Mumukonkhe. ¹⁴ Pano winjila mung'anda, mukamukonkhe nukumuwuzga umweni ng'anda , ' Umusambilizgi akuti, '' Ichipitu chane ichayenyi chilikwi chino nimalilamo pasika nayalondezi yane.''' ¹⁵ Akuyawalanga ichipitu ichikalamba ichapapela ichizifye mphiti. Mukatuyanyizge limwi kulyakwene. ¹⁶ Ayalondezi yakatwike nukuya kumusumba . Yazanyile vyonsi ngati muno muno wawanenile, alino yapekinye ichakulya chakwe pasika . ¹⁷ Lyene ukumanguzi, wizile ponga nikumi na yayili ( 12 ) . ¹⁸ Lino yikala pitewulo yatampha nukulya, Yesu wavwanzile,'' Ichumi nkhuvwanga kuli mwemwe , wenga wakwe mwemwe wino akulya na nene alinkhana nene.'' ¹⁹ Wonsi yizile yuvwa uwila , apano wenga na wenga yatili kuli weliwe, '' wuzge anene?'' ²⁰ Yesu waswike nga wavwanzile kuli woliwo, '' Awenga mwikumi nayayili , wumwi wino lonsilu akutela nanene ponga mumbale . ²¹ Pano umwana wa munthu alipita ngati vino chalembwa chakwe weliwe . Kwene umukosi kumunthu wiyo wino umwana wa munthu akukanwa! Ngali chali ningo kuli weliwe ukunthavilwa.'' ²² Pano yalyanga , Yesu watozile ichibama , wapepile, nukumonyola . Wawapile nukuti '' Tolini chino. wuno umwili wane.'' ²³ Watozile ichikombe , wasalifizge , nukuwapela , apano wonsi yamwelilemo. ²⁴ Watili kuliwoliwo , '' wuno uwazi wane wilayizgo , uwazi wuno wukwitichila ayavule . ²⁵ Ichumi nkhuvwanga kuli mwemwe , inthalamwapo kupya ichachikomwa chi mphaka uwanda wuno indamwa ichpya mu wufumu wakwe Leza.'' ²⁶ Lino yimbila ulwimbo , wafumile nukuya kumwamba wa Olivu. ²⁷ Yesu wavwanzile watili , ''Mwensi mulapona pakuti chawalikwa, ukuti indakoma kachema nga ning'onzi zilasata.'' ²⁸ Kwene nanthi niza nazuswa , indawakolelela ukuya ku Galilrya .'' ²⁹ Peteli watili kuli weliwe, ''Napano wonsi yangapona nemo inthanga.'' ³⁰ Yesu watili kuli woliwo , ''Ichumi nkhukunena wewe , ilelo -iii, uwusiku wukwene- pano mukolwe atani alile kayili ukuzankhana katatu.'' ³¹ Kwene Peteli watili, '' Napano nkhufwa nawewe , nyhange nkhukane ,'' Wonsi yalayizizge chilichimwi. ³² Yizile ukumasyo yakwe Gesemani, Yesu wavwanzile ku yalondezi yakwe ati , ''Ikalini tasi paa pano inkhupepa.'' ³³ Watozile Peteli , Yakobe , na Yohani ponga na weliwe yatalike ukuyuvwa nu kuchula sana. ³⁴ Watile kuli woliwo, '' indinipyu, mphaka pa kufwa. Syalini pakwene mwalolechesya.'' ³⁵ Lino wapita panono , Yesu waponyile pansi nukupepa nanthi chingaya ichakuchitwa kasita wilya nge wamupitililanga. ³⁶ Watili, ''Abba, Tata, vyonsi ivinthu ivyakuchitwa nawewe. Fumya ichikombe chi kuli nene. Kweni kutaya ukulonnda kwane kwene kwakwe wewe.'' ³⁷ Wawelile nukuwazana yakaswile, apano watili kuli Peteli '' Simoni, akaswile ? Nge uti ukulola i ola lyonga? ³⁸ Muye minso nukupepa ukuti mtinjila umumezyo. Umuzimu nzdi wukulonda kweni umwili uwofoke. ³⁹ Nakupya wafumilepo nukupepa, nukuwelezga amazwi ayaliyamwi. ⁴⁰ Watili wiza nakupya , wazanyile yakaswile, amuno amanso yawo yanyomile. Yatamanyile chino yangavwanga kuli weliwe. ⁴¹ Wizile kakwe chitatu nukuti kuli woliwo , '' wuzge muchili mukaswile nukupuza? Kwakwa ! I oola lyafika . Lolini ! Umwana wa munthu akulemekwa mumakasa yayayembu. ⁴² Katukini, tuyini twapita. Lolini, wino amankhana alipapipi. '' ⁴³ Lino achili akuvwanga , Yudasi wenga uwikumi nayayili ( 12 ) , wafisile, niwumba ilikulu lino wali nalyo ni nsengo ni ndugu, ukufuma kuli yasimapepo yakalamba , yakawalika nayakalalamba . Apano ⁴⁴ wino wamukananga ichimanyilo , watili, '' Wino amamufyompha ali welie. Mumulembe nupite nawe pali ya malonda . ⁴⁵ Yudasi walile wafika , zuwazuwa wizile aya pali Yesu nukuti '' Rabi,'' apano wamufyonfile . ⁴⁶ Alino yamulemile nukupita nawe . ⁵⁰ Kweni wenga pali yano yimilile papipi wasomwile ulupanga nukupupa umuwonvi wakwe ya simapepo yakalamba nukuputula ikutwi. ⁴⁸ Yesu wavwanzile kuliwoliwo watili, ''Wuzge mwafuma , ngati mukulwisya ichipondo , namalupanga nimikunkhu pakwizandema ? ⁴⁹ Amanda wonsi yano nayanga namwe napano nasambilizganga umung'anda yakwe Leza , mutanyefile. Kweni chi chachitike ukuti amalemba yakwaniliswe.'' ⁴⁷ Wonsi yano yali na Yesu yamusile nukutuka . ⁵¹ Umulumendo , wino wazwazile umwenda wuno wayivunjilichizge, wakonkhanga Yesu. Lino yamulo ⁵² wawusile umwenda wulya nukutuka tupu. ⁵³ Yamutwazile Yesu kuli yasimapepo ayakalamba . Kulya yakongine nawe ponga wonsi yasimapepo ayakalamba , nayakawalika. ⁵⁴ Nomba Peteli wamukonkhanga ukufuma apatali , mpaka pamusolo wakwe simapepo mukalamba . Wizile ponga mna yakalamba yano yotanga umoto. ⁵⁵ Nomba yasimapepo yakalamba nakawungwe konsi ka ma Juwishi yalondanga uwukamboni wakwe Yesu uwakuyana namuno yangamukomela . Kweni yatawuzanyile. ⁵⁶ Pakuti ayavule yalesile uwukamboni wawufi , kweni uwukamboni wawo wutazumilizike. ⁵⁷ Yamwi yimilile nukutwala uwukamboni wawufi nyatili, '' ⁵⁸ Twamuvwile weliwe akuti , ''Indaponya ing'anda yi yakwe Leza yino yapangwa namakasa , nga pamanda yatatu indakula yuze iyakukulwa ukwawula amakasa.''' ⁵⁹ Napokwene uwukamboni wawo wutazumilizyike. ⁶⁰ Simapepo mukalamba wakatwike pakasi pawo nukumukolowozga Yesu , ''Wuzye utakwasuka ? Ngichani chino awonsi ya yakukuchitila uwukamboni?'' ⁶¹ Kweni wamyalile nukuti ataswike nachimwi. Nakupya umukalamba wamapepo wamukolowozizye weliwe nukuti ., ''Wewe khilisitu, mwana wamupepwe?'' ⁶² Yesu watili , ''anene; mulalola umwana wamunthu ayikazile kwikasa lyamaka lyakwe ndilo akwiza namawingo yakupela. '' ⁶³ Simapepo umukalamba walepwile ichizwalo chakwe nukuti, ''Wuzge tuchili tukulonda yakamboni? ⁶⁴ Muvwa ivilumba vwakwe. Mwemo mukutipo chani?'' Wonsi yamususizye nukuti wi infwa yimulingine. ⁶⁵ Yamwi yatalike ukumuswilila amati nukumuvimba ukuminso nukumuchapa nukumunena ukuti, '' lotela '' Yakawomba yamutozile nukumuma. ⁶⁶ Lino Peteli ali pansi pa ng'anda ya milandu, wenga uwayantchito yakwe simapepo umukalamba wayile kuli weliwe. ⁶⁷ Waweni Peteli akota umoto , apano wamulolechesizye nukuti , '' Nawe wali numunazalini, Yesu. '' ⁶⁸ Kweni wachikanyile, nukuti, '' Nthamumanya nupya nthakuvwa vino ukuvwanga.'' Alino wafumile kunzi pamupongolo. Apano mukolwe walizile. ⁶⁹ Kweni umwanachi wantchito wamuweni nga watalike ukuvwanga nupya kuli yano yimilile palya, '' Umonsi wi awenga wakwe woliwo!'' ⁷⁰ Kwene wachikanyile nupya . Lino palenjela panono yano yimilile palyakwene yavwanganga kuli Peteli, ''Ichendi uli nawo ponga , amuno nawe kwene wemugalileya.'' ⁷¹ Kweni watalike ukuyitipa nukulapa, ''Inthamumanya umunthu wi wino mukutaka .'' ⁷² Apano kasita wiyokwene mukolwe walizile kakwe chili. Apano Peteli wizwike amazwi yano Yesu wavwanzile kuliweliwe: '' Lino mukolwe atani alile kayili, ulinkhana katatu,'' apano waponyile pansi nukulila .