¹ Nomba ayapositoli nayato yano yali mu Yudeya yuvwile ukuti ayamitundu nawo yapochelela izwi lyakwe Leza. ² Lino Peteli wwiza klu Yelusalemu, yano yali ataputulwe yamuvwanzile; ³ Ayati,'' wakongine ponga nayawula ukuputulwa nukulya nawo ponga !'' ⁴ Kwene Peteli watalike ukuwalondolwela muno vyayelile ,aati, '' ⁵ Nenkhupepa mumusumba wa Jopa , nganenalola ichisunjilo chavinthu chikwika pansi, ngati ichimwenda chalechezwa ukufuma kupela mfyoti izinayi. Chichile kuli nene. ⁶ Nachiweni nukuchelenganya . Naweni ivinyama ivyamakulu yanayi nivyamunsi , ivinyama vyamumphanga , ivinyama vyamupela . ⁷ Nganuvwile amazwi ayati kili nene, 'katuka , Peteli; koma nukulya ! ⁸ Natile, ' nsumolimo Leza ; payaya chino chitapepwa pamwi ichiyipe chino chinjila mumulomo wane.' ⁹ Kwene amazwi yuvwike ukufuma mwiyulu, 'Chino Leza wachgiswefya , utati wachama ukuya ichiyipe ;' ¹⁰ Vii vyachitike katatu, apano vwonsi vwasenzilwe nupya ukuya kwiyulu. ¹¹ ''Lemasya , papokwene pali palinji ayanthu yatatu yano yimilile mung'anda muno twalinji;yatumilwe ukufuma kuli Kayisale ukwiza kuli nene. ¹² Umuzimu wandamwile ukuti imphite nawo , kweni nthati mphusane nawo . Ayalumendo ayasano nawenga ya twayile nawo mung'anda ya munthu wilya. ¹³ Watunenyile muno walotile ayangelo yimilile mung'anda yakwe nukuti,' tuma ayanthu ku Joppa nukuti mukaleta Simon wino akayamwa Peteli. ¹⁴ Amayiza avwange ilandwe kuli mwemwe lino limawapususya na wonsi yano mwikala nawo mung'anda zinu.' ¹⁵ Lino natalika ukuvwanga kuliwoliwo , umupasi wizile pali woliwo ndi vino chali kulisweswe panthandiko . ¹⁶ Nizwike izwi Lyakwe Leza , muno wavwanjile ukuti ,' Umulimo Yohane wawatizizwe namanzi ; kwe ulawatizwa numupasi uwutisye.' ¹⁷ Kweni nanthi Leza wawapile ichawupi chakuyana naswe lino twasuwalila muli leza Yesu khilisitu, nalinji neweni, ukuti mususye Leza ?'' ¹⁸ Lino yuvwa ivinthu vino , yataswike nachimwi kweni yamulumbwile Leza nukuti, ''Apano Leza wapiliwula imyanzo yawanthu ayamitundu kwene'' ¹⁹ Nomba kuli wonsi yano yasalangine pamulandu uwakumuchuzga Sitefano vizile vyuvwika konsi na ku Fonishani, Sayipulasi, na ku Antiyochi, ukulumbilila kuyayuda yatupu. ²⁰ Kweni yamwi pali woliwo , Ayanthu yakufuma ku Sayipulasi naku Sayilini , yizile ku Antiyoki yavwanzile bnupya kuya Giliki, ukuwawuzga amazwi ayasuma yakwe Leza Yesu . ²¹ Ikasa lyakwe mwene lyali nawo; ayavule yasuwile nukuwelela kuli Leza. ²² Ilandwe lyakwe woliwo lyuvwike mumakutwi yang'anda yamapepo mujelusalemu, nga yatumile Banabasi ukuya ku Antiyoki. ²³ Lino wiza nukulola uwila wakwe Leza, wakunzile nukuwakomya ukuti yaye na Leza numwenzo wawo wonsi. ²⁴ Pakuti walinji umunthu umuzima nukuzulililwa nupasi wakwe Leza nulusuwilo. nganayanthu yonjizwe kuli Leza . ²⁵ Banabasi lyeni wayile ku Tasasi pakumulonda Sawuli. ²⁶ Lino wamuzana , wizile nawe ku Antiyoki. Chizile chaya ichakuti umwaka wonsi yawunganananga ponga nayakapepa nukusambilizga ayanthu ayinji. Ayalondezi pakutalika yamwanga ayakhilisiti yamu Antioch. ²⁷ Nomba mumanda ya inchimi zimwi zyizile ukufuma mu Yelusalemu ukuya ku Anthiyochi. ²⁸ Wenga muli woliwo Agabasi umwizina , wililile nukulolwa numupasi ukuti kumaya inzala munzi yonsi. Vii vyawonvwilwe munsita yakwe Kulodiyasi. ²⁹ Nomba ayalondezi, muno wonso yamanyile , yelenginye ukuwavwilizga ayato yawo Yudeya. ³⁰ Yawonvile chi; yatumile imphiya kuyakalamba ukupitila mumakasa yakwe Banabasi na Sawuli.