¹ Nomba kwalinji umunthu wumwi mumusumba wakwe Sizaliya , izina wali a Kolineli , umukalamba wachipanga cha nkhondo ku Italiya . ² Walinji umunthu wakupepapepa wino wamutinanga Leza niwunvi lyakwe lyonsi , wawapanga imphiya izinji yano yalinji ayalanda , nukupepa kuli Leza papokwene . ³ Paola lyakwe chisano nayanayi pawanda, walolanga ichilola umungeli wakwe Leza wukwiza kuli weliwe . Nga ayangeli yatili kuli weliwe , ⁴ ''Koneliyasi !'' Koneliyasi wamulolechizge umungelo nga watetime sana nukuti,'' Ichani chi, mwene?'' Ayangeli yatili kuliweliwe'' Amapepo yako nivyawupi vyako kuyapotwe vyaya kupela ngati ivipepwe ivyakwizusya vyakwe Leza. ⁵ Nomba tumini ayanthu ku musumba wakwe Joppa ukuti yakaleta umonsi wino yakamwama Simoni wino akayamwa Peteli. ⁶ Akayikala na kaluka wamikwela wino akayamwa Simoni, wino ing'anda yakwe yili mumbali muli Yemba . ⁸ Lino umungeli wino wavwanga kuli weliwe wapita, Koneliyasi wamile ayantchito yakwe , numukeya wenga pali yano yamuwombelanga. ⁷ Koneliyasi wawawuzugze vyonsi vino vwawonvwilwe nukuwatwa ku Joppa . ⁹ Uwanda wamutondo pa oola lyakwe mtanda(6) lino yali pawulendo lino yapalama kumusumba , Peteli wayile pang'anda pakupepa. ¹⁰ Nginzala yamulemile nga walondanga chimwi ichakuti alye , kweni lino yakweleka ichakulya chimwi , wapilwe ichilolwa , ¹¹ ngawaweni kupela kukuyulika nichiviya chimwi chikwika , chalinji ngati umwenda wukwiza pansi pamusili, chanzile pansi nimbali zgonsi zinayi. ¹² Muli cholicho mwali ivinyama vyonsi ivyamakulu yanayi nivinthu vino vikasela pamusili nivyunyi vyamupela. ¹³ Apani izwi lyavyanzile kuli weliwe : '' Katuka , Peteli, koma nukulya .'' ¹⁴ Kweni Peteli watili, '' Savivyo, mwene; pakuti insitela indye ichinthu chino chakombela nichambula ukuswepa.'' ¹⁵ Apano izwi lyizile kuliweliwe kakwe chili,'' Chino Leza wachipanga ukya ichiswepe atatinwachama ukuti chakombela .'' ¹⁶ Chichachitike katatu; alino ichiviya chasenzilwe ukuya kumawingo. ¹⁷ Nomba lino Peteli wavulungana ni chilolwa chino wachiweni na chinochingasula , chenjelini ayanthu yano Koneliyasi wawatumile yimilile pa mupongolo, lino yawuzichisya inzila yakung'anda . ¹⁸ Yapunzile nukuwuzichisya nanthi Simoni wino wamwanga ukuti Peteli , wikalanga kulyanye. ¹⁹ Lino Peteli achili akwelenganya ivyachilola , Umuzimu watili kuliweliwe,'' chenjela , ayanthu yatatu yakukulonda . ²⁰ Katuka yanga pansi upite nawo. Utalanguluka upite nawo, amuno anene mbatumile .'' ²¹ Apano Peteli wayile pansi kuyanthu watili ,'' Anene ne munthu mukulonda . Ichani chino mwiza ?'' ²² Yatili,'' Umukalamba wamakeya izina lyakwe Koneliyasi umunthju umutele nupya wenga wino akamutina Leza , nupya akavwangwa uwusuma mumisumba yonsi iyayayuda , wawuzizwe numupasi uwutiswe wakwe Leza wukukwama ukuti uye kung'anda yakwe, nga wuvwanga izwi ukufuma kuli wewe .'' ²³ Nga Peteli wawamile ukuti yinjile nukwikala nawe. Akatondo kakwe wanyamwike nukupita nawo, nayato yakwe yamwi yizile ukufuma ku Joppa alinji nawe ponga. ²⁴ Kum utondo kwakwe yazile ku Sizaliya . Koneliyasi wawalindililanga woliwo; wamile ponga ayalupwa nayamu yakwe ayapapipi. ²⁵ Yizile insita pano Peteli winjile , Koneliyasi wakomenkhine nawe nga waponyile pansi ukti amupepele . ²⁶ Kweni Peteli wamwavwizge ukumukatusya , avwanga ,'' yimila ! nani ne munthu.'' ²⁷ Pano Peteli wavwanganga nawe, wayile mukasi nukuzana ayanthu ayinji yakongine ponga. ²⁸ Wavwanzile kuliwoliwo, '' mwemwe mwenga mumanyile ukuti sisunde ukuti ayayuda akongane ponga ukumupitila wumwi ukufuma kunsi yuze. Kwene Leza walolesya ukuti nthayama umunthu we umukombele pamwi umukandamane. ²⁹ Achino nenizile ukwambula ukususya , , pano yanthumile . Nomba nkhukuwuzichisya watumile kulinene.'' ³³ Koneliyasi watile ,''Amanda yanayi yano yasila mu oola lii, napepanga pama oola yasano nayanayi mung'anda; nukulola umunthu ayimilile pali nene muvivwalo ivitiswe. ³¹ Watile,'Koneliyasi, amapepo yako yuvwika kuli Leza , nivyawupi kuyalanda vwamwizusya Leza vwakwe wewe. ³² Nomba tumini wumwi ku Joppa , mukamwame Simoni wino akayamwa Peteli . Akwikala munyanda yakwe kaluka wamikwela wino a Simon, mumbali muli yemba .' ³⁰ Papokwene nawatumile. Mweyawila pakuti mwiza. Nomba tuli pano swensi paminso yakwe Leza ukuti tuvwe chilichonsi chino Leza akunenyile.'' ³⁴ apano Peteli wayuzile umulomo wakwe nukuti, '' Ichumi, nkhusimichila ukuti Leza asisya nawumwi . ³⁵ Ngalino, mumusumba wonsi aliwensi wino akatina weliwe nukuwomba ichilungamane uwakuzumizgika kuli weliwe. ³⁶ Mumanyile ilandwe lino watumile ku yanthun ya ku Izilayeli , pano walanzile izwi ilisuma ukupitila muli Yesu wino Leza wakwe wonsi ³⁷ --mwemwe mwenga mwamanya vino vwawonvwilwe, vino vwachitike mu Yudeya, Ukutalichila mu Galileya, lino uwatizgo wapita wuno Yohani watasile ; ³⁸ ivwakuchita ukuyana na Yesu wa Nazaleti, muno Leza wamusoziye nukumupaka numuzimu mutiswe na maka . Wayile nukupanaga ivisuma kukupozga yalya yano yalemilwe na chiwa, muno Leza walinji nawe. ³⁹ Sweyakamboni yakwe vyonsi vino Yesu wawonvile, kwili konsi mumusumba wawa Yuda numu Jelusalemu. Yamukomile pakumusamika pamuti, ⁴⁰ kweni Leza wamuzgusizge nupya pawanda wakwe chitatu nukupanjisya ukuti aloleke, ⁴¹ sakuliwensi, kweni kuli yakamboni yano yasozilwe na Leza -- pali sweswe sweyano twalyanga nukulya nawe lino wazguka kuyafwe. ⁴² Watuzumilizizge sweswe ukuvwanga izwi kuwanthu nukukumilizya ukuti wino awuno wasolwa na Leza ukuya akapingula uwawumi naya fwe. ⁴³ Akuliweliwe kuno zgonsi inchimi zikayichila uwukamboni, ukuti wensi wino akusuwila muli weliwe alipochelela ulutetelo lwa maluyembu mwizina lwakwe.'' ⁴⁴ Lino Peteli achili akuvwanga ivinthu vii , umupasi uwutiswe waponyile pali wonsi yano yuvwichisyanga izwi yakwe. ⁴⁵ Ayanthu yano yali kwiwumba lyayaputulwe ayasuwile- nawonsi yano yizile na Peteli-m yazungwike , umulandu wachawupi chakwe mupasi mutiswe wino witilwe pa yanthu ya kunzi. ⁴⁶ Muno wuvwile ayanthu yakunzi yakuvwanga mumuvwango wuze kumutumphula Leza . Ngalino Peteli waswike, '' ⁴⁷ Alipo wino angafisa amanzi ukuti yatawatizwa, ayanthu yano yapochelela mupasimumutiswe ngati muno naswe?'' ⁴⁸ Ngapano wawanenyile ukuti yawatizwa umwizina lyakwe Yesu Khilisitu. Ngalino yamulenzile ukuti ayikale nawo amanda ayinji.