¹ Kutunda ho aha va Peturusa na Johana vana ka kele munjivo ya ku lombelela mujinguethi. ² Kutunda hou mu mala wa chilema ou va thianene ou kele mu kolomba. ³ Aha va mwene va Peturusa na Johana vaka lombele vimbongo. ⁴ Peturusa, talele chilema na Johana, vakwanyane , ''taku dhietu''. ⁵ Ou mono wa chilema wa talele, na ku ku kolahela. ⁶ Peturusa wa valekele nguedi ,'' silivela na ngolondo via hiko, enji ndilyina juo ne lyilu njiku hana lyiyu . Mu dhi dhina dha Yesusa wa Nasaretha una veluka''. ⁷ Ndivuoko dhivu dhia kana , Peturusa wa mu kukawile uho vene mahindi a chilema a vuahele. ⁸ Na tenyangele, mu mala wa chilema wa tamekile ku enda; vaka kuveile hava Peturusa na Johana ku njivu, na ku enda, kutenyangela , na kukolesa Kalunga. ⁹ Vunu vuoshe va mwene a na ku enda na ku kolesa Kalunga. ¹⁰ Vathivukile mu mala ou wakele na ku lomba mu njivu ya ku lumbela, va kala naku dhisakoula na chitetu echi cha mu kele. ¹¹ Kwa vakele na ku imbila va Peturusa na Johana, vushe vava dhianene vana Solomone va tetulale. ¹² Aha Peturusa wa va monene wa lekele vanu, nguendi vika mu tetukile eni va mala va Isilaela vika muna kutetukila? Vika muna ku tala, nguendi yetu twaka vihithile muvili mu ndhidhi ya Kalunga. ¹³ Kalunga wa va Abelahama , Isaka, na Jakopo, Kalunga wa va tate , wa dhimunekethiele mu dhi Yesusa. ¹⁴ Oye mwa twalele kuli Pilato, waka hilukile. Mwa vianene munu wa mungulu mwa tavele munu wa kuthieha. ¹⁵ Wa thihile mumbi wa mulyo, ou kalunga wa shitile tuva mbangi. ¹⁶ Mu matavelo a dhi dhina dhiendi mu mala wa mono na ndhilyi . Matavelo endi mudhi Yesusa wa mu hane o paloko wa vuchidhi. ¹⁷ Kutunda hou, vakwetu , mwa tumenene na va hunguli veni. ¹⁸ Evi Kalunga wa kwanyene na vipolopolo mu vuhe mu va polofita, nguave Kiriitusa wendi wa ku nyanda , ena mpuhuo mpudhi. ¹⁹ Leveyene ,mpani, tungulukeni mpani ouvi weni ou tunda mu ntsimbu, ²⁰ eyi yina kuinjia kudhi Njambi mpani wa tumile Kirisitusa mundhi yeni Yesusa. ²¹ Wa kee wa kwilo lu kovela na ku yaloka, kwa ku vuoshe evi Kalunga wa kwnyine mu ntsimbu ya vapolofita. Vindi va mono wa ongulu. ²² Mosasa wa dhingile nguendi Njambi Kalunga wa kanehele va polofita wa ku dhifana nguendi ya yangi mudhiene. ²³ Na tu tudhila vuoshe e viva mu lekethia kuna ku kaleka nguavo vuoshe a va va kueneka ku tundhila ku va polofita va kuva vihithile. ²⁴ Yavuchili, va polofita vushe va ku Samuela vushe va ka kie ndhile nendi, va kwanyene mu kuveenja kwa ma tangua kwendi. ²⁵ Vapolofita va ku tambakana kudhi kulo Kalunga ou wa pangela vakulu kuendi muva kunyene kudhi Abelahama,' muna ku kala muva vengi mu dhikulu ha chifuti chia vua mwa munguulu'. ²⁶ Aha va Kalunga wa tumine va pangeli vendi, wa tumine , a ye dhika dhiendi, kumuvua he thila na ku mu thu mwithia mu vu vuivi''.