¹ Ha dlidangwa dla pendekosta ha yenthile, vakelele hamuleka movukalo. ² Vadundela kweluu kuvwa ngue moyoyo wa mpundi ya kama, kutunda ya kovelele monjivo yo shee ye vakeze. ³ Va dlemonekethile mo ndaka yavo ngue mondilo wa kuvahanahana, kutundaho va shengele na mokwavo . ⁴ Va va hakele voshe mphundhi ya ko pongoka kutundaho va tamekele ku kwanya mo ndaka ya vakwavo , mo mphundhi ya ko pongoka o ye va va hakele. ⁵ Kwa kele vano vakweneka tuvuha va vakele mo Yerusalema, momala wa Kalunga , mo chevute chose wa kwelu . ⁶ Havovile moyoyo, venthile voshe hamodlika kutundaho kwa kele ku dli talatala na kudlehula mo dlenga voshe vavovilwe va kwanya mo ndaka ya. ⁷ Va kele mokudle tumila mwa kama, ngwao, mwachindile ngue ngechi yeni mo kwanya Galileans? ⁸ Vate kukala ngue tunavatodlelela, ou na ou mo a dla na ndaka yende? ⁹ Parthianas na Medesa na Vlamitesa na va vakala mo Mesopotamiya, mo Yudeya na Cappadosiya, mo Pontusa na Asya, ¹⁰ Phrygiya na Pamphylya, Ehepito na mochifuti cha Libya ku ya Cyrena, na vangethi va Roma, ¹¹ Yewusa na proselytesa, Cretena na Vaarabya, twa vovuele va twanya ndaka yetu mo chipanga cha Kalunga. ¹² Va komokele voshe na ko dlihula ; va lekele va twavo, vika ve? ¹³ Vamwe vamothamenene , vamodlinga nguavo vwala vuo vuinge kuno. ¹⁴ Petorosa ko kwemana na dlikumi na chimodlika, ko ku kwanya, ko ku valeka, Momala wa mo Yudeya na voshe na va kala Yerusalema, dlingeni vuema va ve mone modlini, todlidlela ku majue a nge. ¹⁵ Ku dleni vanu venika ku penda ngue yove, nguemwe vidle mo vu tatu va dletangua vene. ¹⁶ Yakeyo nja handekele mo dle Moporofita Jove. ¹⁷ Momatangua a ko manetha vikala, Kalunga a dlengele, tanga nje haka mpunthi ya ko pongoka moluto loshe. Vana vove vava mala nava vakenu va polopheta vakala, vana vove va mala vava ndende tanga va mona chifuti? ko che ya, va mala vako kulupa tanga va lota maloto na maloto. ¹⁸ Chedle na mo vingamba viange na vingamba va va kenu mo matangua aye tanga nje haka mpunthi ya ko pongoka, ¹⁹ tanga va kala va poropheta. Tanga nje mo monetha che mwe mwanaka ko mona kwelu na ve monetha ha dlevu, maninga,modlelo, na mwethi wa malemo. ²⁰ Dletangua tanga va dle twala ku mathike na mwethe ko ou twala ko maninga mokuvanga weno na kou dlemonekamo dle tangua la Yesose ha dlenja. ²¹ Tanga vikala mo voshe va va thana Kalunga tanga va va kunga. ²² Momala wa Yeseraela, uvua majue: Yesusa wa ko Naseretha momala a kele ko ku modlengela Kalunga modlove mo mondhidle vipanga na kutetuka na vimoneketha o ve Kalunga a hatele navue ku dlende mokati keni, ngue mo wa dhivuka yove . ²³ Ou momala wa Kalunga a mohameneni kumo thivoloketha ngela ha va vanga ku mohana, na yove, mo dle voko dla momala wa kweneka ko waha, mohakene ha chite cha chihapano mo mohake vekungo mo mothihe. ²⁴ Kalunga a momwekele, ko ku motuhwiitha ku kola kwa mo vitha yende, mokudlinga kwa kele mwakweneka ku vuaha mo dlende mo ku mukwatha ngachiye. ²⁵ Davita a kwanyeni nendi, Mwene nje mona mo kuvanga njemone chefaketha change, mo ko dlenga modlange na modle voko dla ku waha mokudlenga na kweneka ko nje tuhwiitha. ²⁶ Kutundaho mbonge yange ya dletumile na ndaka ya nge ya tovalele. Na lutu lwange tanga lukala mo nje na kulupela. ²⁷ Kudlove na kweneka kwechela mpunthi ya ko pongonga na vava kutha, hambe yove tanga o tava ko pongoka kove va ko mone kwendethela kove. ²⁸ Wa nje panga nje thevuke ngela ya vukalo, O nje haka ku dle tumela kwa kwenge na chifaneketha chove. ²⁹ Vakulunu vange, ku kala weno ku dlyange mo ku kwanya nine na ndhile yange voshe mo dle David, vavoshe va thile va va, vumbekele, na dhimbimbo dlinde mudlitu dlidle matangua ano. ³⁰ Kutandaho a kele moporofita na ko dhiva Kalunga a dle na ku dledhinga na ku mohana vuchidle tanga va tula vukalo wa dleungo dla ndumba yende ou tangaechela mo chipula chinde. ³¹ A ve mwene tanga ve kalaho mo kalutwe a twanyeni na kutha na kuhenduka Kresetose, a dlenga nguende ndhile yende na ku wechela kwahe ma va vakuta, movela ko wa volele. ³² Ou Yesuse -Kalunga va mo shetwele mo kodlenga netu tuva tu vambange. ³³ Kutundaho, va va kutikele mo mavoko a Kalunga na kutambula o ye va tu kwethile ya mpundhi ya kupongoka mo va tate, A hakele ve tuna mona na ve tu vua. ³⁴ Dafita ngeche twa dlepulule kwelu, ko ku kwanya ku dlende, Mwene a kwanyane na Mwene wange , kala modlevoko dlange dla kuwaha ³⁵ ambe tanga nge panga na vano va kuviha vakweneka kuvuaha modlove chipula chakwelu cha mahendi ove. ³⁶ Kutundaho, theni njevo yoshe ya mo Yesaraela vakale na ku dhivuka nguende Kalunga a mo pangele na voshe va mwene na Kresetose, ou Yesuse e ya wa hakele ha chehapano. ³⁷ Ha vovuile ve, mbunge yavo ya kele ku thinganyeka, ku ko leka petorosa na vaposotola voshe, vakuluno vange va va mala, veka tu panga?'' ³⁸ kutundaho petorose ko ku mo vadlengaa nguende, tudleya na kudlembatisa, oumwe na oumwe, mo dlethena dla Yesuse Kristusa a kwatele melonga yeni, tanga mowana ya ku vumwi a mpundhi ya koponga. ³⁹ Kukulahetha ku kove na vana vove na mo voshe o va vadle hale, na movano vavange Mwene Kalunga weto ou tu thana. ⁴⁰ Na majui amo a menge a vuchedle na ko va dhivuketha, ku va dlinga, dle kungeni mo vuema via kutohuka mo mongela ya kweneka ku waha.'' ⁴¹ kutundaho va vambwele majui a nde na ko va mbatesa, na ku va wedlelela mo dle tangua dlaho va kele 3000 monyo. ⁴² Va dle takamethele mo vaposetola ko longesa na mvunga, mo ku vatuka kwa voloto na mo ndapelo. ⁴³ Ku dle tewa kwendhile ku monyo yoshe, vatetukele vuenge wavo na vimoneketha vave pangele ku vaposetola. ⁴⁴ Va vana tava voshe ha modleka tudle na va vadle na vuema voshe o ye vadhivuka, ⁴⁵ kutundaho va vahanahana viavo na ku laula voshe ngue mo vua kala voshe vakalele navue. ⁴⁶ Dlitangua dla tile va dlitakamethele mongela e modlika mo njevo ya ko lombela. Va vatwele vuloto ku mambo avo, va dlile vuekudla hamodlika na ku dlitumela na mbunge ya kudlikutekela. ⁴⁷ Tava mo dli Kalunga na ku kala na ku waha mo vano voshe, na dlitangua na dlitangua Mwene a vawedlilele o va va kungele.