¹ Nu ko muengeri uo kereka ja Sardisa tjanga, Omambo Ua Ingui nguna o Zombepo Hambombari za Mukuru no zonjose hambombari. Me tjiua o viungura vioje. Kutja una ena rokutja u hupa, nu ua koka. ² Kara katumba nu kukutisa o vina mbi mbia seua po, mbiri pooku koka. Orondu hi vazere o vitjitua viioje a via jenenisiua po murungu ua Mukuru. ³ Opu ua soku zemburuka kutja ua jakurire nu ua zuvire vi. Nu o takamisa no riverere ko ndanaukiro. Nu nambano ove tji u hina ku kara katumba, Ami Meja otja erunga, nu kona ku tjiua o iri ndji me raukire kombanda joje. ⁴ Nunguari una o mana uo vandu o matiti mo Sardisa mbe ha tundire o zombanda zauo, nu ovo ma veje ku kaenda pueena Ami, ava zara uvapa, orondu ovo va puirua i nao. ⁵ Ingui ngu ma tona, inguo o ngu ma huikikua o zombanda o zombapa, nu Ami hina ku piena ena re Membo ro Muinjo, nunguari Ami Me hongonona ena re po murungu ua Tate, napo murungu uo vaengeri Ve. ⁶ Ingui nguno kutui nga zuve kutja o Mbepo mai tja vi ko zokereka.''' ⁷ Nu ko muengeri uo kereka ja Filadelfia tjanga; Omambo Ua Ingui nguri o mujapuke no nguri o uatjiri, Ingui nguna o tjipaturure tja David, Ingui ngu jezurura ape ha ningi o mundu ngu ma jezere, Ngu jezera nu ape ha ningi umue nguma jezurura. ⁸ Me tjiua o viungura vienu. Tareje, Ami mba zika po murungu uenu omuvero mburi kamuaha, nu kapena mundu ngu me u jezere. Nu Metjiua kutja ene muna o masa o matiti, nu mua takamisa Embo Randje nu ka ripatanene ko ena Randje. ⁹ Tareje, Ami Me tjiti nai ku imba ovo sinangonge ja Saatana, mberi heja kutja o Vajuuta, nu ave heri vo, nunguari mbe kora o vizeze; Tareje Ami me tjiti kutja veje nu ve rikotamene po murungu uo zombaze zenu. Ovo otji maveje ku tjiua kutja Mba suvera ove. ¹⁰ Ene tjinga a mua takamisa Embo Randje ro muretima, Ami uina o tjinga meje ku mu takamisa [kutja amu ha hiti] mo ire jo marorero ndji ma ija kombanda jo uje auhe, oku rora imba mba tura kombanda jehi. ¹¹ Tareje Ami Meja tjimanga. Takamiseje imbi mbi mu navio kutja ape ha ningi o mundu ngu memu jeka o tjikrone tjenu. ¹² Ingui ngua tona, Ami Me mu ungura o ngunde mo ndemberi ja Mukuru Uandje. Nu eje kanaa uhuara ama piti mu jo. Nu Ami Me tjanga muje ena ra Mukuru Uandje, nena ro tjihuro tja Mukuru Uandje, Jerusalema o tjipe, tji matji rauka oku za mejuru ku Mukuru Uandje), nena Randje epe. ¹³ Ingui nguno kutui nga zuve kutja o Mbepo mai tja vi ko zokereka. ¹⁴ Ko muengeri uo kereka ja Laodesia, tjanga: Omambo ua Ingui o Amen, Ingui o mutakame no muhongonone uatjiri, Ingui o munane jo viutua via Mukuru. ¹⁵ ''Mbi tjiua o viungura vienu, kutja kauene o vatarazu nu kauene o vapiu.Nandakuzu naa muno utarazu poo oupiu. ¹⁶ Nunguari ene tjinga muri pokati ko vivara nai, amu heri o vatarazu poo o vapiu, Ami Me mu kungure pendje no tjinjo Tjandje. ¹⁷ Mena rokutja mutja, 'ami mba tumba, nu o vina viandje via ueziua, nu hina tji mbi hepa ko.' Nu otji muha tjiua kutja mua hepauka, nu mua hara o ndjenda nu mua sionapara, nu mua potupara, nu muri muzu. ¹⁸ Nu puratenee ku Ami: Randee ku Ami o ngoldo ndja kohororua mo muriro, kutja mu rire o vatumbe, no zombanda o zombapa kutja mu huikikue, kutja o honi joku kara muzu kuenu ai heri munikisa; noku sopora o meho uenu no muti uo meho kutja mu mune. ¹⁹ Imba avehe mbu mba suvera, Mbi vera noku tona. Opu mua soku pendapara nu amu riverere ko ndanaukiro. ²⁰ Tareje, Mba kurama po muvero nu Me kongora. Auhe ngu ma zuu eraka Randje nu a jezurura o muvero, Ami Me hiti moje, nu E ri pueena je, neje ari pueena Ami. ²¹ Ku ingui ngua tona, Ami Me jandja o usemba uoku havera pueena Ami mo tjihavero Tjandje tjo uhona, tjimuna Ami tji mba tona nu e ka haama pehi pueena Tate mo tjihavero Tje tjo uhona. ²² Ingui nguno kutui nga zuve kutja o Mbepo mai tja vi ko zokereka.