¹ Ko muengeri uo kereka indjo ja Efesusa tjanga; Omambo Ua i Ingui ngua tiza o zonjose hambombari meke Re rokunene, ngu rianga mokati ko vikurameno vio marambe imbi o hambombari vio ngolto, ² Me tjiua o viungura vioje, no ngondjero joje, no muretima uoje, no muano mbu u ha jenene oku karera ko o varunde, nu ove ua nongonona imba mbe ripa kutja o vaapostolo, nu a ve heri o vaapostelo, nu ove vaza a veri ovanavizeze. ³ Nu ua tjinda no kara no muretima, no kondjere Ena ra Ndje, noku hina ku ngundipara. ⁴ Nunguari o tjina tji Mbi natjo kuena ove, o kutja ua jesa o rusuvero ruoje induo rutenga. ⁵ Zemburuka nambano kutja ove ua ua oku za pi, nu u riverere ko ndanaukiro, nu u tjite o viungura imbio vitenga. Pendje na nao Ami meja ku ove mo hakahana, nu E isapo o tjikurameno tjo rambe roje po ruveze ruatjo, andu tji ue riveverere ko ndanaukiro. ⁶ Nunguari ove una itji, ku u njengua o viungura vio Vanikolai, Ami uina mbi mbi njengua. ⁷ Ingui nguno kutui nga zuve kutja o Mbepo mai tja vi ko zokereka. Ku ingui ngua tona Me jandja ko o usemba oku ria ko Muti uo Muinjo, mburi mokati ka Paratisa ja Mukuru. ⁸ Nu ko muengeri uo kereka ja Smirna tjanga: Omambo Ua Ingui o Mutenga no Museinina, ngua tire nu ngua hupa rukuao matja nai; ⁹ ''Me tjiua ozo mbamisiro no usiona uoje, nunguari ua tumba. Nu Me tjiua o zondjambu ku Mukuru za imba mbe ri heja kutja o Vajuuta, nu ave heri vo. Nunguari averi o sinangonge ja Saatana. ¹⁰ O tira imbi mbi moje ku hihamisiua navio. Tara! O mudiaboli meje ku uMba vemue venu mo ndorongo kutja mu rorue, nu mamu kara mo mbamisiro o majuva o murongo. Takameje nga ko ndiro, nu Ami me mupe e kori ro uhona ro muinjo. ¹¹ Ingui nguno kutui nga zuve. kutja o Mbepo mai tja vi ko zokereka. Ingui ngua tona kena kuje oku hihamisiua ko ijo ndiro indji o itjavari. ¹² Nu ko muengeri uo kereka ja Pergamusa tjanga: Omambo Ua Ingui ngu nengaruvio e tue, nda upikua kuvari. ¹³ ''Me tjiua pu mu kara, imba pu pena o tjitorone tja Saatana. Nu ene mua kakatera kena Randje. Me tjiua kutja kamu ripataneneko o ngamburiro Muami, namo majuvangena Antipasa, o muhongonone Uandje o mutakame tja zepirua o ngamburiro je puene, imba pupa tura Saatana. ¹⁴ Nunguari mbina o vina o vititi o hunga na ene: orondu ene ingo muna imba mba kakatera ko mahongero ua Balaama, ngua hongere Balaka oku umba o tjiputarise po murungu uo vanatje va Isaraera oku ria o vikuria mbia punguhirua o visenginina, noku kara mo ruvakirasano. ¹⁵ Nu uina muna imba mba kakatera ko mahongero uo Vanikolai. ¹⁶ Riverereje, ko ndanaukiro! Pendje na nao, Ami meja ku ene mo hakahana, nu E mu ruisa nengaruvio ro tjinjo Tjandje. ¹⁷ Ingui nguno kutui nga zuve kutja o Mbepo mai tja vi ko zokereka. Ku ingui ngua tona, Meje ku jandja ko ousemba oku ria o mana nga horekua, Nu Meje ku mupa eue e vapa, nu meue mua tjangua ena epe, ndi ha tjiukua ko ijo mundu pendje na ingui ngu meri jakura. ¹⁸ Ko muengeri uo keraka ja Tiatira tjanga; Inga omambo O Muna ua Mukuru, Ingui ngu no meho Ue tjimuna o rurumo ruo muriro, no zombaze Ze tjimuna o tjitenda tjo mburonze tjitja sesengua. ¹⁹ ''Me tjiua o viungura vienu; uo rusuvero, no ngamburiro, no ukarere, no muretima. Ami me tjiua kutja imbi mbi mua tjitire oupe via kapita imbio vitenga. ²⁰ Nunguari mbina o vina o vititi o hunga na ene orondu: Mu jandjera o mukazendu nguina Jezebel, nguri isana o muprofete.Oku honga noku nanena o vakarere vandje koku kara mo ruvakirasano noku ria o vikuria mbia punguhirua o visenginina. ²¹ Mbe mu pa o ruveze ruo ku rivera, nunguari eje kena ndero joku rivererako ko otuvakiro ko ndanaukiro . ²² Tara, Me mu umbu mo mbete jo uvere, nu imba mbe kara mo ruvakiro puena je me ve umbu mo mihihamo o minene, andu tji ve riverere o vitjitua viao ko ndanaukiro. ²³ Nu Me zepa o vanatje ve no ndiro, nu o zokereka azehe mazeje ku tjiua kutja Ouami ngui ngu kondonona o uripura no mitima. Nu meje ku jandja ku auhe uenu otja ko viungura vie. ²⁴ Nunguari metja nai ku ene amuhe, na ku imba mbe rimo Tiatira, imba avehe mbe he rihongere o mahongero nga, mbe ha tjivirue inga o maurekoto ua Saatana, kuene metja,'' hina ku tuako o uzeu uarue kombanda jenu.'' ²⁵ Nunguari itji tji muna tjo, takamiseje tjinene nga tji Mee ja. ²⁶ Nu ingui ngua tona na takamisa o viungura Viandje nga ko maandero, kuje Meje ku jandja o uvara kombanda jo viuana. ²⁷ Nu eje meje ku vi nana no nguinja jo tjitenda, o vio mavi je ku pamunua tjimuna o vitjuma vio munoko. Tjimuna Ami tji Mba jakura ku Tate, ²⁸ Uina Me mupe o Njose jo Muhuka. ²⁹ Ingui nguno kutui, nga zuve kutja o Mbepo mai tja vi ko zokereka.''