1
Neje tja muna ouingi uo vandu, ua ronda ko ndundu, a haama pehi nu ovahongeua ve arire tji veja kujE:
2
Neje ua patururire otjinjo tje neve hongo, atja,
3
Ovaningandu imba mberi ovasiona mo mbepo: orondu ouao ouhona ue juru,
4
Ovaningandu imba mbe noruhoze: orondu ovo ma vee ku huhuminua
5
Ovaningandu imba mbe risusuparisa: orondu ovo mavee ku rumata eta rehi.
6
Ovaningandu imba mbeno ndjara no njota jousemba: orondu ovo mave munu ozondero zao
7
Ovaningandu imba mbeno tjari: orondu ovo mave tirua otjari
8
Ovaningandu imba ovakohoke mo mitima: orondu ovo mave munu Mukuru
9
Ovaningandu imba mbe tjita kutja pe kare ohange: orondu ovo mavee ku isaneua ovanatje va Mukuru
10
Ovaningandu imba mbe hangaurua mena rousemba:orondu ouao ouhona ue juru
11
Ovaningandu ouene, ovandu tji mave mu jamburura, nave mu hangaura nave mu korere ovizeze amave mu hungire ovina avihe ovivi mokutja ouene ovandje.
12
Njandee nu jorokee tjinene: orondu ondjambi jenu mejuru onene: orondu otjinga ava hangaurire ovaprofete mbeja komurungu uenu.
13
Ouene o mongua uehi: nunguari omongua tji ua pandjarisa omutjato uao, mau rurisiua na tjike? Okuzambo tjandji kautjina hepero, otjao tjandji oku imbirahiua, oku ka jatua ijo vandu nozombaze.
14
Ouene ondjerera jo uje: Otjihuro tji tja tungua kombanda jondundu kamaa tji horekua.
15
Tjingee ovandu tji ve ha jakisa erambe kuzambo averitua kehi jo tjijaha otjikoto, nunguari veri tua ko mureko uaro nu ari jerisa ondjiuo aihe.
16
Mondjira otjingejo ondjerera jenu ngai jere po murungu uo vandu kutja ve mune oviungura vienu oviua nu ve hivirike Iho nguri mejuru.
17
Ngaa mu tjangovasi ami mbeera oku isapo oveta poo ovaprofete, Ami hi jereere oku isapo mbi nguari mbeera okuvijenenisa.
18
Tjiri me raere ene, ngunda ejuru nehi avihija jandekua, kapena nangarire omatjangero omatitititi poo okauru ko kokai okatitititi ko tjitjange ku make pandjara mo veta ngatji avihe tji via jenenisiua.
19
Okutja kaani auhe nguma katuka ko matuako inga o matitititi inga, nu a hongo ovandu nao, eje ma isaneua omutitititi mouhona uejuru: nunguari ingui ngu meje takamisa nu a hongo ovandu nao nao ma isaneua omunene mouhona ue juru.
20
Orondu me raere ene, andu ousemba uenu tjiua kapita ousemba uo vatjange nOvafarasai kanaa mu hiti ko mouhona uejuru.
21
Ene muazuva kutja kuazire nai kovandu va rukuru, ko nakuzepako; nu auhe ngu ma zepa ma kara moumba uo mbanguriro:
22
Nunguari Ami metja nai kuene, auhe ngua pindikire omukuatua pamue nae no kuhina zeva ma kara moumba uo mbanguriro: nu auhe nguma hee omukuatua pamue nae kutja, Tjinauriri, ma kara moumba po murungu uo tjimbumba tjo vanene; nunguari auhe nguma tja, Jova ove, ma kara moumba uo muriro uo tjovasengua.
23
Okutja ove tjiua eta otjijandjeua tjoje pe zuko ro maningiririsiro nu ngunda auri mbo ozemburuka kutja omukuatua pamue naove umue kutja u nombiri naove;
24
Jesa otjijandjeua tjoje pomurungu ue zuko ro maningiririsiro, u kaende u ka hangane kuena omukuatuapamue naove rutenga, nu arire tji ua kotoka okuje ku punguha otjijandjeua tjoje.
25
Itaverasana kuena omunavita naove tjimanga ngunda a muri mondjira, tjaa omunavita ngee ku jandja ko mupangure, nu omupangure eku jandja ko muporise, nu oumbua mo ndorongo.
26
Tjiri metja nai kove, konoo piti nangarire mo muano umue nga tjiua sutu okamariva ko maandero
27
Muazuva kutja kuazire, kona ku katukako orukupo:
28
Nunguari Ami metja nai kuene, omundu auhe ngua tara mo mukazendu ne mu sesemana, ua katuka korukupo puna je mo mutima ue.
29
Nu eho ruoje ro kokunene tjima ri kukatukisa homona ro nu uri imbirahi: orondu tji mapengara kutja okanepo koje kemue ke pandjara po kutja orutu ruoje aruhe ru umbue mo tjovasengua.
30
Nu eke roje ro komanene tjimari ku putarisa konda ro nu uri imbirahi: orondu tji mapengara kutja okanepo koje kemue ke pandjara po kutja orutu ruoje aruhe ru umbue mo tjovasengua.
31
Kuazire auhe ngua ramba omukazendu ue nge mupe ombapira jo rujaro:
32
Nunguari Ami metja nai kuene, auhe ngua ramba omukazendu ue, aeheri mena ro ruvakiro, ma unduririre omukazendu ingo oku katuka ko rukupo: nu auhe nguma kupu omukazendu ngua rambua mo rukupo ma katuka korukupo.
33
Rukuao muazuva kutja imba ova rukuru va tjere, kona ku jana ko posio, nunguari jenenisa imbi mbi ua jana ku Mukuru.
34
Nunguari Ami metja nai kuene, Amu janako kaparukaze: amu jana nejuru orondu oro tojihavero tjouhona tja Mukuru:
35
Poo nehi orondu oro otjihavero tjo zombaze zE: Poo na Jerusarema orondu otjo otjihuro tjo Mbara Onene.
36
No tjiuru tjoje kona ku jana ko natjo, orondu konoo jenene oku tanaura ondjise imue okurira ombapa poo ondorozu.
37
Nunguari omambo uenu ngaje rire o ii poo kako: mokutja ajehe nga kapita inga tjandje majezu ko munauvi.
38
Mua zuva kutja kuazire, eho keho, nejo kejo:
39
Nunguari Ami metja nai kuene, a mu pirukire the mu tumbu navi: nu auhe ngue ku tono orupiu ko tjitama itjo tjo kunene mu tanaurira itjo tjikuao uina.
40
Nu omundu auhe ngue ku tuara ko veta a ma paha ombanguriro jo ku sutua no hema joje, mu pa no mbaikiha joje.
41
Nu auhe ngu meku undura kutja u kaende puenae omaela imue, kaende puenae ozomaela mbari.
42
Jandja ku ingui ngu ma ningire kove, nu o jandja etambo ku ingui ngu ma vanga oku jazema kove.
43
Mua zuva kutja kuazire, suvera ovararanganda uoje nu tonda omunavita naove.
44
Nunguari Ami metja nai kuene, suvereje ovanavita naene nu seree ondaja kuimba mbe mu senga, unguree ouua kuimba mbe mu njengua, nu mu kumbire imba mbemu tumba navi na imba mbe mu hangaura;
45
Kutja mu sore okurira ovanatje va Iho uenu nguri mejuru: orondu eje u tjita ejuva re kutja ri jere kombanda jo vavi no vaua, nu a rokisa ombura kombanda jo vasemba no vahasemba.
46
Mokutja ene tji mamu suvere imba mbe mu suvera mama munu onadjambi ja tjike? Ovasutise vo vimariva vio uhona momahi kave tjiti nao ovo uina?
47
Nu tjimamu minike ovakuatua pamue naene uriri, tjandje mua ungura tjike okukapita Ovasutise vo vimariva vio uhona momahi?
48
Opumuaso ku rira ovapiuke tjimuna Iho uenu nguri mejuru tjeri omupiuke.