1
Momajuva ngo kueere Johanesa ingo mupapitise, a mazuvarisa mokuti ongaango kua Judea,
2
Amatja, tanaukiree omauvi uenu: orondu ouhona ue Juru uri popezu.
3
Orondu ingui ongua heerue ijo muprofete Jesaja tja tjere, ‘eraka ra umue ndi mari ravaere mokuti ongaango: tuneje ondjira ja Muhona, teremaniseje omirari vie.’
4
Nu Johanesa ua zarere ombanda jo mainja uo ngamero, nekuamo romukova pehuri novikuria vie viari ozombahu no vihira vio njutji.
5
Nu ovature va Jerusarema naimba ovehi ra Judea arihe, naimba avehe mba turire mongoroka ja Jordan veere kuje;
6
Nave papitisiua ije mondondu Jordan ama ve rihepura omauvi uao.
7
Nunguari eje tja muna ova Farisei no vaSadukai ovengi ama veja ko mbapitisimo je, eje ueve heja kutja, ndekurona uene jo zonjoka mua tirisiua ijani oku taura ko mazenge ngu maeja.
8
Ene muaso kujeta ovihape mbia puira ondanaukiro:
9
Nu ngaa murihee nai momitima vienu, ete tuna tate uetu Abraham: Orondu ami me muraere, Mukuru majenene oku ungurira Aparahama ovanatje po maue nga.
10
Nu nai ekuva ra tuua pomize viomiti: nu omuti auhe mbu hina kujeta ovihape oviua mau kerua pehi nau umbua momuriro.
11
Ami tjiri mbi mu papitisa no meja oku raisa kutja mua tanaukire omauvi uenu: nunguari Ingui ngu meja kombunda jandje omunamasa puami , ngumbi hina ku jenena noku tjinda ozongaku zE: Eje mee ku mu papitisa no Mbepo ndjapuke no muriro.
12
Meke re muno tjisise tje, nu ma komborora otjitondero the ketupa, na uongere ondui indji ombua mondjiuo jo mbuikiro no vitatu ma njosa no muriro, mbu ha zemi.
13
Nu Jesu uaza ko Galilea nu aiku Johanesa ko Jordan oku ka papitisiua ije.
14
Nunguari Johanesa ua kondja okutjaera Jesu amatja, ouami ngume hepa oku papitisiua ijove nambano ove moja kuami are?
15
Nu Jesu uemu zira natja, jandjera kutja pe kare nao mo ruveze ndui, orondu matu puirua ijo ku jenenisa ousemba tjitua tjiti nai. Okutja Johanesa otja itavera.
16
Nu Jesu ua papitisiua, nu tjimanga tja pita momeva: nu tara, omajuru je mu paturukira nu eje ua muna Ombepo ja Mukuru amai heruka otjo nguti nai uirire kombanda je.
17
Nu, tara, eraka raza kejuru nu aritja, ingui Omuna uandje omusuverua mumbi joroka katjootjiri.